1Ptr. 5:6 - BUKO SIPUNENAN

⁶ Oto paepe kam tubumui ka tei kabei Taikamanua simaron, bule ibuakngake kam ka teterenia.

1Ptr. 5:6 Iomraidhean Croise

1Rim. 21:29

“Anuitcoan leu si Ahab masiepeake tubu ka mataKu? Kalulut nenda, ta Kubabaraake geti pugejaat baga, kateteret aipeilenia muririmanua. Kateteret togania geti baraakekungan pugejaat baga ka muntogatnia.”

2Rim. 22:19

oleinangan bagam samba repeakenungan patuatnu ka mataKu. Akuisiakean masiukum Jerusalem samba sirimanua sikuddu ka bagania. Kubabailiuake te laggai nenda sara itcoket kalotoakenen, samba onin Jerusalem bailiuakekungannia oni pateleiat. Tapoi kele anuarep pagalaiat palotokatKu nene, pusounungan samba biritakenungan leppeinu toggaiat reureu bagam. Akuarepan panindogatnu,

2Taw. 12:12

Kalulut aiepeakean patuatnia si rimata kai Tuhan samba aipeile simaeru ka Jehuda, bailiu malebaknangan golut Tuhan kai Rehabeam samba taan aisubuakenia.

2Taw. 30:11

Tapoi aileu sirimanua sibara ka muntogat Asyer, Manasye samba Zebulon sioba moi ka Jerusalem.

2Taw. 32:26

Tapoi kalepakatnia si Hizkia samba sangamberi tai Jerusalem bauakeragan patuatda, bailiu ka burunia purimanuaiat Hizkia ukuman nenda ta atuenungake.

2Taw. 33:12

Kabagat pangoringannia nenda, bauakenangan patuatnia katubut Tuhan Taikamanuania, manindou itiddou paromanNia.

2Taw. 33:19

Kabagat buko Pungunguan Pagalaiat tai Nabi atusuratakean leu panindogat Manasye, alegiat Taikamanua ka panindogatnia nenda samba leu pagalaiat sangamberi jonia kepei ibauake patuatnia. Kabagat buko nenda leu atusurat sangamberi kudduat pasibuluijiat sabulungan tularat Asyera sigalainia samba leu sangamberi bulungan panindogietnia.

2Taw. 33:23

Tapoi si Amon, ta kele ukkuinia, si Manasye, taaibauake patuatnia samba ta atoilinia katubut Tuhan; tapoi amakope le jonia, bele peile jot ukkuinia.

2Taw. 36:12

Si Zedekia leu et majonia ka matat Tuhan Taikamanuania. Ta ioba ibauake patuatnia samba ta mareddetnia katubut Nabi Jeremia sipasisesegeake patonekat Tuhan katubunia.

Job 36:22

Bulatnia, Taikamanua abeunia kabagat gegeNia, kasei guru kele Nia?

PSALMEN 75:10

Tapoi mugerei gorat baga le aku teret buruburu, muurai le aku ka Taikamanuan Jakob.

PSALMEN 89:13

Bare samba kaiman Ekeu le aibaraakenia, Tabor samba Hermon mugerei angkat baga kalulut onim.

2Mos. 10:3

Lepa si Mose samba si Aron mei masiailiake si Parao samba masikua katubunia, “Tuhan, Taikamanuanda tai Ibrani, masikua: “Pigamoian le ta numareddet katubukKu? Obaakean paamianKu, bule raei rapanindou katubukKu.

2Mos. 3:19

Lepa geti kuanangan minca Taikamanua, “Kuagai rimata Misir ta ioobaake kam mei, ke ta tubesiake.

2Mos. 32:11

Tiddounangan si Mose katubut Tuhan Taikamanuania, kuanangannia, “Tuhan angoian le nugalai kisedda katubutda? Ta' pa Ekeu le amasibelaake ka laggai Misir kabagat gege samba puroron sabeu?

Pangt. 29:23

Pubuangan patuat masiputata sirimanua, tapoi sirimanua simaepe patuat, masisilo katuumunan.

Jes. 2:11

Sirimanua simabuak patuat tuepeake, samba sirimanua simaukkat tupaloloi; samba sarat Tuhan le siabeu ka gogoi nenda.

Jes. 40:4

Senen guluggu buita tutabbui, samba senen leleu samba tinambu tugaktukake; polak simatinambu buita ibailiu polak simagaktuk, samba polak simabuklu ibailiu simagaktuk;

Jes. 57:15

Kalulut kise te tiboiet Sipulugege samba Sipululatsat, sikuddu teret buruburu samba Sipululatsat oniNia: “Mukuddu le Aku ka kudduat simabuak samba ka kudduat sipunenan tapoi sambamai leu sirimanua sipangongorik simaepe patuat, samba masirimanuaake ron patuatda simaepe patuat samba masirimanua patuatda sipangongorik.

Jer. 13:18

Kua le' katubut rimata samba ka tubut inan rimata: “Puuddet le' kakudduat simakope repe', aipoi kirit pulatsananmui atugorosotnan barania ka ute'mui!”

Jer. 44:10

Paatuatra Ta'amabubu' teret kineneiget, ta' maloto sia samba ta'aratut surukatKu samba ukumKu siakeKu katubumui samba ka taikebbukatmui.

Jehz. 17:21

Matei le geti ka lanjau sangamberi saladdu sipilinia samba simaarau tusaragaiake le geti ka sangamberi matat rusa. Samba agaimuian getinia Aku te Tuhan, sipasikukua.

Jehz. 21:6

Samba ekeu togat sirimanua, pukatci le kamatatda kele sara rimanua sitatakki tolat kokdoknia samba sikuddu ka pangoringan simapongit.

Dan. 5:22

Tapoi Tuanku, Belsyazar, togania, ta aiepeake patuatnia, kenanen sangamberinia nenda iagai Tuanku.

3Mos. 26:41

pat galaikungan masisaggangi sia samba masituituiake sia ka kudduat katuribbaiat ka kupkumen laggai sasaggakdra. Kalepakatnia, ke'bai rapaepe tubu samuntogatmui samba araenungingan ukuman kalulut jo samba paaggaratdra,

Mik. 6:8

Ta! Aipatoilaan poi simaeru ka tubutta si Tuhan. BesiakenenNia ka tubutta geti iate bule tagalaiake simaroipo, masiparaboatnake pununtuat baga, puepekat paatuat, masisuraake puririmanua ka Taikamanuanta.

Mat. 23:12

Kasei siabeuake tubuna tupagogoiso le nia, samba kasei sipagoiso tubuna tuaabeuake le nia.”

Luk. 1:52

Tai rimata simagege itukkuluake ka uddenanda, sirimanua sigoiso tiboi tubu iabeuake.

Luk. 14:11

Aipoi kasei siabeuake tubuna tupagogoiso le nia, samba kasei sipagoiso tubuna tuaabeuake le nia.”

Luk. 18:14

Kukua nia ka matamui: Sipuuku cukai le aiparoipo Taikamanua aitoili ka lalepnia, ta si Parisena. Aipoi siabeuake tubuna tupagogoiso le nia, samba sipagoiso tubuna tuaabeuake le nia.”

ROMA 5:6

Aipoi ka teteret ai sita mulululuk, sedda te aimatei Kristus punu tubuta sijo ka tetere siteuakenen Taikamanua.

1Kor. 10:22

Ele taoba pa tangoingoiake bagat Tuhan? Sita pei le pa maron ka Taikamanua?

5Mos. 32:35

Ilulumunake samba iukumake sia si Tuhan, ta'an mauju rabele ramatei, iaailingan le tetere katukataikatdra.

1Tim. 2:6

sibuluake tubunia panebuira sangamberi sirimanua, ia te munengakenen ka tetere sinetereakenen.

Tit. 1:3

samba ka tetere siteuakenennia aipatoilaan tiboietnia ka bagat pasipaareman Katuareman Simaeru sinegeakenen kaku siripot patonekat Taikamanua, Sipaarau sita.

Jak. 4:10

Paepe kam tubumui ka matat Tuhan, buakngakenangan kam geti.

Jak. 4:7

Oto pusum kam ka Taikamanua, saggangi kam Sanitu, kaddiuakenangan kam.

Jak. 5:10

Sasaraina, ului le kam pangoringan samba puoman bagada tai nabi sipaninibo ka onin Tuhan.