1Ptr. 4:16 - BUKO SIPUNENAN

¹⁶ Tapoi ke masiorik nia kalulut pukikristen, bui imaila; kau le iumunake Taikamanua ka bagat onin Kristus nenda.

1Ptr. 4:16 Iomraidhean Croise

Jes. 24:15

“Kalulut nenda abeuake kam si Tuhan ka laggai ka isit kabelaiat sulu, onin Tuhan, Taikamauan Israel, ka laggai ka bebet koat!”

Jes. 50:7

Tapoi Tuhan Taikamanua masiropake aku; kalulut nenda ta atupakaila aku. Kalulut kuronake le patuatku kele ron leleu simabulak kalulut kuagai, ta kusisilo geti puailaat.

Jes. 54:4

Bui' numaloto, kalulut ta nusisilo te puaailaat, samba bui' numaila, kalulut ta te nupuagai tubum. Kalulut nukalipogi le geti aila kateteret sibau tubu peile ekeu, samba taan nurerepdep minca puailaat ka pululumangnu.

Pugap. 11:26

Kele aisese nia, ambitnangan nia ka Antiokia. Pukuddurangan sedda sambada sapaamian sangarura burunia, samba rapangantoman maigi sirimanua. Ka Antiokia te muboiki sipasiului tuoniake tai Kristen.

Pugap. 26:28

Kuanangan si Agrippa ka matat Paulus, “Ai le goiso nupatiboiji bagaku, ibailiu aku Kristen.”

Pugap. 28:22

Tapoi koba kuarep kai sibara kekeu kipa paatuatnu; akuagaian poi kai pagalaiat arat nene, kaipa kaipa sarat rapajoggoloake.”

Pugap. 5:41

Kaddiuakerangan purapanan ka angkat baga, mateu le poi raorik paloloiat kalulut onin Jesus.

Plp. 1:20

Aipoi besiakenenku samba karonietku simakope ia te bui bara ailaku beri goiso, tapoi ka eme le, kele ka sanganantania kisedda leu kineneiget tupatoila latsat Kristus ka bagat tubuku, murimanua ele matei.

Plp. 1:29

Aipoi atupanguruatnakean ka kam ta sarat mutonem baga ka Kristus, tapoi samba masiorik leu kalulut nia,

2Tim. 1:12

Ia te lulunia akuorik sangamberinia nene, tapoi ta mamaila aku; aipoi kuagai nia katonemietku samba matonem bagaku sangamberi sinegeakenennia kaku momoi ipasikeli nia teret ka gogoi sialu.

Jak. 2:7

Ta sia poi sipasiaasa Oni simaeru, sibailiuake kam bakkat Taikamanua?

1Ptr. 2:12

Kau imaeru paraboatmui ka talagada sipuarat sabulungan, bule kenanen ratiboi kam rakua kam sirimanua sikatai, tapoi kalulut raitco sigalaimui simaeru, umunakerangan Taikamanua ka gogoi kaoijanannia.

1Ptr. 4:11

Ke sipungangantoman, kau ipungantoman siripot sipasisesegeake tiboiet Taikamanua; ke sipuuku pasikelat, kau igalaiake nia siripot ron sipanguruatnakenen Taikamanua, bule ka bagat sangamberinia tulatsatnake Taikamanua kalulut Jesus Kristus. Nia poi sibakkat pulatsanan samba gege teret buruburu. Amen.

1Ptr. 4:14

Mauktuk te kam ke rapaloloi kam kalulut onin Kristus, aipoi Ketsat pulatsanan, ia te Ketsat Taikamanua ai ka tubumui.

1Ptr. 4:19

Oto sia sipasioorik kalulut teu bagat Taikamanua, kau rasegeake ketsatda ka Sipasibabaraake sia simatopit, ka bagat masigalaiake simaeru.