1Ptr. 1:5 - BUKO SIPUNENAN

⁵ Ia te kam pinasikeli ka geget Taikamanua kalulut tonem baga ujumui masingena puaragat simatatarek patoilaket ka gogoi sialu.

1Ptr. 1:5 Iomraidhean Croise

Job 19:25

Tapoi kuagai: Aimuririmanua Sipanebuiku, samba kalepakatnia tusurunangan ka uddut abu.

PSALMEN 37:28

kalulut si Tuhan manuntu bagania ka surukat, samba ta ikakaddiuake sirimanua simanuntu bagaNia. Sirimanua sikatai tusubuake le teret buruburu, samba sapunuteteura sirimanua sikatai tusappruake le geti.

Pangt. 2:8

aijajago enungan katuroipoat, samba masipasikeli enunganda sirimanua simatopit.

Jes. 45:17

Tapoi tai Israel iarauake le sia si Tuhan kabagat puaraugat teret buruburu; ta tupakaila samba tupalololoi kam teret buruburu.

Jes. 51:6

Ipoake kam matamui ka manua samba itco kam ka polak ka tei; kalulut tata le manua kele kujuk, polak makamung kele leppei simamumumu' samba matei le geti silaggaijinia kele legu; tapoi kabelaiat akenenKu mariuriu le geti teret burburu, samba puaraugat sibara kaku ta tatata.

Jes. 54:17

Senen pamatei sipaddai bule rasaggangi ekeu ta mamamanang sia, samba senen sirimanua siake pasuksungan kabagat pakaroat patoilanungan geti puseleatda. Nene te sibailiu rubeiatda sapagugulet Tuhan samba pubulanan sisilora katubukKu, kise te tiboiet Tuhan.

Jes. 66:22

Kalulut kele manua sibau samba polak sibau baraakenenKu nenda, mariuriu le ka matakKu, kise te tiboiet Tuhan, kisedda muntogatmui samba onimui mariuriu le ikuddu.

Jer. 23:4

Kurioake le geti katalagatda sipasijajago sijago sia, bailiu taimalotorangan, taituge'gerangan samba berisangamuneng leu simalilimai, kise te' ngangan Tuhan.

Jer. 32:40

Kuaapra le' geti palelengan sitaitatata' pasamba sia. Ta' geti Kukateteiteiake sia, tapoi simaeru le' geti tugalai katubutra; Kukakau le' ka paatuatra puloloto katubukKu, bule bui ratuareu katubukKu.

Joh. 12:48

Simamin baga ka tiboietku samba sitaisilo tiboietku, aian siukumake nia; tiboiet siniboiku, ia te iuukumake nia ka gogoi sialu.

Joh. 17:15

Ta kutiddou bule nuala si ka polak, tapoi bule nupasikeli le sia ka sikayai.

Joh. 4:14

tapoi silo oinan akenenku, ta maooggou nia buru. Aipoi oinan kaunenku ka sia, bailiu ka bagania bubuakat oinan sipuguguruk sipasikakau ka tubunia purimanuaiat sitaitatata!”

Joh. 5:24

Kukua nia ka matamui: Sipasiaarep tiboietku samba sikatonemi sipasikokoiniake aku, aibakkatingan purimanuaiat sitaitatata, taan tuukum nia; aipoi abelangan nia ka kamateiat mei ka purimanuaiat.

ROMA 11:20

Aisesengan! Aitugetai tedda sia kalulut taimatonem bagada, samba kam tuottot kalulut tonem baga. Bui nubuakngake kam paatuatmui, kau le numaloto kam!

ROMA 8:18

Siripot pinaatuku, pangoringan ka tetere kineneiget, ta isisiripoki tupakereake nia ka pulatsanan patoilaket ka sita geti.

1Kor. 1:21

Kalulut sikut paatuat Taikamanua, ta momoi raagai Taikamanua taikapolak ka sikut paatuatda, obanangan Taikamanua iarauake simatonem baga kalulut ngantoman Katuareman Simaeru addeakenenda taikapolak putaiagaiat paatuat.

2Kor. 1:24

Ta masipaksa kam apa katonemietmui, alei sipasirorom kam ka puangkakat bagamui le; aipoi amurioan kam simaron ka bagat tonem bagamui.

Gal. 2:20

kineneiget taan aku muririmanua, Kristus-an le sipuririmanua ka bagat tubuku. Samba puririmanuangku kineneiget ka bagat akkula, ka tonem baga ka Togat Taikamanuangan le sipununtuki aku baga samba sibuluake tubunia punu tubuku.

EPESUS 2:8

Sibara ka kiliu baga le aituarauake kam, lulut tonem baga, ta sibaraakenenmui, panguruat Taikamanua le;

EPESUS 3:17

bule ipukuddu Kristus ka bagat paatuatmui kalulut tonem baga, nupuungat samba nupubongen kam ka bagat nuntut baga.

Plp. 1:6

Ka pagalaiat nene tonem le bagaku, nia sipasitataddaake galajet simaeru ka talagamui, iririuriuake ikappuluake nia teret ka gogoi Kristus Jesus.

Plp. 4:7

Aban Taikamanua sisaliu sangamberi sikut paatuat masipasikeli enga samba paatuatmui ka bagat Kristus Jesus.

2Tim. 3:15

Repdep leu ka sulenu pei le anuagaian Surat Sipunenan sipasoppit samba sipalulu ekeu ka puaragat kalulut tonem baga ka Kristus Jesus.

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Ibr. 6:12

bule ta ibailiu kam simabeili, tapoi bailiu sipasitututnake sia sipasiikep palelengan Taikamanua kalulut tonem baga samba om baga.

Ibr. 9:28

kisedda leu te Kristus, sangaminca le aibuluake tubunia masibairat jot sangamberi sirimanua. Lepa nenda patoilanangan tubunia minca, taan masibairat jo, masipanguruatnake puaragatnan le ka sia sipasingengenaake nia.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

1Ptr. 4:13

Bailoknia, kau le imagora bagamui siripot rubeiat sinilomui ka bagat pangoringan Kristus, bule imagora leu bagamui samba maangka baga ka teteret ipatoila pulatsanannia.

1Ptr. 5:1

Kupanganturu tai baja gareja ka talagamui, aipoi aku leu baja gareja leu et samba sipasimumuneng pangoringan Kristus, samba sipueeneu ka bagat pulatsanan toilaakenen geti.

2Ptr. 1:3

Kalulut geget putaikamanuaatnia aipanguruatnakean ka sita sangamberinia sikau sita murimanua simatopit kalulut pasiaagaita nia, sipasisosogai sita ka pulatsanan samba erut bagania.

1Joh. 3:2

Sasaraina kilibet baga, tatogat Taikamanuangan te sita, taimatotoilana pei le kipa sita geti. Tapoi ataagaian, amatoilaan geti Kristus, makeretangan ka tubunia, bulat tubungangan poi taiitco.

Jud. 1:1

Sibara kaku Judas, pagugulet Jesus Kristus samba sarainan Jakobus, masiailiake sia sinogai, kilibet bagat Taikamanua Ukkui, samba pinasikeli ka bagat Jesus Kristus:

Jud. 1:24

Oto ka tubunia, simagege masipasikeli bui nubele kam samba siambit kam si ta loloiet samba sut gorat baga ka matat pulatsanannia,

1Sam. 2:9

Sirimanua simatopit sarat masanang le ka bagat pasikelat Tuhan. Tapoi sikatai tusubuake ka bagat pugepgeman. Ronta saratta ta momoi tukaroake, puroron sirimanua ta iaake kamanangan.