1Ptr. 3:4 - BUKO SIPUNENAN

⁴ Pulaingeatmui geti ia te sirimanua ka baga simalilipput, masipakei pulaingeat sitaimasususu sibara ka ketsat leppet baga samba simaaban, ia te simakeppu saki ka matat Taikamanua.

1Ptr. 3:4 Iomraidhean Croise

PSALMEN 131:2

Bulatnia, akusanangakean samba akumengmengakean ketsatku; kele toga sigalak mutottot ka bebet inania, oo, kele toga sigalak motottot, kisedda te' ketsatku katubukku.

PSALMEN 147:6

Si Tuhan masuruake minca si pinaore, tapoi masipaepe' sirimanua sikatai teret ka polak.

PSALMEN 149:4

Aipoi makiliu bagania si Tuhan ka paamianNia, Ikirini le sangamberi sirimanua simarepe paatuat pasamba puaraugat.

PSALMEN 25:9

Ipalulu le si Tuhan sirimanua simaepe paatuat rapuenung siripot surukat samba gelaiakenangan enunganNia katubutda simaepe patuat.

PSALMEN 45:13

Moi le okktot Tirus pasamba panguruat; sirimanua simakayo ka talagat siberikabaga masiala patuatnu.

PSALMEN 51:6

Katubum, sarat katubum le akumajo samba masigalaiake aponia addeakenenku sikatai, bule imatoila Ekeu simaroipo kabagat teuakenenNu, malina kabagat pasiukumanNu.

Jes. 11:4

Tapoi iukum le sitaioi tubu kabagat katuroipoat, samba masiteuake ukum ka sangamberi sirimanua pinaore ka laggai kabagat puroipoat; ukumnangan geti polak kabagat titiboat kele tutura, samba leu pasamba engan ka ngungunia imateiake le geti sirimanua sikatai.

Jes. 29:19

Sangamberi sirimanua sipangongorik ituppai le geti angkat bagatda katubut Tuhan, samba sangamberi sirimanua simageba katalagat sirimanua mugora baga katubut Sipulugege, Taikamanuan Isarel!

Jes. 57:15

Kalulut kise te tiboiet Sipulugege samba Sipululatsat, sikuddu teret buruburu samba Sipululatsat oniNia: “Mukuddu le Aku ka kudduat simabuak samba ka kudduat sipunenan tapoi sambamai leu sirimanua sipangongorik simaepe patuat, samba masirimanuaake ron patuatda simaepe patuat samba masirimanua patuatda sipangongorik.

Jes. 61:1

Ketsat Tuhan Taikamanua ai katubukku, kalulut aitulaijingan aku si Tuhan; aikoiniakean aku masisesegeake katuareman simaeru ka sangamberi sirimanua sipinaore, samba masilaggek sangamberi sirimanua simagulai patuat, samba masipaarep kabelaiat ka sangamberi sirimanua sitangsiakenen, samba kabelaiat ka sangamberi sirimanua situpapatpat,

Jer. 51:59

Patonekat sikau nabi Jeremia kai Seraya togat Neria punuteteu Mahseya, kateteret ai ei si Seraya pasamba si Zedekia, rimata Jehuda, ka Babel ka rura sikaepat puparentaat rimata Zedekia – Teteret nenda si Seraya iate ute sipasikeli rimata Zedekia.

Mat. 11:29

Bairat kam bairanenku, alaki kam kaku, simaleppe baga poi aku samba simaepe paatuat, ipuaroi ketsatmui.

Mat. 21:5

“Kua kam ka matat okko Sion, aian te momoi Rimatam, itagetnake ekeu, simaleppe baga te nia, sipukakalidei, togat kalidei sinanalep.”

Mat. 23:26

Kam Parise sipeset! Bagat pulokat boiki palina kam, imalina leu samba ka teiteinia!

Mat. 5:5

Mauktuk te sia simaleppe baga; raiikepmake poi sangalio polak.

Luk. 11:40

Pate taiagaimui paatuat! Ta Taikamanua sibaraake uddutnia, nia leu et masibaraake bagania?

Luk. 16:15

Kuanangan ka matada Jesus, “Ka matat sirimanua nuparoipo kam tubumui, tapoi iagai le paatuatmui Taikamanua. Aipoi apa abeuakenen sirimanua, kasitsitnakenen Taikamanua le.

ROMA 1:23

Pulatsanan Taikamanua sitaitatata, rasili ka tularat simakere ka sirimanua simatataket, ka uma, ka tarimeu siepat rere ele ka leiti sipugugurui.

ROMA 2:29

Tapoi Jahudi sipulelelek ia te sipupaatuat Jahudi samba sunat sipulelelek ia te sunat paatuat sibaraakenen Ketsat Taikamanua, ta sibara ka aturan sinurat. Katuumunnia sibara ka Taikamanua le, ta sibara ka sirimanua.

ROMA 6:6

Taagai poi pusirimanuatta siburu atusiliktengaakean pasamba Kristus, bule imalose tubuta simajo, buian tapupaguguletnake minca tubuta ka jo.

ROMA 7:22

Ka bagat paatuatku geti kuoba Surukat Taikamanua,

2Kor. 10:1

Aku Paulus, kuanenda ai geti patutuggut mata ta maeme, tapoi ai geti paareu maeme kunganturu kam ka leppet baga samba erut bagat Kristus.

2Kor. 4:16

Ia te lulunia ta kumasasaggo kai, kenanen tubumai ka uddut memei makakatai, tapoi ka baga geti ai le tubabau senen gogoi.

Gal. 5:23

leppet baga, surut tubu. Ta anai surukat sisaggangi sangamberinia nene.

EPESUS 4:2

Kau le muepe paatuat kam, muleppe baga, muom baga samba pakoinong kam nuntut bagamui ka bagat parom pasasambamui!

Kol. 3:12

Kalulut nene, siripot sipilit Taikamanua, sipuneni samba pukatekietnia baga, pakei kam pukatekat baga, puaanggai, epet paatuat, leppet baga samba om baga.

Kol. 3:3

Aipoi amateian kam samba purimanuaiatmui atulipputnan pasamba Kristus ka bagat Taikamanua.

1Tes. 4:11

Samba besiake kam murimanua simamengmeng, masipasikeli pasikelatna, samba mugalai masipakei kabeimui, kele sitoneakenenmai ka kam;

2Tes. 3:12

Sirimanua kele nene kunganturu samba kujigi kai sia ka bagat Tuhan Jesus Kristus, bule rapugalai simemengmeng samba rakom katda sigabada sarada.

1Tim. 2:2

punu tubuda tai rimata samba sangamberi siabeu tiboi tubu, bule imarokdang samba imaeru puririmanuanta ka bagat topit samba lelek tubu.

2Tim. 2:25

maleppe baga masinganturu simalawan, baleu ipanguruatnake Taikamanua ka sia katubaugat paatuat sikau sia masiagai pubulanan,

Tit. 3:2

Bui masiasa sabagei, bui pajoggolo, tapoi mueru baga le samba muleppe baga ka sangamberi sirimanua.

Jak. 1:21

Oto ribbaiake le kam sangamberi pulolinan samba pukataikat simaigi, samba silo le kam ka leppet baga tiboiet siurepmakenen ka paatuatmui, simagege masiarauake ketsatmui.

1Ptr. 1:23

Atututuakean poi kam minca ta ka karamen simasusuet, sitaimasusuet le, kalulut tiboiet Taikamanua sipuririmanua samba simatom.

1Ptr. 3:15

Tapoi puneni le kam Kristus si Tuhan ka bagat paatuatmui. Samba matarek ka senen tetere masialegi senen sipasinonounou kam pagalaiat karoniet bagamui,

1Sam. 16:7

Tapoi kuanangan si Tuhan katubut Samuel, “Bui' te iala bagam kalulut putubuatnia simaeru sambat nantat tubunia, ta nia siobat bagaKu. Ta' kele siitcot sirimanua itcoketKu. Sirimanua masiitco putubuat, tapoi Aku masiitco patuat.”