1Ptr. 2:12 - BUKO SIPUNENAN

¹² Kau imaeru paraboatmui ka talagada sipuarat sabulungan, bule kenanen ratiboi kam rakua kam sirimanua sikatai, tapoi kalulut raitco sigalaimui simaeru, umunakerangan Taikamanua ka gogoi kaoijanannia.

1Ptr. 2:12 Iomraidhean Croise

PSALMEN 37:14

Sangamberi sirimanua sikatai masioppat lanjau samba masibetekake rouroura bule rabukkatake sirimanua sipangongorik samba sirimanua simageba, bule rajaja sirimanua simaroipo enungan;

PSALMEN 50:23

Kasei masipanguruatnake pusurakat sibailiu buluakenen, nia te siabeuake Aku; kasei maroipo enungannia, patoilakungan geti puaraugat katubunia sibara ka Taikamanua.”

Jes. 10:3

Aponia galaiakenenmui ka gogoi pasiukuman, samba kateteret katusubuat sioi sibara ka sareunan? Kasei katubu nutitiddou kam paroman? Kaipa nukokoiriake kam pukayoatmui nenda?

Dan. 6:4

Oto si Daniel maeru samba makolou pugagalainia bele peile pugagalaira sautet laggai nenda. Kalulut si Daniel iate simasun ketsat puaagai; samba rimata masiisiake iuddetnakenia ute ka sangaliot purimataatnia.

Mat. 10:25

Metnangan ka sipasiului ke makerean nia ka gurunia, kisedda leu pagugulet ka tuannia.”

Mat. 5:11

Mauktuk te kam ke raasa samba rapaoreji kam samba rapakatai nganga ka tubumui kalulut aku.

Mat. 5:16

Buita kisedda leu iputoro patomui ka matada sirimanua, bule raitco sigalaimui simaeru, raumunake Ukkuimui ka sorga.”

Mat. 9:8

Kele araitco nene sirimanua simigi, malotorangan, umunakerangan Taikamanua sipasikakau gege kele nene ka sirimanua.

Luk. 1:68

“Tuumunake le si Tuhan, Taikamanuan Israel, aibalouan poi bangsania samba aibelaake sia.

Luk. 19:44

Subuakerangan ekeu samba tatogam sikudduji ekeu, samba beri sara bukku sipalalakke taimararagat, kalulut ta nuagai gogoi katubalogatnu.”

Luk. 6:22

Mauktuk kam ke rapulagaki kam baga sirimanua, samba rakekele kam samba rapaloloi kam samba rakua kam sikatai kalulut Togatsirimanua.

Joh. 13:31

Kele aibela si Judas, kuanangan Jesus, “Kineneiget tulatsatnake Togatsirimanua taikamanua leu tulatsatnake ka tubunia.

Pugap. 15:14

Aikolouakean si Simon, ka panandaatnia pei le aipakoinongan katet bagania Taikamanua ka bangsa bagei, iala ka talagada bailiu bangsania.

Pugap. 24:13

Ia leu et ta momoi ramunengake nia kineneiget panganduatda pagalaiat tubuku.

Pugap. 25:7

Kele aioi si Paulus, sangamberida tai Jahudi sibara ka Jerusalem rio rabokko nia, kaurangan maigi panganduat simasane ka tubunia; tapoi ta amoi rajoake nia.

Pugap. 28:22

Tapoi koba kuarep kai sibara kekeu kipa paatuatnu; akuagaian poi kai pagalaiat arat nene, kaipa kaipa sarat rapajoggoloake.”

ROMA 12:17

Ba sisiliake kam sikatai silit sikatai; simaeru le galaiake kam ka sangamberi sirimanua.

ROMA 13:13

Kau tapuparaboat kam simasuru simateu ka tago; bui masosot pukokom samba pulolo, bui ka puoloman tubu samba pubotbonan, bui ka pagolukat samba sisit baga.

ROMA 14:18

Aipoi kasei masipuuku Kristus kele kise, obaket Taikamanua le nia samba rasuru nia sirimanua.

ROMA 15:9

samba ioi ka sabangsa bagei ralatsatnake Taikamanua kalulut katet bagania kele sitususurat ka Surat Sipunenan, “Ia te lulunia kuumunake ekeu ka talagada bangsa bagei, samba kuuraiake urai pasiumun masiumun onim.”

1Kor. 14:25

bailiu sangamberi simalipput ka paatuatnia toila, samba kalulut nene purapponangan masipanindogi Taikamanua samba imunengake, “Bulatnia ai Taikamanua ka talagamui.”

2Kor. 1:12

Aipoi sikau kai maangka baga nene le: bagai bagamai masimunengake, puririmanuamai ka polak nene, sara pei ka bagat pasambaatmai ka kam simasuru samba ka linat paatuat sibara ka Taikamanua le akugalaiake kai nia, ta sikut paatuat sirimanua ka ron panguruat Taikamanua le.

2Kor. 13:7

Tapoi manindou le kai ka Taikamanua, bule ta nugalai kam apa pa sikatai; ta bule kumatoila kai taan anai simagulai ka kai, tapoi bule nugalai le kam simaeru, kenanen kai tuitco kele simagulai.

2Kor. 8:21

Simaroipo le poi koba kugalai kai, ta sarat ka matat Tuhan, tapoi samba leu ka matat sirimanua.

EPESUS 2:3

Beri sita leu siburu sangamberita makere kele sia ai pei le sita mupaparaboat ka bagat botbot akkula samba paatuat sikatai. Pugolukiet le sita siripokatnia, makere kele sia sabagei.

EPESUS 4:22

Kau nuutsu kam sirimanua siburu, ia te paraboatmui siburu pinakatai pajoat pubotbonan,

Plp. 1:27

Sarat kau le siripot Katuareman Simaeru sibara ka Kristus puririmanuamui, bule ke moi aku itcokungan nia, ele ta moi aku arepkungan nia pagalaiat ron puririomui ka bagat sara ketsat, samba sisara paatuat masipaukeleake tonem baga sibara ka Katuareman Simaeru,

Plp. 4:8

Pasilepania ale sasaraina, apa sibulatnia, apa simalatsat, apa simaroipo, apa simalina, apa simalainge, apa simaeru tuarep, apa oniakenen putopinan samba simateu tuumun, ia te nupaatu kam.

1Tes. 4:12

bule rasuru kam sipuarat bagei samba ta leu mukaronan ka tubuda sabagei.

1Tim. 2:2

punu tubuda tai rimata samba sangamberi siabeu tiboi tubu, bule imarokdang samba imaeru puririmanuanta ka bagat topit samba lelek tubu.

1Tim. 4:12

Bui rapaguileake ekeu kasei pa lulut bau tubum. Kau le ibailiu ekeu uluiet ka simatonem baga ka bagat titiboat, ka bagat paraboat, ka bagat nuntut baga, ka bagat tonem baga samba ka bagat linat puririmanua.

1Tim. 5:10

samba amaarepman gagalaina galajet simaeru, pasikatnia: masiurau tatoga, masiletsei tairauma, masibui rereda sasaraina sikere tonem baga, masirom sia sipugegeja baga samba sangamberinia galajet simaeru aigalaiakean.

Ibr. 13:18

Tiddouake kam kai simariuriu. Aipoi matonem bagamai maeru le bagai bagamai, kalulut sarat simaeru le koba kuparaboatnake kai.

Ibr. 13:5

Bui numaalau kam baga ka bulagat; kipa teret sibabara iangan te nupusasanangi kam. Aikuangan poi Taikamanua, “Bulat ta kuooreake ekeu samba bulat ta kukakaddiuake ekeu.”

Jak. 3:13

Kasei ka talagamui simasiku paatuat samba simaagai? Kau le ipatoila ka puririmanuania simaeru sangamberi sigalainia ka bagat sikut paatuat sibara ka leppet baga.

1Ptr. 2:15

Aipoi obaket Taikamanua ia te bule kalulut gagalaimui simaeru, petpetnakemuian ngungunda sitaiagai paatuat.

1Ptr. 3:16

tapoi ka leppet baga samba loto le nualegi kam nia. Kau imalina paatuatmui, bule sia sipaloloi kam kalulut paraboatmui simaeru ka bagat Kristus, bailiu maila sia kalulut paloloiatda.

1Ptr. 4:11

Ke sipungangantoman, kau ipungantoman siripot sipasisesegeake tiboiet Taikamanua; ke sipuuku pasikelat, kau igalaiake nia siripot ron sipanguruatnakenen Taikamanua, bule ka bagat sangamberinia tulatsatnake Taikamanua kalulut Jesus Kristus. Nia poi sibakkat pulatsanan samba gege teret buruburu. Amen.

2Ptr. 3:11

Oto ke iaanau le sangamberinia nene kele kise, buita memei malina samba matopit nupuparaboat kam,

Rut 3:14

Iageti perep nia si Rut kabebet reret Boas. Kapatokat peile suru si Rut bui raitconia sirimanua. Aipoi si Boas ta ioba raagainia berisara sirimanua ai oi kakudduat nenda.