1Ptr. 3:8 - BUKO SIPUNENAN

⁸ Ia geti pasilepania, kau sisara paatuat kam sangamberimui, sikere masiorik, mununtu baga ka saalei, mukate baga samba muepe paatuat.

1Ptr. 3:8 Iomraidhean Croise

PSALMEN 103:13

Kele ukkui ipununtuki baga tatogania, kisedda te si Tuhan ipununtuki baga sirimanua sikalotoakeNia.

Pangt. 28:8

Sirimanua siruruake pukaioatnia kabagat pasiaala uktuk ka bulagat sikatai, iruruake nenda uktukda sirimanua simanuntu baga ka sangamberi sirimanua sitaioi tubu.

Zakh. 7:9

“Amururangan Kukau sangamberi perenta nene ka tubutdra sapaamianKu, “Bui' ta muparaboat kam simaroipo, panuntu baga samba mueru paatuat ka pasasambamui.

Mat. 18:33

Ta siripokatnangan nupukateki baga aleinu kele pukakatekiku ekeu baga?’

Luk. 10:33

Tapoi ai sara tai Samaria sipueenung ka enungan nenda; kele aiitco sirimanua nenda, makatenangan bagania ka tubunia.

Pugap. 2:1

Kele aiaili gogoi Pentakosta, parururangan sangamberi simatonem baga ka sara kudduat.

Pugap. 27:3

Pato jolou kai ka Sidon. Manuntu bagania si Julius kai Paulus, samba iobaake iei masibalou saaleinia, bule rapuuku nia.

Pugap. 28:7

Ka legeret kudduat nene, ai monen gubernur nusa nene. Onin gubernur nenda si Publius. Raumanangan kai telu ngagogoi ka erut bagania.

Pugap. 4:32

Sangamberida siputotonem baga, sikere baga samba sisara paatuat le sia. Ta anai beri sara siaddeake bibilet sibabara ka tubunia bakkatnia sarania, tapoi sangamberi bibilet sangamberida le sibakkatnia.

ROMA 12:10

Kau nupanuntu kam baga pasasambamui samba paruei kam masikau paroroiat.

ROMA 15:5

Bule Taikamanua bakkat puoman baga samba pusubiat, masipanguruatnake ka kam pusaraat paatuatu pasasambamui, siripot obaket Kristus Jesus,

1Kor. 1:10

Tapoi kunganturu kam sasaraina ka onin Tuhanta Jesus Kristus, bule sisara tiboiet kam sangamberimui, bui ibara pasaraat ka kam, kau le imaron nupusara kam, sikere baga samba sikere paatuat.

1Kor. 12:26

Ia te lulunia ke masiorik sara laddou, sangamberi laddou le masiorik; ke tusuru sara laddou, sangamberi laddou le muangka baga.

EPESUS 4:2

Kau le muepe paatuat kam, muleppe baga, muom baga samba pakoinong kam nuntut bagamui ka bagat parom pasasambamui!

EPESUS 4:31

Sangamberi pongit baga, ngoingoi baga, golu, pajoggolat samba paloloiat ribbaiake kam, kisedda leu et sangamberi katai.

EPESUS 4:32

Tapoi kau le paleppe kam baga pasasambamui, pakate baga samba paappe jo pasasambamui, kele aappeakena kam Taikamanua ka bagat Kristus.

Plp. 2:3

Bui tugalai masigaba uktuk tubu ele katuumunan siboboi. Tapoi bule ka epet paatuat senemui masiaddeake sabagei pei le abeu bele pei tubumui.

Plp. 3:16

Tapoi kenanen kisedda kipa teret siailita ia te taririuriuake enungietta.

Kol. 3:12

Kalulut nene, siripot sipilit Taikamanua, sipuneni samba pukatekietnia baga, pakei kam pukatekat baga, puaanggai, epet paatuat, leppet baga samba om baga.

Ibr. 13:1

Kau imariuriu nuntut bagamui ka sasaraina.

Jak. 2:13

Aipoi ukuman si ta katet baga le kaunen ka tubuda sitaigalai katet baga. Tapoi katet baga le mamamanang ka ukuman.

Jak. 3:17

Sikut paatuat sibara ka pata geti ia te: siboiki malina, sioba paaban, maleppe baga, mareddet, masun katet baga samba bua simaeru, ta magoa baga samba ta anai patajuat.

Jak. 5:11

Bulatnia takua sia simauktuk sipuoom baga. Anuarepman kam pagalaiat om bagat Job samba anuagaian kam apa pinatarek Tuhan ka tubunia ka kalepakatnia, aipoi sipulukatet baga le si Tuhan samba simasun nuntut baga.

1Ptr. 1:22

Anulinaakean poi kam ketsatmui ka purereddet ka pubulanan ioi nugalaiake kam nuntut baga simalina ka sasaraina, kauan sibulatnia nupanuntu kam baga pasasambamui sibara ka muinet paatuat.

1Ptr. 2:17

Suru kam sangamberi sirimanua, pununtuki kam baga sasaraina, kalotoake kam Taikamanua, suru kam rimata.

1Ptr. 5:5

Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan, “Isasaggangi le poi simabuak paatuat Taikamanua, simaepe paatuat geti ikikiliu le.”

2Ptr. 1:7

tuppai topit nuntut baga ka sasaraina, tuppai nuntut baga ka sasaraina nuntut baga ka sangamberi sirimanua.

1Joh. 3:14

Ataagaian, amutalipoan sita barata ka kamateiat mei ka purimanuaiat, kalulut punununtut bagata ka sarainanta. Sitaimanuntu baga, sarat ka kamateiatnan le nia.