1Ptr. 5:4 - BUKO SIPUNENAN

⁴ Amoian geti Sipasijajago Sabeu, silomuian kirit pulatsanan sitaimalalaju.

1Ptr. 5:4 Iomraidhean Croise

PSALMEN 23:1

Psalmen David. Tuhan le jagokku, taanai simagulai ka ku.

Jes. 40:11

Kele sara sipasijago tarimeu ipasijago mungkuat tarimeuNia samba iruruakenia pasamba kabeiNia; sangamberi togat biribiri ikupkupake, sangamberi inan biribiri palulunangannia simakolou.

Jehz. 34:23

Kuudetake le geti sara sipasijago sia, sijago sia, iate si David, paguguletKu; jagonangan leu sia, samba bailiunangan leu sijago sia.

Jehz. 37:24

Oto paguguletKu si David ibailiu le geti rimatania, ka sangamberitda bara le sara sipasijago. Murimanua le' geti sia siripokat sangamberi enungan galaiakenenKu samba masigalaiake sangamberi siteuakenenKu kabagat topit.

Dan. 12:3

Saute simasiku paatuat mutoro le geti kele torot manua. Samba sia sipasigegelaiake sirimanua simigi addeat masigalaiake simaeru samba puroipoat, mutotoro le geti kele panyanyat teret buruburu.”

Zakh. 13:7

Kuanangan si Tuhan Sipulugege, “Ale lanjau suruake ekeu, samba saggangi sipasijago sipugagalai ka tubuKu! Mateiakenia, iageti pusabunangan sangamberi biribiri. Saggangingkungan leu et paamianKu,

Joh. 10:11

Aku te sipasijajago sipulelelek. Sipasijajago sipulelelek ikau le engania punu tubut biribirinia.

1Kor. 9:25

Senen situtnake panangkakat, bulat rapasikeli tubuda ka bagat sangamberinia. Ragalai kele nene bule ioi rasilo kirit sitaimatom; ka sita geti bule ioi tasilo kirit simatom.

2Tim. 4:8

Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

Ibr. 13:20

Ia geti Taikamanuan paabanan, sipasiririmanuaake minca Tuhanta Jesus, ia te Sipasijajago Sabeu ka sangamberi biribiri kalulut logau pakerekat baga sitaitatata,

Jak. 1:12

Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

1Ptr. 1:4

tasilo ikepmakenen sitaimasusuet, sitaimalololit samba sitaimalalaju, situkokoiri ka sorga ka kam.

1Ptr. 2:25

Amapepengan poi kam siburu kele biribiri, tapoi kineneiget atoilingan kam ka Sipasijajago samba Sipasikeli ketsatmui.

1Ptr. 5:2

Jago kam sabiribirit Taikamanua sigoilik kam, bui siubbuakenen, ka teu baga le sipasesese ka Taikamanua; samba bui kalulut pasigagaba uktuk, ka oba le.

1Joh. 3:2

Sasaraina kilibet baga, tatogat Taikamanuangan te sita, taimatotoilana pei le kipa sita geti. Tapoi ataagaian, amatoilaan geti Kristus, makeretangan ka tubunia, bulat tubungangan poi taiitco.

Pamoil. 1:7

Itco kam, ioi ka bagat tanairusa! Sangamberi mata masiitco nia, samba sia leu sipasipupunu nia; samba sangamberi bangsa ka polak nene mugeri masiitco nia. Oo, bulatnia! Amen.

Pamoil. 2:10

Ba kakalotoake gejat baga siooi geti ka tubum. Ibubulukngake te piga pa ka talagamui Sanitu ka bagat penjara bule isibo kam, magejanangan bagamui pulu ngagogoi burunia. Kau numatopit teret matei ai leu kuake kekeu kirit purimanuaiat.

Pamoil. 3:11

Maruei le kuoi! Ukkaake le bakkatnu, bui bara kasei pa siala kiritnu.