1Ptr. 5:12 - BUKO SIPUNENAN

¹² Surat sitete nene kusuratnake ka kam ka paroman Silwanus, addeakenen saraina simatopit. Ka surat nene kunganturu kam samba masimunengake, sangamberinia nene ia te kiliu bagat Taikamanua sibulatnia. Kau nupurio kam simaron ka bagania.

1Ptr. 5:12 Iomraidhean Croise

Joh. 21:21

Kele aiitco nia si Petrus, kuanangan ka matat Jesus, “Tuhan, kipa ka sia kai nene?”

Pugap. 11:23

Kele aisege sedda si Barnabas samba aiitco katet bagat Taikamanua, angka lepa bagania, tubbuinangan bagada ramariuriu sangamberida kai Tuhan ka muinet paatuat.

Pugap. 15:22

Ia geti teuakerangan tai apostel samba tai baja samba sangalio paamian rapili piga pa ka talagada koiniakenen ka Antiokia alei Paulus samba Barnabas. Pilirangan si Judas sipuoni Barsabas samba si Silas. Ruada nene ia te sikebbukat ka talagat saalei.

Pugap. 20:24

Tapoi beri goiso ta kupuletsei purimanuaiatku; itukappulu le eijatku samba kulepaake galajet siniloku kai Tuhan Jesus, masimunengake Katuareman Simaeru pukatekat bagat Taikamanua.

ROMA 5:2

Kalulut tonem bagata ka Jesus leu momoian tananam kiliu bagat Taikamanua; ka bagat kiliu baga nene te tapurimanua kineneiget. Oto maangka bagata ka bagat pukakaronan masisilo pulatsanan Taikamanua.

1Kor. 15:1

Kineneiget kuparepdep ka kam sasaraina pagalaiat Katuareman Simaeru sipaarepku ka kam, samba sinilomui, samba amaronan nupurio kam ka bagania.

2Kor. 1:19

Aipoi Jesus Kristus, Togat Taikamanua sipaarepmai ka kam, aku samba si Silwanus samba Timoteus, ta “Oo” samba “Taa”, tapoi sarat “Oo” le ka Tubunia.

2Kor. 1:24

Ta masipaksa kam apa katonemietmui, alei sipasirorom kam ka puangkakat bagamui le; aipoi amurioan kam simaron ka bagat tonem bagamui.

EPESUS 3:3

ia te patotoilana kaku pakeleatnia ka bagat pamoilianan, kele sinuratnakenen goiso ka pata.

EPESUS 6:21

Tapoi bule nuagai kam pagalaiat sibabara ka tubuku samba galajetku, sangamberinia ai leu isegeake nia si Tikhikus, sarainanta kilibet baga samba sipugagalai simatopit ka bagat Tuhan.

Kol. 1:7

Sangamberinia nene anugelaian kam kai Epapras, alei mugalai kilibet bagamai, pagugulet Kristus simatopit masipasikeli kam.

Kol. 4:7

Sangamberi sibabara ka tubuku ai leu isegeake nia ka kam si Tikhikus, sarainanta kilibet baga, sipugagalai simatopit samba alei pagalaiakenen ka bagat Tuhan.

Kol. 4:9

Kukoiniake nia ruada si Onesimus, sarainanta simatopit samba kilibet baga, ia te sibara ka kam. Ai leu rasegeake nia ka kam sangamberi sibabara sene.

1Tes. 1:1

Sibara kai Paulus, Silwanus samba Timoteus masiailiake paamian Tesalonika sikuddu ka bagat Taikamanua Ukkui samba Tuhan Jesus Kristus. Kiliu baga samba aban masipaalei kam.

2Tes. 1:1

Sibara kai Paulus, Silwanus samba Timoteus, masiailiake paamian Tesalonika sikuddu ka bagat Taikamanua Ukkuita samba Tuhan Jesus Kristus.

Ibr. 13:22

Kutiddou ka kam, sasaraina, bule nusilo kam ka erut baga nganturat nene, ta le poi mananta suratku nene ka kam.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

1Ptr. 4:10

Kau paletsei kam pasasambamui siripot panguruat sinilomui senemui, kele sipugagalai simatopit masipasikeli panguruat kiliu bagat Taikamanua.

2Ptr. 1:12

Ia te lulunia sarat kuparepdep kam pagalaiat sangamberinia nene, kenanen anuagaian kam samba amaronan kam ka bagat pubulanan sinilomui.

2Ptr. 2:15

Kalulut rakaddiuake enungan simaroipo, mapeperangan, tutnakerangan si Bileam, togat Beor, sioba masisilo upa ka pasigagalai sikatai.

3Joh. 1:12

Si Demeterius geti sangamberi le masimunengake simaeru pagalaiat nia, beri pubulanan leu masimunengake kisedda. Kai leu masimunengake simaeru pagalaiat nia, samba nuagai, sibulatnia le pasimunenganmai.

Jud. 1:3

Sasarainangku kilibet baga, bulat akubesiakean masigalai surat ka kam pagalaiat puaragatta sangamberita, itutubbui le aku kusuratnake surat nene ka kam masinganturu kam, bule imariuriu nupaukeleake kam masijago tonem baga sinegeakenen ka sia sipunenan.