1Ptr. 2:9 - BUKO SIPUNENAN

⁹ Kam geti bangsa sipili le, imam rimata, bangsa sipunenan, bangsa bakkat Taikamanua, bule nupaarep kam beunan sigalainia sipasisosogai kam bela ka gepgep tuguru ka patonia kiseiakenen.

1Ptr. 2:9 Iomraidhean Croise

PSALMEN 106:5

bule kuitco eruNu ka sangamberi sirimanua sipili, samba angkat bagatda sapaamianNu, samba leu mugora baga pasamba sirimanua bakkatNu.

PSALMEN 118:27

Tuhan le Taikamanua, itoroiji le sita. Appra le kam bulakenen ka punen sabeu nenda pasamba tali teret ka sangamberi ban meja kudduat pasibuluat.

PSALMEN 135:4

Aipoi si Tuhan aipilingan si Jakob addeatNia, Israel ibailiu le bakkat kanuntuat bagaNia.

PSALMEN 22:30

Sangamberi simabuak paatuat manidou geti kamataNia, sangamberi sirimanua sikatai geti masipanindogiNia samba sirimanua sitete puririmanua.

PSALMEN 33:12

Mauktuk te bangsa Taikamanuania iate Tuhan, suku bangsa sinausauNia ibailiu bakkatNia!

PSALMEN 73:15

Ke'bai kupaatunia: “Kuoba manibo kele nenda,” iageti bulatnia akupajongan reddenan tatogam.

Jes. 26:2

Bukaake kam sangamberi matatbaliu sabeu bule tuguru' bangsa simaroipo samba simariuriu topit!

Jes. 41:8

Tapoi ekeu, ale Israel, paguguletKu, ale Jakob, sipilikKu, muntogat Abraham, kilibet bagakKu;

Jes. 42:16

Kuoba masipaneinei sangamberi sirimanua simapeset ka enungan sitaiagaietda, samba Kuoba masiambit sia muenung ka sangamberi enungan sitaiagaietda. Kuoba masibailiuake pugepgeman kamatatda ibailiunia simapato samba polak simaguluggu ibailiunia polak simagaktuk. Nenda te galaiakenenKu katubutda, bulatnia Kugagalaiake te geti.

Jes. 44:1

“Tapoi kineneiget, arepake, ale Jakob, paguguletKu, samba ale Israel, sipilikKu!

Jes. 61:6

Tapoi rakua le ekeu imam Tuhan samba tuoniake pagugulet Taikamanuanta. Nanamnungan geti pukayoatda sangamberi bangsa samba umunnungan tubum kalulut sangamberi pukayoatda.

Jes. 62:12

Kuarangan geti sia sirimanua “Paamian sipunenan”, “Sirimanua sitebui Tuhan”, samba kuarangan geti ekeu “Sigaba”, “Laggai sitaikaddiuakenen”.

Jes. 66:21

Kisedda katalagatda Kuala le geti tai imam samba tai Lewi, Tiboiet Tuhan.

Jes. 9:2

Anubaraakean gorat baga, samba angkat baga sabeu; amuangkaan sia baga kamatam, kele angkat baga kateteret pasimoneiat, kele gorat baga kateteret tuparubei siraurau.

Malk. 3:17

Kuanangan Tuhan Sipulugege, “Ibailiu le geti sia paamianKu. Ka gogoi sitarekngakenenKu, bailiunangan sia bakkat pununtukietKu baga. Pununtukikungan sia baga, kele sara ukkui ipununtuki baga toga simareddet ka tubunia.

Mat. 4:16

Bangsa sipukukuddu ka gepgep araitcoan pato simatoro! Ka sia sipukukuddu ka laggai iggobiet kamateiat amutorongan pato!”

Mat. 5:16

Buita kisedda leu iputoro patomui ka matada sirimanua, bule raitco sigalaimui simaeru, raumunake Ukkuimui ka sorga.”

Luk. 1:79

masitoroiji sangamberi sirimanua sikuddu ka gepgep samba iggobiet kamateiat, masipalulu sita ka enungan paabanan.”

Joh. 17:19

Samba kupuneni tubuku katupunenanda, rapusipusinenan sibulatnia.

Pugap. 20:28

Oto pagaba kam tubumui samba leu sangalio paamian, kam poi airioake Ketsat Sipunenan bailiu sipaneinei, masipasikeli paamian Taikamanua sinakinia logau Togania.

Pugap. 26:18

nubukaake matada, ratoili barada ka pugepgeman moi ka pato, rabela ka kupkumen Sanitu moi ka Taikamanua, bule kalulut tonem bagada ka tubuku tuappeake joda samba bailiu sia mueneu ka rubeiatda sangamberi sipunenan.’ ”

Pugap. 26:28

Kuanangan si Agrippa ka matat Paulus, “Ai le goiso nupatiboiji bagaku, ibailiu aku Kristen.”

ROMA 9:24

ia te sita, sinogainia, ta sarat bangsa Jahudi, tapoi sibara ka bangsa bagei leu,

1Kor. 3:17

Ke ai sipakatai uman Taikamanua, ipakakatai leu nia Taikamanua. Sipunenan le poi uman Taikamanua, ia te kam.

EPESUS 1:14

Ketsat Sipunenan ia te sibulatnake pururubeiatta, teret tasilo sangamberinia, ia te panebuiat sibailiuake sita bakkatiet Taikamanua, pasiumun pulatsanannia.

EPESUS 1:6

bule tuumunake beunan kiliu bagania sipanguruatnakenennia ka sita ka bagat Togania kilibet bagania.

EPESUS 3:21

ka tubunia le pulatsanan ka bagat paamian samba ka bagat Kristus Jesus mungareddenan teret buruburu. Amen.

5Mos. 10:15

Tapoi bulat abeu nuntut bagania si Tuhan katubutda taikebbukatmui, bailiu kam le aipili si Tuhan ka talagadra sangamberi bangsa, sambat pat aili kineniget kam leu et paamian sipiliNia.

5Mos. 14:2

Kam iate bakkat Tuhan Taikamanuamui; ka sangamberi bangsa ka polak, kam te aipili Taikamanua ibailiu paamianNia.”

5Mos. 18:2

Ta' momoi rabakkati ka sia polak kele suku-suku bagei, aipoi Tuhan le ka sia ikepmakenendra, kele sipalelekngakenen Tuhan katubutda.

5Mos. 4:20

Tapoi kam iate bangsa sibelaakenenNia ka Misir, ka kudduat pangoringanmui bulat sikatai besi'. Ambitnangan kam baramui ka Misir, bule ibailiu kam bangsaNia kele puririmanuamui kineneiget.

5Mos. 7:6

Galaiake kam sangamberinia nenda, kalulut si Tuhan poi sibakkat kam. Ka sangamberi bangsa ka sangaliot polak, kam le aipili Tuhan Taikamanuamui ibailiu paamian simanuntnu bagania.

Plp. 3:14

samba pabalau masiailiake ailiakenen, bule kusilo panguruat, ia te pasogaiat sorga sibara ka Taikamanua ka bagat Kristus Jesus.

Kol. 1:13

Aibelaakean sita ka geget pugepgeman, aikauan sita ka bagat Purimataat Togania kilibet bagania;

2Tim. 1:9

Nia le sipasiaarauake sita samba sipasisosogai sita pasogaiat sipunenan, ta kalulut sigalaita, sibara ka teu baga samba kiliu bagania le, sipanguruatnakenennia ka sita ka bagat Kristus Jesus enan tapei abara tetere,

Tit. 2:14

sibuluake tubunia punu tubuta bule ibelaake sita ka sangamberi pukataikat samba ilinaake sita bailiu bangsania simangamang masigalai simaeru.

1Ptr. 1:2

ia te sipili siripot isiat Taikamanua, Ukkuita, samba silinaakenen Ketsat Sipunenan, bule masireddet Jesus Kristus, samba tusosoki sia logaunia. Bule memei masusun ka tubumui kiliu baga samba aban.

1Ptr. 2:5

Kam leu, kau tupakei kam kele bukku sipuririmanua pasiriot lalep puketsanan, bailiu kam imam sipunenan, masibuluake buluakenen puketsanan obaket Taikamanua kalulut Jesus Kristus.

1Ptr. 4:11

Ke sipungangantoman, kau ipungantoman siripot sipasisesegeake tiboiet Taikamanua; ke sipuuku pasikelat, kau igalaiake nia siripot ron sipanguruatnakenen Taikamanua, bule ka bagat sangamberinia tulatsatnake Taikamanua kalulut Jesus Kristus. Nia poi sibakkat pulatsanan samba gege teret buruburu. Amen.

Pamoil. 1:6

samba sikau sita bailiu sara purimataat, bailiu imam ka Taikamanua Ukkuinia, – ka tubunia le pulatsanan samba gege teret buruburu. Amen.

Pamoil. 20:6

Mauktuk samba sipunenan le sia sipueeneu ka katusuruat siboiki. Kamateiat sikarua taan ioorak sia, tapoi bailiu le sia imam Taikamanua samba imam Kristus, samba murimata pasamba Kristus, saribu ngarura burunia.

Pamoil. 5:10

Samba anubailiuakean sia sara purimataat imam masipuuku Taikamanuanta, samba bailiu sia masipaneinei polak nene.”

1Sam. 12:22

Amusuppangan si Tuhan, ta ikakaddiuake kam kalulut aiteuakean ibailiuake kam paamianNia.