1Ptr. 4:13 - BUKO SIPUNENAN

¹³ Bailoknia, kau le imagora bagamui siripot rubeiat sinilomui ka bagat pangoringan Kristus, bule imagora leu bagamui samba maangka baga ka teteret ipatoila pulatsanannia.

1Ptr. 4:13 Iomraidhean Croise

Jes. 25:9

Kateteret nenda kuarangan geti sirimanua: Bulatnia, nene te Taikamanuanta, ngenaakenenta samba aiarauakean sita. Nene te Tuhan ngenaenta; kau tapugora baga samba muangka baga kalulut paromanNia sibaraakenenNia!”

Jes. 35:10

Toili le geti sangamberi sirimanua siarauakenen Tuhan samba tuguru ka Sion sialei gorat baga, lakkupinangan sia puangkakat baga sitaitatata; sutakenangan sia gorat baga samba angkat baga, tuarenangan geti pureureugat baga samba puhohoihoi.

Jes. 51:11

Oto toili le geti sangamberi sirimanua sibelaakenen Tuhan samba tuguru ka Sion kabagat gorat baga, samba angkat baga sitaimasususu masilakkup sia. Muangka baga le sia samba mugora baga, asapprungan reureu baga samba pangoringan.

Mat. 16:27

Momoi le poi Togatsirimanua ka pulatsanan Ukkuinia sambada samalaikania. Sedda siliakenangan ka senen sirimanua siripot sigalaira.

Mat. 25:21

Kuanangan ka matania si tuan, ‘Ia pei te, pagugulet simaeru, simatopit. Amatopitnan poi ekeu ka puukuket sigoiso, segeakekungan leu kekeu puukuket sabeu. Guruake ekeu ka puangkakat bagat tuannu!’

Mat. 25:23

Kuanangan ka matania si tuan, ‘Ia pei te, pagugulet simaeru, simatopit. Amatopitnan poi ekeu ka puukuket sigoiso, segeakekungan leu kekeu puukuket sabeu. Guruake ekeu ka puangkakat bagat tuannu!’

Mat. 25:31

“Ke moi geti Togatsirimanua ka pulatsanannia sambada samalaikania, uddeninangan uddenan pulatsanannia,

Mat. 25:34

Lepa kuanangan Rimata ka matada isit kai kattoetnia, ‘Konan kam, kam sinukatnakenen Ukkuiku, ikepmake kam purimataat sinarekngakenen ka kam ka pasibaraat polak pei le.

Mat. 5:12

Kau imaangka samba imagora bagamui, ta poi magugulai upamui geti ka sorga. Tai nabi sipuboboiki ka kam leu, kise leu et arapaoreji sia.”

Mrk. 8:38

Kasei simaila masimunengake aku samba tiboietku ka reddenan sipaeelet samba sijo nene, Togatsirimanua leu mamaila masimunengake nia ka teteret ioi ka pulatsanan Ukkuinia sambada samalaikania.”

Luk. 17:30

Kisedda te geti pagalaiatnia ka teteret katutoilakat Togatsirimanua.

Pugap. 16:25

Tapoi tengamoi, panindounangan si Paulus samba si Silas raumunake Taikamanua, airaarep sabagei sipenjaraakenen.

Pugap. 5:41

Kaddiuakerangan purapanan ka angkat baga, mateu le poi raorik paloloiat kalulut onin Jesus.

ROMA 5:3

Tapoi ta sarat nenda, ka bagat gejat baga leu maangka bagata, taagai poi gejat baga nene ibaraake om baga,

ROMA 8:17

Samba ke toga sita, sipasiikep leu sita, tibonannia: sipasiikep palelengan Taikamanua, tasilo nia pasamba Kristus, aipoi ke samba tapasiorik kam Kristus, tulalatsatnake leu sita pasamba nia.

ROMA 8:18

Siripot pinaatuku, pangoringan ka tetere kineneiget, ta isisiripoki tupakereake nia ka pulatsanan patoilaket ka sita geti.

2Kor. 1:5

Aipoi kipa taimagulainia pangoringan Kristus ka tubumai, kisedda leu te taimagulainia kusilo kai pusuibiat kalulut Kristus.

2Kor. 1:7

Samba maron pukakaronanmai pagalaiat kam, kuagai poi kai, kele aailina kam pugejaat bagamai, iaili leu kam ka bagat pusuibiatmai.

2Kor. 4:10

Sarat kupaambit le kai ka tubumai kamamatei Jesus, bule puririmanuan Jesus leu matoila ka tubumai.

2Kor. 4:17

Aipoi pugejaat baga goiso sitaimauju kineneiget, masibaraake ka kai pulatsanan sitaimagulai samba sitaitatata, sisaliu pei le beunan pugejaat bagamai.

Plp. 3:10

Kiddiet bagaku ia te masiagai nia samba geget katusuruatnia samba musara ka pangoringannia, bailiu makere aku ka bagat kamateiatnia,

Kol. 1:24

Kineneiget maangka le bagaku ka bagat pangoringanku kalulut kam, samba masisutnake ka bagat akkulaku simagulai pei le ka pangoringan Kristus, punu tubunia, ia te paamian.

2Tim. 2:12

Ke maom bagata, puparentatangan leu pasamba nia. Ke tapakele nia, pakelenangan leu sita.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

1Ptr. 2:21

Ia poi lulunia aitusogai kam, aipoi Kristus leu amasiorikngan lulumui, aigalakngakean uluietmui, bule nutut kam siperakatnia.

1Ptr. 5:1

Kupanganturu tai baja gareja ka talagamui, aipoi aku leu baja gareja leu et samba sipasimumuneng pangoringan Kristus, samba sipueeneu ka bagat pulatsanan toilaakenen geti.

1Ptr. 5:10

Tapoi Taikamanua bakkat sangamberi kiliu baga, sipasisosogai kam ka pulatsanannia sitaitatata ka bagat Kristus, nia le masipamumuine kam, masipangetnget, masiparon samba masipatonem kukuddumui, lepa nupasiorik kam goiso.

Jud. 1:24

Oto ka tubunia, simagege masipasikeli bui nubele kam samba siambit kam si ta loloiet samba sut gorat baga ka matat pulatsanannia,

Pamoil. 1:7

Itco kam, ioi ka bagat tanairusa! Sangamberi mata masiitco nia, samba sia leu sipasipupunu nia; samba sangamberi bangsa ka polak nene mugeri masiitco nia. Oo, bulatnia! Amen.

Pamoil. 1:9

Aku, Johannes, saraina samba aleimui ka bagat pugejaat baga, ka bagat Purimataat samba puoom baga masingenaake Jesus, ai aku ka nusa sipuoni Patmos kalulut tiboiet Taikamanua samba pasimunengan siaket Jesus.