1Ptr. 3:16 - BUKO SIPUNENAN

¹⁶ tapoi ka leppet baga samba loto le nualegi kam nia. Kau imalina paatuatmui, bule sia sipaloloi kam kalulut paraboatmui simaeru ka bagat Kristus, bailiu maila sia kalulut paloloiatda.

1Ptr. 3:16 Iomraidhean Croise

Dan. 6:4

Oto si Daniel maeru samba makolou pugagalainia bele peile pugagalaira sautet laggai nenda. Kalulut si Daniel iate simasun ketsat puaagai; samba rimata masiisiake iuddetnakenia ute ka sangaliot purimataatnia.

Mat. 5:11

Mauktuk te kam ke raasa samba rapaoreji kam samba rapakatai nganga ka tubumui kalulut aku.

Pugap. 24:16

Ia te kuuubui tubuku murimanua simalina paatuat ka matat Taikamanua samba ka matat sangamberi sirimanua.

Pugap. 28:22

Tapoi koba kuarep kai sibara kekeu kipa paatuatnu; akuagaian poi kai pagalaiat arat nene, kaipa kaipa sarat rapajoggoloake.”

ROMA 9:1

Bulat sibulatnia le kutitiboi ka bagat Kristus, ta kubobokoi. Bagai bagaku leu masimunengake ka bagat Ketsat Sipunenan,

2Kor. 1:12

Aipoi sikau kai maangka baga nene le: bagai bagamai masimunengake, puririmanuamai ka polak nene, sara pei ka bagat pasambaatmai ka kam simasuru samba ka linat paatuat sibara ka Taikamanua le akugalaiake kai nia, ta sikut paatuat sirimanua ka ron panguruat Taikamanua le.

2Kor. 4:2

Tapoi kutataake le kai galajet simalipput sibaraake katuailaat; ta kugalai kai patajuat samba ta kupabailok kai tiboiet Taikamanua, pubulanan le kupatoila kai, samba ka bagat nene kusegeake kai tubumai ratimbang kai sirimanua ka matat Taikamanua.

1Tim. 1:19

ka bagat tonem baga samba agai baga simalina. Ai piga pa sia sitaipuletsei bagai bagania simalina, oto lukke tonem bagada;

1Tim. 1:5

Isiat nganturat ia te nuntut baga sibara ka paatuat simalina, samba agai baga simaeru samba tonem baga sipulelelek.

2Tim. 1:3

Sura le kukua ka Taikamanua, reddenenku ka paatuat simalina, kele sigalaiakenenda taikebbukatku. Aipoi ta muaari kurepdep ekeu ka bagat panindogatku sinago samba sinoibo.

Tit. 2:8

Pakei tiboiet simaroipo, bui bara loloiet, bule ramaila sipasilalawan, kalulut ta anai apa pa sikatai kuanenda pagalaiat sita.

Ibr. 13:18

Tiddouake kam kai simariuriu. Aipoi matonem bagamai maeru le bagai bagamai, kalulut sarat simaeru le koba kuparaboatnake kai.

Ibr. 9:14

sara pei logau Kristus; kalulut Ketsat sitaitatata aibuluakean tubunia si ta loloiet ka Taikamanua, ipalilina bagai bagata ka galajet siboboi, bule tasuru Taikamanua sipuririmanua.

1Ptr. 2:12

Kau imaeru paraboatmui ka talagada sipuarat sabulungan, bule kenanen ratiboi kam rakua kam sirimanua sikatai, tapoi kalulut raitco sigalaimui simaeru, umunakerangan Taikamanua ka gogoi kaoijanannia.

1Ptr. 2:15

Aipoi obaket Taikamanua ia te bule kalulut gagalaimui simaeru, petpetnakemuian ngungunda sitaiagai paatuat.

1Ptr. 2:19

Panukanan le poi nene ka tubut sirimanua ke kalulut aagaina obaket Taikamanua ibairat gejat baga sitaipasesese sigalaira sirimanua.

1Ptr. 3:21

Nenda te sibailiu pasikat pasiraukat sipunenan siarauake kam kineneiget; ta pasigolok lolit tubu, tapoi pasitiddou paatuat simaeru le ka Taikamanua kalulut katususurut Jesus Kristus,

1Ptr. 4:4

Kise makisei ka bagada sipuarat sabulungan kalulut taan nututnake kam sia mulebbu ka puparaboanan sikatai kele siburu, ia te rapalololoi kam.