1Ptr. 3:21 - BUKO SIPUNENAN

²¹ Nenda te sibailiu pasikat pasiraukat sipunenan siarauake kam kineneiget; ta pasigolok lolit tubu, tapoi pasitiddou paatuat simaeru le ka Taikamanua kalulut katususurut Jesus Kristus,

1Ptr. 3:21 Iomraidhean Croise

Zakh. 13:1

Kuanangan si Tuhan Sipulugege, “Ka gogoi nenda mubura te geti sara bubuakat bule ipalina sapunuteteu David samba sipulaggai ka Jerusalem ka jo samba sigalaiakenendra pasibubuluiji sabulungan sigalaiakenendra.

Mat. 28:19

Oto kenan kam ka sangamberi bangsa nubailiuake kam sia sipasiului aku. Rau kam sia ka onin Ukkui, Toga samba Ketsat Sipunenan.

Mrk. 16:16

Simatonem baga samba siturarau, ia te maaarau; sitaimatonem baga geti tuuukumake le.

Joh. 13:9

Kuanangan ka matania Jesus, “Sipurarau, taan leu tububui minca, sarat rerengan le, amalinaan poi tubunia. Amalinaan kam, tapoi ta sangamberimui.”

Pugap. 16:33

Ia leu et jamnia ka soibo nenda, alanangan sia, buinangan sibobokat ka tubuda; lepa raurangan nia samba sangamberi saeppunia.

Pugap. 2:38

Kuanangan ka matada si Petrus, “Bauake kam paatuatmui, oba kam iturau kam senemui ka onin Jesus Kristus pasiappet jomui, silomuian leu panguruat Ketsat Sipunenan.

Pugap. 22:16

Oto kineneiget apangan le imagogoa bagam? Suruake ekeu iturau ekeu, samba nusogai onin Tuhan, bule itubui jom.’ ”

Pugap. 8:36

Riuriuakerangan puenungananda, ailirangan sara bagat oinan. Kuanangan si pegawai, “Aikoi oinan, apangan le isasailania turau aku?” [

Pugap. 8:37

Kuanangan ka matania si Pilipus, “Ke matonem bagam sibara ka sangalio paatuatnu, momoi.” Aleginangan nia, “Matonem bagaku, Jesus Kristus ia te Togat Taikamanua.”]

ROMA 5:14

Kenanen kisedda amurimatangan kamateiat barania ka teteret Adam aili ka teteret Mose samba leu ka sia sitaigalaiake jo simakere kele sigalaiakenen Adam. Adam ia te tularat tubut siooi geti.

1Kor. 12:13

Aipoi ka bagat sara Ketsat leu sita sangamberita turau bailiu sara tubu, ele tai Jahudi, ele bangsa begei, ele pagugulet ele ta pagugulet; samba sangamberita tupalo sibara ka sara Ketsat.

1Kor. 4:6

Sangamberinia nene sasaraina, ka tubuku samba kai Apollos le kuoorakngake nia kalulut kam, bule sibara ka kai nugelai kam: “Bui nusaliuake kam sitususurat,” bui ibara ka kam sibuakngake tubuna ka bagat masiabeuake sisara, masipabele sabagei.

2Kor. 1:12

Aipoi sikau kai maangka baga nene le: bagai bagamai masimunengake, puririmanuamai ka polak nene, sara pei ka bagat pasambaatmai ka kam simasuru samba ka linat paatuat sibara ka Taikamanua le akugalaiake kai nia, ta sikut paatuat sirimanua ka ron panguruat Taikamanua le.

2Kor. 7:1

Oto sasaraina kilibet baga, atabakkatingan poi kineneiget palelengan nene, kauan tapalina kam tubuta ka sangamberi pulolinan tubu samba ketsat, samba ka bagat nene tasutnake pusisipunenanta ka bagat loto ka Taikamanua.

Gal. 3:27

Aipoi sangamberimui siturarau ka bagat Kristus, anupuleppeian kam Kristus.

EPESUS 5:26

samba masipuneni nia, lepa aipalina nia ka pasirarauake oinan sialei tiboiet,

Kol. 2:12

Aipoi ka pasiraukat sipunenan turateiake kam pasamba nia, samba ka bagania leu tusuruake kam kalulut tonem bagamui ka geget galajet Taikamanua, sipasisusuruake nia ka simamatei.

1Tim. 1:5

Isiat nganturat ia te nuntut baga sibara ka paatuat simalina, samba agai baga simaeru samba tonem baga sipulelelek.

1Tim. 6:12

Patakaiake patakaiat tonem baga simaeru, lalau purimanuaiat sitaitatata; ia poi lulunia aitusogai ekeu, anumunengakean pei bagei pasimunengan simaeru ka matat maigi sipasimumuneng.

Ibr. 10:22

Oto talegeringan kam nia Taikamanua ka paatuat simalina samba ka tonem baga simaron, atupalinaan poi paatuatta ka pubabagai baga sikatai, samba tubuta atubuian oinan simalina.

Ibr. 11:19

Ipaatu poi momoi le isuruake simamatei Taikamanua. Oto momoi tukua sibara ka simamatei le aisilo minca si Isak si Abraham.

Ibr. 13:18

Tiddouake kam kai simariuriu. Aipoi matonem bagamai maeru le bagai bagamai, kalulut sarat simaeru le koba kuparaboatnake kai.

Ibr. 9:14

sara pei logau Kristus; kalulut Ketsat sitaitatata aibuluakean tubunia si ta loloiet ka Taikamanua, ipalilina bagai bagata ka galajet siboboi, bule tasuru Taikamanua sipuririmanua.

Ibr. 9:24

Aipoi ta ka kudduat sipunenan sigalai kabei sirimanua aituguru Kristus, tularat ka sibulatnia le poi nene; tapoi bulat ka sorga le aiei bailiu nia kineneiget Sipatalaga ka matat Taikamanua punu tubuta.

1Ptr. 1:3

Tuumunake le Taikamanua, Ukkui Tuhanta Jesus Kristus, situtuake sita minca siripot beunan katet bagania, tapukaronan sipuririmanua lulut katususurut Jesus Kristus ka simamatei,

1Ptr. 3:16

tapoi ka leppet baga samba loto le nualegi kam nia. Kau imalina paatuatmui, bule sia sipaloloi kam kalulut paraboatmui simaeru ka bagat Kristus, bailiu maila sia kalulut paloloiatda.