1Ptr. 1:7 - BUKO SIPUNENAN

⁷ Sangamberinia nene ia te pasimuneng linania tonem bagamui – sisaliu pei le kepput sakit mas simasusuet, sisibo linania ka api – sikau kam masisilo katuumun samba pulatsanan samba pubeunanan ka gogoi katutoilakat Jesus Kristus.

1Ptr. 1:7 Iomraidhean Croise

Job 23:10

Kalulut iagai enungan purimanuaiatku, ke isibo aku, makoinongkungan kele mas.

Job 28:1

“Kirenangan ai kudduat rapasigaba perak sirimanua samba kudduat pasilatsat mas,

PSALMEN 17:3

Ke Nusibo paatuatku samba kateteret sinoibo Nuitco aku ta te Nusesese geti berisara pukakatai siripot sipinatuku.

Pangt. 16:16

Bulat maeru peile tusese sikut patuat bele pei tusese mas, samba masise puagaijat bele peile tusese perak.

Pangt. 17:3

Mas samba perak tusibo le nia ka obengan, tapoi patuat sirimanua geti Tuhan le masisisibo.

Pangt. 8:19

Buakku peile makeppu saki ka mas, samba mas simaeru, sibaraakenenku bele peile ka perak simaeru.

Sip. 5:14

Kele ibela ka suruket inania, kisedda leu geti ituitui, sibulutut kele kateteret ioi, samba ta isisilo sibara besit tubunia berisara momoi iambit kabagat kabeinia.

Jes. 48:10

Bulatnia te, Akupalinaan ekeu, tapoi ta kele perak, tapoi Akusibongan ekeu kabagat purusuat pangoringan.

Jer. 48:36

Sangamberi pukayoat Kir-Heres samba Moab atataan. Marereu le bagaKu masiitco sia nenda; Aku kelean le sirimanua sipasiuuraiake urai ka sulin.

Jer. 9:7

Lulut nenda kasene le' ngangan Tuhan sebaot: Bulatnia te', Kuoba le' masianaake samba masisibo sia, aipoi aponiangan le' momoi Kugalai ka okkot paamianKu?

Zakh. 13:9

Sarat sara pertelungan le tupaarau geti. Kupalina le sia geti kele perak silatcatnakenen obengan. Kusibo le geti sia kele sara sipasisibo mas. Lepa panindourangan geti katubukKu, samba alegikungan sia. Kuakungan katubudra, sia iate paamianKu samba sia leu et masimunengake, Aku te Tuhan Taikamanuandra.”

Malk. 3:3

MomoiNia bule ipasiukum, kele sirimanua sipasilina samba sipalatcat perak. Kele sara sirimanua siagai mugalai logam masipalatcat mas samba perak, kisedda te pakoiniet Tuhan ipalina tai imam, bule rapanguruatnake buluakenen ka enungan siobat bagat Tuhan.

4Mos. 5:28

Tapoi ke ta ipalolit tubunia sinanalep nenda, malina le nia, oto tubelaake le geti nia samba baranangan geti togania.”

Mat. 19:28

Kuanangan ka matada Jesus, “Kukua nia ka matamui: Ka pasibaraat polak sibau, ke muuddet Togatsirimanua ka uddenan pulatsanannia, kam sipasitutut aku muuuddet leu kam ka pulurua uddenan purimataat masiukum sipulurua muntogat Israel.

Mat. 25:21

Kuanangan ka matania si tuan, ‘Ia pei te, pagugulet simaeru, simatopit. Amatopitnan poi ekeu ka puukuket sigoiso, segeakekungan leu kekeu puukuket sabeu. Guruake ekeu ka puangkakat bagat tuannu!’

Mat. 25:23

Kuanangan ka matania si tuan, ‘Ia pei te, pagugulet simaeru, simatopit. Amatopitnan poi ekeu ka puukuket sigoiso, segeakekungan leu kekeu puukuket sabeu. Guruake ekeu ka puangkakat bagat tuannu!’

Luk. 12:33

Sakiake kam sangamberi bibiletmui, pauruakemuian nia ka simageba. Galai kam ka kam suppit sitaimakakatai, ia te bibilet ka sorga taimakukurut, taioi ilegeri sipananangkou samba ipakatai nia tabbubulut.

Luk. 17:30

Kisedda te geti pagalaiatnia ka teteret katutoilakat Togatsirimanua.

Joh. 12:26

Kasei sioba mupagugulet ka tubuku, kau itut aku; kaipa aku sedda leu paguguletku. Kasei sioba mupagugulet ka tubuku umunakenen Ukkuiku te nia.”

Joh. 5:44

Kipa te iooi imatonem bagamui, umun sibara ka pasasambamui le nugagaba kam, ta umun sibara ka Taikamanua sisasara nugagaba kam?

Pugap. 8:20

Kuanangan ka matania si Petrus, “Malolosengan te ekeu samba bulagatnu, ka bagam le te momoi nusaki nia bulagat panguruat Taikamanua.

ROMA 2:10

Tapoi pulatsanan, pubeunanan samba aban le siloketda sangamberi sirimanua sigalai simaeru, boiki tai Jahudi, samba leu bangsa bagei.

ROMA 2:29

Tapoi Jahudi sipulelelek ia te sipupaatuat Jahudi samba sunat sipulelelek ia te sunat paatuat sibaraakenen Ketsat Taikamanua, ta sibara ka aturan sinurat. Katuumunnia sibara ka Taikamanua le, ta sibara ka sirimanua.

ROMA 2:7

ia te purimanuaiat sitaitatata ka sia simaom baga masigalai simaeru, masigaba pulatsanan, pubeunanan samba sitaimasusuet.

ROMA 8:19

Bulat amarrepdepman poi bagada sangamberi sibaraakenen masingena katutoilakatda tatogat Taikamanua.

1Kor. 3:13

matotoila le geti galajetda senenda. Gogoi Tuhan poi masipatotoila, aipoi api le ipatotoila nia samba kipa erunia galajet senen sirimanua, api le isisibo nia.

1Kor. 4:5

Ianenda, bui nupasiukum kam ta ka teterenia, ke tapei amoi si Tuhan. Nia le masitotoroiji simalipput ka bagat pugepgeman samba masipatotoila isiat paatuat. Sedda pei te senen sirimanua masisilo katuumunan sibara ka Taikamanua.

Jak. 1:12

Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

1Ptr. 1:5

Ia te kam pinasikeli ka geget Taikamanua kalulut tonem baga ujumui masingena puaragat simatatarek patoilaket ka gogoi sialu.

1Ptr. 2:4

Konan kam ka tubunia, bukku sipuririmanua, siribbaiakenenda sirimanua, tapoi ka matat Taikamanua geti sipili samba simakeppu saki le.

1Ptr. 2:7

Oto ka kam simatonem baga, makeppu saki nia, ka sia sitaimatonem baga geti, “Bukku siribbaiakenenda tai tukang aibailiuan bukkut taiming,”

1Ptr. 4:12

Sasaraina kilibet baga, bui te imakisei ka bagamui juluu apit paoreat siooi ka tubumui masisibo kam, kele ai apa pa simasaliu sipuaaili ka tubumui.

1Ptr. 4:13

Bailoknia, kau le imagora bagamui siripot rubeiat sinilomui ka bagat pangoringan Kristus, bule imagora leu bagamui samba maangka baga ka teteret ipatoila pulatsanannia.

1Ptr. 5:1

Kupanganturu tai baja gareja ka talagamui, aipoi aku leu baja gareja leu et samba sipasimumuneng pangoringan Kristus, samba sipueeneu ka bagat pulatsanan toilaakenen geti.

2Ptr. 1:1

Sibara kai Simon Petrus, pagugulet samba apostel Jesus Kristus masiailiake sia siputotonem baga kele laingen tonem bagamai kalulut puroipoat Taikamanua samba Jesus Kristus, Sipaarau sita.

2Ptr. 1:4

Ka enungan nenda te aipanguruatnake ka sita palelengan simakeppu saki samba simakope beunan, bule kalulut nia bela kam ka pubotbonan sikatai ka polak nene, bailiu kam mueneu ka putaikamanuaat.

2Ptr. 3:14

Oto sasaraina kilibet baga, ka bagat ai kam masingengena sangamberinia nene, kau nubesiake kam bule si ta loloiet samba si ta lolit kam ka matat Taikamanua; samba ai kam paaban ka tubunia.

Jud. 1:24

Oto ka tubunia, simagege masipasikeli bui nubele kam samba siambit kam si ta loloiet samba sut gorat baga ka matat pulatsanannia,

Pamoil. 1:7

Itco kam, ioi ka bagat tanairusa! Sangamberi mata masiitco nia, samba sia leu sipasipupunu nia; samba sangamberi bangsa ka polak nene mugeri masiitco nia. Oo, bulatnia! Amen.

Pamoil. 2:10

Ba kakalotoake gejat baga siooi geti ka tubum. Ibubulukngake te piga pa ka talagamui Sanitu ka bagat penjara bule isibo kam, magejanangan bagamui pulu ngagogoi burunia. Kau numatopit teret matei ai leu kuake kekeu kirit purimanuaiat.

Pamoil. 3:10

Kalulut anureddet tiboietku nupuom baga, aku leu kupasisikeli leu ekeu ka gogoi pasisiboat sipuaaili geti ka sangalio polak nene masisibo sia sikuddu ka polak.

Pamoil. 3:18

Oto kunganturu ekeu bule nusaki ka tubuku mas silinaakenen ka api, bule numakayo, samba leppei simabulau, pakeietnu, bui imatoila pububulututnu katuailaatnu; samba leu et tula, masitulaji matam, bule imaitco matam.

1Sam. 2:30

Aku, Tuhan Taikamanuan Israel, siburu Akugalaian palelengan, saeppum samba samuntogatnu te geti masipuuku Aku sibailiu imam teret buruburu. Tapoi kineneiget ta'an kubebesiake pagalaiat nenda! Aipoi sisuru Aku, Kususuru te geti sia, tapoi sipaloloi Aku, Kupaloloi te geti sia.