1Ptr. 2:5 - BUKO SIPUNENAN

⁵ Kam leu, kau tupakei kam kele bukku sipuririmanua pasiriot lalep puketsanan, bailiu kam imam sipunenan, masibuluake buluakenen puketsanan obaket Taikamanua kalulut Jesus Kristus.

1Ptr. 2:5 Iomraidhean Croise

1Rim. 7:11

Ka uddutnia tupaottot bukku bagei simakeppu saki samba tutippu masitut kirekat, lepa tabbo pasamba loina pinilok Libanon.

PSALMEN 141:2

Bule tusilo panindougatku kele panguruat simasingin kamataM, samba kabeiku situtototoi kele buluakenen ka soibokat.

PSALMEN 50:14

Panguruatnake le pusurakat sibailiu buluakenen ka Taikamanua samba lului le sipaleleknu ka Sipulubeunan!

PSALMEN 50:23

Kasei masipanguruatnake pusurakat sibailiu buluakenen, nia te siabeuake Aku; kasei maroipo enungannia, patoilakungan geti puaraugat katubunia sibara ka Taikamanua.”

2Mos. 19:6

Ibailiu te kam geti sipuuku Aku sibailiu imam samba paamian sipunenan. Nene te sangamberi tiboiet segeakenennu ka tai Israel.”

Pangt. 9:1

Sikut patuat aigalaian lalepnia, samba airioakean sipitu ariginia,

Jes. 61:6

Tapoi rakua le ekeu imam Tuhan samba tuoniake pagugulet Taikamanuanta. Nanamnungan geti pukayoatda sangamberi bangsa samba umunnungan tubum kalulut sangamberi pukayoatda.

Jes. 66:21

Kisedda katalagatda Kuala le geti tai imam samba tai Lewi, Tiboiet Tuhan.

Hos. 14:2

Toiliake kam kai Tuhan Taikamanuamui, ale kam tai Israel! Kalulut jomui le anutubalatjai samba anubele kam.

Malk. 1:11

Rasuru' le Aku tai bangsa ka sangaliot polak. Ka senen kudduat ralabo' le pusinginan kalulut rasuru oningKu samba raake buluaakenen simaeru, kalulut suru'ra tai bangsa ka tubukKu.

ROMA 12:1

Oto ka kam sasaraina ka nuntut bagat Taikamanua, bule nubuluake kam tubumui kele buluakenen sipuririmanua, sipunenan samba obaket Taikamanua. Nenda te pususurumui sipulelek.

ROMA 15:16

ia te babailiuna aku pagugulet Kristus Jesus ka sabangsa bagei, masipasikeli Katuareman Simaeru sibara ka Taikamanua, bule sia sabangsa bagei bailiu buluakenen siloket Taikamanua, silinaakenen Ketsat Sipunenan.

1Kor. 3:16

Ta nuagai kam, uman Taikamanua le kam, samba Ketsat Taikamanua mukuddu ka tubumui?

1Kor. 3:9

Aipoi alei pagalaiakenen Taikamanua le kai; kam monen Taikamanua, lalep Taikamanua.

1Kor. 6:19

Ele ta pa nuagai kam, tubumui ia te uman Ketsat Sipunenan sikuddu ka bagamui, Ketsat Sipunenan sinilomui ka Taikamanua, – samba kam, ta kam sibakkat tubumui?

2Kor. 6:16

Apa patabbarat Uman Taikamanua ka buluat? Aipoi sita te uman Taikamanua sipuririmanua, siripot sikuat Taikamanua nene, “Ka talagada le geti kukukuddu samba murimanua, samba bailiu aku Taikamanuanda, samba sia bailiu bangsaku.

Gal. 6:10

Oto ujut ai pei le oggak ka sita, kau tagalai simaeru ka sangamberi sirimanua, sara pei ka saaleita sikere tonem baga.

5Mos. 18:2

Ta' momoi rabakkati ka sia polak kele suku-suku bagei, aipoi Tuhan le ka sia ikepmakenendra, kele sipalelekngakenen Tuhan katubutda.

Plp. 1:11

sun bua puroipoat, kalulut Jesus Kristus, katulatsanan samba katuumunan Taikamanua.

Plp. 2:17

Tapoi kenanen tupiliake logauku bailiu buluakenen samba panguruat tonem bagamui, maangka le bagaku samba muangka baga pasamba kam sangamberimui.

Plp. 4:18

Kineneiget akusiloan sangamberinia sibara ka kam, bulat amulegeian. Asutnan kaku kalulut akusilo sikoiniakenenmui siambit Epaproditus, ia te beu simasingin, buluakenen siloket samba obaket Taikamanua.

Kol. 3:17

Samba apa apa nugalai kam ka bagat titiboat ele galajet, ka onin Tuhan Jesus le galai kam nia, samba suraki kam Taikamanua Ukkui kalulut nia.

1Tim. 3:15

Oto ke maburu aku, nuagaian kipa murimanua simateu ka lalep Taikamanua, ia te paamian Taikamanua sipuririmanua, arigi samba bongen pubulanan.

Ibr. 3:6

Kristus geti matopit nia siripot putotoga masikupkup lalepnia; lalepnia ia te sita, ke mariuriu taukkaake simaron tonem bagata samba pukakaronan atsiakenenta teret kalepakatnia.

1Ptr. 2:9

Kam geti bangsa sipili le, imam rimata, bangsa sipunenan, bangsa bakkat Taikamanua, bule nupaarep kam beunan sigalainia sipasisosogai kam bela ka gepgep tuguru ka patonia kiseiakenen.

1Ptr. 4:11

Ke sipungangantoman, kau ipungantoman siripot sipasisesegeake tiboiet Taikamanua; ke sipuuku pasikelat, kau igalaiake nia siripot ron sipanguruatnakenen Taikamanua, bule ka bagat sangamberinia tulatsatnake Taikamanua kalulut Jesus Kristus. Nia poi sibakkat pulatsanan samba gege teret buruburu. Amen.

1Ptr. 4:17

Aipoi kineneiget aiailingan teterenia panandaat pasiukuman, samba siboiki ukumakenen ia te paamian Taikamanua. Ke ka sita itaddaake, kipangan pa kalepakatnia ka sia sitaimatonem baga ka Katuareman Simaeru sibara ka Taikamanua?

Pamoil. 1:6

samba sikau sita bailiu sara purimataat, bailiu imam ka Taikamanua Ukkuinia, – ka tubunia le pulatsanan samba gege teret buruburu. Amen.

Pamoil. 20:6

Mauktuk samba sipunenan le sia sipueeneu ka katusuruat siboiki. Kamateiat sikarua taan ioorak sia, tapoi bailiu le sia imam Taikamanua samba imam Kristus, samba murimata pasamba Kristus, saribu ngarura burunia.

Pamoil. 3:12

Simamanang, kubabailiuake nia arigi ka Uman Sipunenan Taikamanuangku, taan bebela nia sedda; suratnakekungan ka tubunia onin Taikamanuangku, samba onin kotat Taikamanuangku, ia te Jerusalem sibau, situgogorosot sibara ka sorga, sibara ka Taikamanuangku, samba oningku sibau leu kususuratnake ka tubunia.

Pamoil. 5:10

Samba anubailiuakean sia sara purimataat imam masipuuku Taikamanuanta, samba bailiu sia masipaneinei polak nene.”