1Ptr. 2:11 - BUKO SIPUNENAN

¹¹ Sasaraina kilibet baga, kunganturu kam, kam sitoi sipueekpak, bule nuareuake kam tubumui ka pubotbonan siobat akkula sipasasaggak ka ketsat.

1Ptr. 2:11 Iomraidhean Croise

1Mos. 21:34

Samba si Abraham mauju peilenia mukuddu ka kupkumen laggai Filistin.

1Mos. 23:4

“Aku nene siooiake sikukuddu katalagamui, obaake kam kusaki sangamata polak bule ioi kurateiake sinanalepku.”

1Mos. 47:9

Aleginangan si Jakob, “Amurimanuangan aku sangotu telu pulu ngarura sibailiu sipueppak. Purimanuaiatku nenda matete samba si sun katai le, ta' kele nantat rurat taikebbukatku sipuririmanua sibailiu sipueppak.”

1Taw. 29:15

Nuagai, oi Tuhan, aipoi kele taikebbukatmai, kai leu et masienungi puririmanua nene sibailiu siooiake samba sirimanua sitoi. Puririmanuamai kele ailiggou situsasabau, samba ta momoi kubela kai ka kamateiat.

PSALMEN 119:19

Aku nene sirimanua siooiake ka polak, bui' Nulipputake sangamberi surukatNu katubukku.

PSALMEN 119:54

Sangamberi siteuakenenNu ibailiu urai pasiumunku ka polak kudduijietku sibailiu siooiake.

PSALMEN 39:12

Nubobo sara sirimanua pasamba ukuman kalulut puseleatnia, samba masikom itata pualat baga katubunia kele kanang; bulatnia te, sirimanua bulat siboboi le. S e l a

3Mos. 15:18

Kisedda leuet sara sinanalep, ke sara simanteu ipaperepakenia samba ke ai suat tubunia simapipili, oto karuatda buita rabui tubutda pasamba oinan samba sia bailiu kasitsitakenen teret bele sulu.

3Mos. 25:23

“Bui mariuriu nusakiake kam polak, kalulut Aku le sibakkat polak nenda, oto kam iate sirimanua siooiake katubukKu.

Luk. 21:34

“Pagaba kam tubumui, bui nututuri kam pukokom samba pulolo simapuinengen, samba masipaatu purimanuaiat polak, bui sinulut ioi gogoi Tuhan ka kam.

Pugap. 15:20

Tapoi suratnan le takakau ka sia, tanganturu sia bui rakom komen sibuluakenen ka buluat; raareuake tubuda ka puumunan; samba bui rakom tarimeu sipetsut, ele mukom logau.

Pugap. 15:29

bui nukom kam komen sibuluakenen ka buluat, bui nukom kam logau, bui nukom kam tarimeu sipetsut samba masiareuake tubu ka puumunan. Ke nujago kam tubumui ka sangamberi nene, anugalaiakean kam simaeru. Bule maron kam!”

ROMA 12:1

Oto ka kam sasaraina ka nuntut bagat Taikamanua, bule nubuluake kam tubumui kele buluakenen sipuririmanua, sipunenan samba obaket Taikamanua. Nenda te pususurumui sipulelek.

ROMA 7:23

tapoi ka bagat laddou tubuku kuitco surukat bagei sipasasaggak ka surukat sikuddu ka paatuatku, bailiu aku kabeket surukat jo sikuddu ka bagat laddou tubuku.

ROMA 8:13

Aipoi ke siripot akkula nupurimanua kam, mamatei le kam; tapoi ke siripot Ketsat, mateiakemuian sigalai tubumui, purimanuamuian.

2Kor. 5:20

Oto punu tubut Kristus le kai, kele Taikamanuangan le masinanana kam ka ngangamai; ka onin Kristus kutiddou kai: oba kam ituabanake kam ka Taikamanua.

2Kor. 6:1

Kalulut alei pagalaiakenen Taikamanua le kai, kupanganturu kai kam, bui nupasibbu kam kiliu bagat Taikamanua sinilomui.

2Kor. 7:1

Oto sasaraina kilibet baga, atabakkatingan poi kineneiget palelengan nene, kauan tapalina kam tubuta ka sangamberi pulolinan tubu samba ketsat, samba ka bagat nene tasutnake pusisipunenanta ka bagat loto ka Taikamanua.

Gal. 5:24

Sia sibailiu bakkat Kristus Jesus, arasiliktengaakean akkulara samba sangamberi pubotbonannia samba obaketnia.

EPESUS 2:19

Oto taan sitoi ele siooiake kam, taikalaggaiatdangan le sipunenan samba sikauman Taikamanua,

EPESUS 4:1

Oto kutiddou ka kam – aku sipenjaraakenen kalulut Tuhan – bule nupuparaboat kam simateu siripot sirimanua sinogai Taikamanua.

2Tim. 2:22

Kalulut nene areuake tubum ka pubotbonanda sibau tubu, kukuruake puroipoat, tonem baga, nuntut baga samba aban sambamui sia sipusosoga kai Tuhan sibara ka paatuat simalina.

Ibr. 11:13

Sangamberida nene amateian sia ka tonem baga, ta arasilo sinibalaakenen, ka sareunan le araitco nia samba raroroi nia samba raseseake sitoi le sia samba sipueekpak ka polak nene.

Ibr. 6:9

Tapoi sasaraina kilibet baga, kenanen kukua kai kisedda pagalaiat kam, matonem bagamai aian ka kam simaeru sibaraake puaragat.

Jak. 4:1

Kaipa kabaraiatnia pasaggangan samba pagolukat ka talagamui? Ta pa sibara ka pubotbonan sipauukele ka bagat tubumui?

1Ptr. 1:1

Sibara kai Petrus, apostel Jesus Kristus, masiailiake taitoi simasasaragai ka Pontus, Galatia, Kapadokia, Asia samba Bitinia,

1Ptr. 1:17

Ke nuagai kam nia Ukkui, sitaiiggat masiukum senen sirimanua siripot sigalaira, oto kau numaloto kam murimanua ujumui musitoi ka polak nene.

1Ptr. 4:12

Sasaraina kilibet baga, bui te imakisei ka bagamui juluu apit paoreat siooi ka tubumui masisibo kam, kele ai apa pa simasaliu sipuaaili ka tubumui.

1Ptr. 4:2

bule tetere sipulelegei taan nupakei kam nia murimanua masitut obaket sirimanua, tapoi masitut obaket Taikamanua le.

2Ptr. 3:1

Sasaraina kilibet bagaku, surat nene ia te surat sikaruania sinuratnakenenku ka kam. Ka bagat ruania surat nene kubesiake masisuruake paatuatmui simalina,