1Ptr. 5:5 - BUKO SIPUNENAN

⁵ Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan, “Isasaggangi le poi simabuak paatuat Taikamanua, simaepe paatuat geti ikikiliu le.”

1Ptr. 5:5 Iomraidhean Croise

2Taw. 6:41

Kineneiget suruake Ekeu, oi Tuhan Taikamanua, samba kenannan ka kudduat puariatNu, Ekeu pasamba Peti Pakerekat Baga toggaiat pubebeuNu nenda! Bule, oi Tuhan Taikamanua, tai imamNu muleppei katuaraugat, samba sangamberi sirimanua simanuntu bagam mugora baga kalulut topitNu.

Job 22:29

Kalulut Taikamanua masiepeake sirimanua simabuak patuat, tapoi simaepe patuat tuarauake.

Job 29:14

Leppeiakekungan pubulanan samba puroipoat masitabbo aku kele leppei sabeu samba appra.

PSALMEN 132:16

tai imamnia Kukakau leppei puaraugat, samba sangamberi sirimanuania simatopit geti mugora baga ka angkat baga.

PSALMEN 132:9

Kau rapakei leppei puroipoat tai imamNu samba sangamberi sirimanua pununtukietNu bagam mugora baga!

PSALMEN 138:6

Mabuak le si Tuhan nenda, tapoi iitco le sirimanua sigoiso, samba iagai sirimanua simabuak paatuat barania ka sareunan.

Pangt. 25:7

Kalulut maeru peile rakua katubum sirimanua: “Konan sene ka pata,” daripada rapakaila ekeu kamatatda sirimanua siabeu tiboi tubu. Aileu nuiinco,

Pangt. 3:34

Ke iaili sirimanua sioba paloloi, oto nia leu et paloloinangan, tapoi kudduatda sirimanua ipanukani le si Tuhan.

Jes. 57:15

Kalulut kise te tiboiet Sipulugege samba Sipululatsat, sikuddu teret buruburu samba Sipululatsat oniNia: “Mukuddu le Aku ka kudduat simabuak samba ka kudduat sipunenan tapoi sambamai leu sirimanua sipangongorik simaepe patuat, samba masirimanuaake ron patuatda simaepe patuat samba masirimanua patuatda sipangongorik.

Jes. 61:10

Muangka baga le aku kabagat Tuhan, patuatku mugora baga kabagat Taikamanuangku, kalulut ileppeiake le leppei puaraugat katubukku samba isakkeri le aku leppei pubulanan, kele siputalimou simanteu sipakei pulaingean ute samba kele siputalimou sinanalep sipakei pulaingeannia.

Jes. 66:2

Ta pa kabeiKu le amasigalai sangamberinia nene bailiu puailinangan sangamberinian nene? kise te tiboiet Tuhan. Tapoi ka sirimanua nene te kumataiake matakKu: ka sirimanua situoorei, ka simabele baga samba simaloto ka tiboietKu.

Jehz. 26:16

Sangamberi sikebbbukatda tai bangsa sikuddu ka bebet koat tuepe le puririmatatda samba raareuake le leppei samba ragolok le leppeira simagurik. Isaluki le sia katugegekat samba mukuddu ka polak; bulat muloto samba tuge'ge le sia raitco ekeu.

Dan. 11:12

Lepat aisubuake saladdu simigi nenda, maangkanangan bagania. Kenanen aimateiakean saladdu simigi, tapoi ta mabuburu ipuparenta.

3Mos. 19:32

Kau nutusuru murio kamatatda sirimanua simaubat samba buita nukau tabi' ka saukkui samba kau numaloto ka Taikamanuam; Aku te Tuhan.

Luk. 22:26

Ka kam geti bui kisedda; bailoknia le, siabeu ka kam, kau le kele sule, sipaneinei kam, kau le kele pagugulet.

ROMA 12:10

Kau nupanuntu kam baga pasasambamui samba paruei kam masikau paroroiat.

ROMA 13:14

Tapoi pakei le kam Tuhan Jesus Kristus ka tubumui samba bui nututturi kam siobat tubumui masitutuake pubotbonannia.

EPESUS 5:21

Kau nupaepe kam tubu pasasambamui ka bagat loto ka Kristus.

Plp. 2:3

Bui tugalai masigaba uktuk tubu ele katuumunan siboboi. Tapoi bule ka epet paatuat senemui masiaddeake sabagei pei le abeu bele pei tubumui.

Kol. 3:12

Kalulut nene, siripot sipilit Taikamanua, sipuneni samba pukatekietnia baga, pakei kam pukatekat baga, puaanggai, epet paatuat, leppet baga samba om baga.

1Tim. 5:1

Bui nugoluki simabaja, nana le nia kele ukkui. Sibau tubu kele saraina,

Ibr. 13:17

Reddet kam sia siuteake kam samba tut kam sia; airapasisikeli poi ketsatmui, samba sia leu masiaalegi ka Taikamanua. Bule ka angkat baga ragalaiake nia, bui ka puhohoihoi; aipoi nenda ta mauuktuk kam.

Jak. 4:6

Tapoi abeu pei le kiliu baga sipanguruatnakenennia ka sita. Ia te lulunia aikua Surat Sipunenan, “Isasaggangi Taikamanua le simabuak paatuat, simaepe paatuat geti ikikiliu le.”

1Ptr. 3:8

Ia geti pasilepania, kau sisara paatuat kam sangamberimui, sikere masiorik, mununtu baga ka saalei, mukate baga samba muepe paatuat.

1Ptr. 4:1

Oto kalulut amasiorikngan Kristus ka putubuat, kam leu buita pupaatuanan kele nenda nuparon kam tubumui. Aipoi kasei sipasioorik pangoringan tubu, aiariakean mugalai jo,

1Ptr. 4:5

Tapoi raaalegi te nia, simatarek masiukumake sipuririmanua pei le samba simamatei.