1Ptr. 4:7 - BUKO SIPUNENAN

⁷ Kalepakat sangamberinia amalegerengan. Oto kau nujago kam tubumui samba mumata, bule ioi nupanindou kam.

1Ptr. 4:7 Iomraidhean Croise

1Mos. 19:35

Kisedda ka soibo nenda aragalai iroro si Lot, samba togania sikarua perep pasamba nia. Samba si Lot makope le airoronia mica pat taiagainanagan apa sipuaaili.

1Mos. 6:13

Lepa kuanangan Taikamanua kai Noak, “Akuteuakean masikappluake purimanuaiat senen sirimanua. Kususubuake le geti sia pasamba polak, kalulut polak asutnan putugurat tubutra.

Sip. 7:2

Mei ka lalep sipurereureu baga peile maeru bele peile ka lalep pupupunenan, kalulut ka lalep pureuteugat baga le pangampulat tetere sirimanua; siripotnia sirimanua sipuririmanua buita rapuletsei nene.

Jer. 5:31

Tai nabi masipatuptup sipatataju samba tai imam sipasigegelaiake ka obat baga, samba sapaamianKu raoba le' kise! Tapoi aponia le' geti nugalaikam ke' bai amoian kalepakatnia?

Jehz. 7:6

Amoian kalepakat, amoian kalepakatnu, kele itusuru isaggangi ekeu, itco kaooinia!

Mat. 24:42

Oto pumata kam, ta poi nuagai kam pigamoi iooi Tuhanmui.

Mat. 25:13

Oto pumata le kam, ta poi nuagai kam gogoi ele jamnia.”

Luk. 21:34

“Pagaba kam tubumui, bui nututuri kam pukokom samba pulolo simapuinengen, samba masipaatu purimanuaiat polak, bui sinulut ioi gogoi Tuhan ka kam.

Luk. 21:36

Oto kau imariuriu nupumata samba nupanindou kam, ioi nukatsiliake kam sangamberi sibabara geti, samba ioi nupurio kam ka matat Togatsirimanua.”

Luk. 22:46

Kuanangan ka matada, “Memerep koi kam? Suru kam manindou, bui iorak kam pasisiboat.”

ROMA 12:12

Pugora kam baga ka pukakaronan, muom baga ka bagat pugejaat baga, kau mariuriu paninindoumui.

1Kor. 15:24

Lepa bara kalepakatnia, ia te teteret isegeake Purimataat ka Taikamanua Ukkui, lepa aitataake sangamberi pupamarentaat, pugegeat samba puroron.

1Kor. 7:29

Nene le kuanenku sasaraina: tetere amalegerengan! Oto ka bagat tetere sipulelegei nene, bule sia sipusinanalep, kau ragalaiake kean le sitaipusisinanalep;

EPESUS 6:18

Sangamberinia galaiake kam ka bagat panindogat masitiddou paroman Taikamanua. Panindou kam senen tetere ka bagat Ketsat, samba mumata ka bagat panindogatmui sitaitetektek masitiddouake sia sipunenan.

Plp. 4:5

Kau raagai nia sangamberi sirimanua erut bagamui. Amalegerengan si Tuhan!

Kol. 4:2

Kau numariuriu kam manindou, pumata kam ka bagat nenda samba leu masikua sura.

2Tim. 4:5

Kekeu geti kau numasikeli ka bagat sangamberinia, omake masiorik, galaiake galajet masipaarep Katuareman Simaeru, lettuake galajet pasikelatnu.

Tit. 2:12

Igelai sita bule tagalakngake pukakatai samba pubotbonan polak samba bule tapurimanua simasoppit, simaroipo samba muarat ka polak nene

Ibr. 10:25

Bui tamaore moi ka parurukat kele galai tubuda sabagei. Panganturu le kam sita pasasambata, sara pei itutangari, anuitcoan poi kam gogoi Tuhan aian malelegere.

Ibr. 9:26

Aipoi ke kisedda bai, buita mareirei ipasiorik barania ka pasibaraat polak. Tapoi sangaminca le ipatoila tubunia ka kalepakat tetere masiposa jo kalulut bubuluakena tubunia.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

1Ptr. 3:7

Kisedda leu kam taimanteu, palalepmake kam tainanalepmui ka bagat agai paatuat, nuagai poi kam sipuaakkula simaluluk le sia. Suru kam sia, aipoi aleimui masiikepmake purimanuaiat panguruat Taikamanua le sia, bui isaila panindogatmui.

1Ptr. 5:8

Kau numasikeli samba nupumata kam! Ai le poi mugegejek saggakmui si Sanitu kele singa sipurorou masigaba gungennia.

Pamoil. 16:15

“Arep! Momoian le te aku kele sipananangkou. Mauktuk te sia sipumamata samba sipasikeli leppeinia, bui ipuenung simabulutut samba bui raitco sirimanua kailaakenennia.”