1Ptr. 4:3 - BUKO SIPUNENAN

³ Aipoi amaigingan tetere anupakei kam ka silelepa masigalaiake obaket bagada sipuarat sabulungan. Anugalaiakean kam sene ngamata sitaimateu, pubotbonan, pupupuineng, pukokom, pulolo samba pasipaninindogi buluat keraet surukat.

1Ptr. 4:3 Iomraidhean Croise

2Sam. 13:28

Lepa parentaakenangan sapaguguletnia si Absalom, “Lelekake kam simakolou, ke aipuinengan si Amnon ilo anggur, aile kukua kamatamui, “Mateiake kamnia. Bui numaloto kam. Aku le amasikoiniake kam. Oto ronake kam patuatmui samba patoila kam tubumui sibailiu sirimanua simagege!”

1Rim. 21:26

Maigi aigalaiake jo sabeu si Ahab, ipanindogi buluat kele sigaiakenenda tai Amon iate sikeklet Tuhan sikuddu ka laggai nenda kateteret araguruki laggai nenda tai Israel.

2Taw. 15:8

Kele aiarep si Asa tiboiet Azarya togat Oded nenda, bara ron patuatnia. Areuakenangan sangamberi bulungan ka laggai Jehuda samba Benjamin, samba ka laggai sikalaakenennia ka leleu Efraim, lepa nenda paerunangan kudduat panindogat kai Tuhan sikuddu ka laibokat matat Uman Tuhan.

Jes. 28:7

Tapoi sirimanua sikuddu sene leu mapuineng kalulut anggur samba mapuineng kalulut arak. Tai imam samba leu tai nabi mapuineng kalulut arak, taan amakolou kalulut anggur; mapuineng sia kalulut arak, mapuineng kabagat pasiitco pamoilianan, maliggai kabagat masiala katakkikat.

Jes. 5:11

Matei le sia sitususuru simansep samba simariuriu masigaba lo simapuinengen, samba sipukuddu pat aili sinoibo, maoloi le tubunia kalulut anggur!

Jes. 65:4

sipukukuddu ka sangamberi ratei samba sipugogogoi kabagat sangamberi ngaliu; sikom akkulat sakkoilo samba suat akkula kasitsitakenen kabagat koalira;

Jer. 16:11

Iageti kuanungan katubutda: Kalulut taikebbuakatmui arakaddiuakean Aku, kise le' ngangan Tuhan samba kalulut aratutnan taikamanua bagei, addeat mupagugulet samba panindou katubunia. Rakaddiake le' Aku samba ta'an araukkake surukatKu.

Jer. 16:18

Kululumunake le' geti Jo samba puseleatda ruang minca rua, kalulut arapalolitnan laggaiKu pasamba tubut simamatei sabulunganda kasitsitakenen samba arasunakean polak bakkatKu pasamba galai tubutda sikatai.”

Jehz. 44:6

Kua le' katubut muntogat simakela paatuat, iate muntogat Israel: Kasene le' tiboiet Tuhan Taikamanua: Teret senean te' galai tubum sikatai nenda, ale muntogat Israel,

Jehz. 45:9

Kasene le' tiboiet Tuhan Taikamanua: “Paan nenda, ale tai rimata Israel, areuake le' pugegege samba paoret, tapoi galaiake le puroipoat samba pubulanan. Ariake pukakatai situituiake paamianKu ka pulak bakkatda, kise tiboiet Tuhan Taikamanua.

Mrk. 7:22

paeelet, alau baga, pujojoo, patajuat, pubotbonan, tutu baga, paasakat, ukkat tubu samba taiagai nganturu.

Pugap. 17:30

Oto tetere putaiagaiat sirimanua taan aipuletsei Taikamanua, tapoi kineneiget sangamberi sirimanua kaipa kaipa ikua rabauake paatuatda.

ROMA 13:13

Kau tapuparaboat kam simasuru simateu ka tago; bui masosot pukokom samba pulolo, bui ka puoloman tubu samba pubotbonan, bui ka pagolukat samba sisit baga.

1Kor. 12:2

Nuagai kam, ka teteret sipuarat sabulungan pei le kam, taipaatuetmui aitiktikngan kam ka buluat sitaiagai manibo.

1Kor. 6:11

Kisedda leu te paraboatda piga pa ka talagamui siburu. Tapoi kineneiget atulinaakean kam, atusipunenanakean kam, atuparoipongan kam ka onin Tuhan Jesus Kristus samba ka bagat Ketsat Taikamanuanta.

2Kor. 12:21

Makarat bagaku, ke moi aku minca, ipaeepe aku Taikamanuangku ka matamui, samba mareureu bagaku kuitco igida sigalai jo ka silelepa, tapei rabauake paatuatda ka pulolinan, puumunan samba pubotbonan sigalaiakenenda.

Gal. 5:19

Galajet akkula amatoilaan, ia te: puumunan, pulolinan, botbot,

Gal. 5:21

sisit baga, pupupuineng, pasieemu samba pabageibagei. Ka pagalaiat sangamberinia nene kukua ka matamui kele sikuaku siboiki, sia sigalaiake nene, ta raiikepmake Purimataat Taikamanua.

EPESUS 5:18

Samba bui ipapuineng kam anggur, sikau kam makatai le poi; tapoi kau le isutnake kam Ketsat Sipunenan,

1Tes. 4:5

bui ka botbot akkula, kele sigalaiakenenda sirimanua sitaiagai Taikamanua;

Tit. 3:3

Aipoi sita leu siburu sitaiagai paatuat le, sitaimareddet, simapepepe, bailiu pagugulet ka sene ngamata pubotbonan samba siobat tubu, murimanua ka bagat pukataikat samba sisit baga, kasitsitnakenen, palaga baga pasasamba.

1Ptr. 1:14

Siripot tatoga simareddet, buian nututnake kam pubotbonanmui siburu ka teteret pepemui pei le.

Jud. 1:4

Aipoi taiaagaiet, aian piga pa sirimanua sipugugurui tuguru ka talagamui; sirimanua nenda siburunangan atusuratnakean ka Surat Sipunenan katuuukumda. Sirimanua sikatai le sia, sipabailok katet bagat Taikamanuanta ka pubotbonanda, samba masiputata Uteta sisasara samba Tuhanta, Jesus Kristus.