1Ptr. 1:3 - BUKO SIPUNENAN

³ Tuumunake le Taikamanua, Ukkui Tuhanta Jesus Kristus, situtuake sita minca siripot beunan katet bagania, tapukaronan sipuririmanua lulut katususurut Jesus Kristus ka simamatei,

1Ptr. 1:3 Iomraidhean Croise

1Rim. 8:15

Kuanangannia, “Tuumun le si Tuhan Taikamanuan Israel sigalai palelenganNia nenda katubut David, ukkuiku kise:

1Taw. 29:20

Lepat aipanindou kisedda, kuanangan si David katubut sirimanua simigi siparuru sedda, “Umun kam Tuhan Taikamanuamui!” Iageti sangamberi sirimanua nenda masiumun Tuhan Taikamanua sipanindogit taikebbukatda. Lepa rekkuk sia addeat masiabeuake si Tuhan samba si rimata.

2Taw. 31:8

Masiitco panguruat simigi nenda, Rimata Hizkia samba sipugagalai ka uma purimataatnia, umunrangan si Tuhan samba umunrangan tai Israel, paamianNia.

PSALMEN 41:13

Tapoi nusopo le aku kalulut linat patuatku, Nuronnake le aku kamatam teret buruburu.

PSALMEN 86:15

Tapoi Ekeu, ale Tuhan, Taikamanua simanuntu samba simakate baga le, simaom baga samba siabeu katet baga.

PSALMEN 86:5

Simaeru le poi Ekeu, ale Tuhan, sioba masiappeake samba simasun katet baga ka sirimanua sipusoga katubum.

2Mos. 34:6

Lepa geti tusabaunangan si Tuhan ka matat Mose samba kuanangan, “Aku Tuhan, iate Taikamanua simasun anggai baga samba punununtut baga. Nuntut bagaKu ta magulai, matopit Aku samba ta maruei mugolu.

Jes. 26:19

Oi Tuhan, paamianNu simamatei murimanua minca, tubutda simamatei tususuru geti minca. Kam sirimanua sirateiakenen kabagat polak tusurungan kam samba mugora baga! Kalulut tinobut Tuhan iate tinobut pato, samba polak masitu'tuake geti minca ketsat.

Jon. 4:2

Iageti panindounangan, “Oi Tuhan, akukuangan tebai siboiki aipeile aku ka laggai kabaraiatku, aipoi bulat nugagalai le kele nene. Iate paluluatnia akutuitui masialiake Spanyol? Kuagaipoi Ekeu le Taikamanua Sipulu nuntut baga samba sipulu katet baga, simaom baga samba simaleppe baga samba simatarek masisaili galaiakenen pasiukuman.

Joh. 1:13

Ta sinutuakenen sibara ka logau ele ka siobat akkula, ele ka siobat simanteu, sibara ka Taikamanua le.

ROMA 12:12

Pugora kam baga ka pukakaronan, muom baga ka bagat pugejaat baga, kau mariuriu paninindoumui.

ROMA 15:13

Bule Taikamanua bakkat pukakaronan, masisutnake ka paatuatmui angkat baga samba aban ka bagat tonem bagamui, bule kalulut ron Ketsat Sipunenan memei iuurau pukakaronanmui.

ROMA 4:25

ia te Jesus sinegeakenen kalulut jota, samba sisuruakenen masiparoipo sita.

ROMA 5:10

Aipoi ke ka teteret saggak pei le sita apaabanan sita ka Taikamanua kalulut kamateiat Togania, sara pei kineneiget sita siabanakenennia, bulat iaarauake kalulut purimanuaiat Kristus.

ROMA 8:11

Ke mukuddu Ketsat Taikamanua sipasisusuruake Jesus ka simamatei ka bagamui, oto nia sipasisusuruake Kristus ka simamatei masisuruake leu tubumui simamateiet kalulut Ketsatnia sikuddu ka bagamui.

ROMA 8:24

Kalulut pukakaronan le atasilo puaragat. Tapoi pukakaronan siitco, taan pukakaronan; aipoi ke atuitcoan apananta pei le takakatoni nia?

1Kor. 13:13

Oto telunia nene te simariuriu: tonem baga, pukakaronan samba nuntut baga; tapoi bulat siabeunia geti ia te nuntut baga.

1Kor. 15:20

Tapoi bulatnia atusurungan Kristus ka simamatei, sikebbukat ka sangamberi simamatei.

2Kor. 1:3

Tuumunake le Taikamanua, Ukkui Tuhanta Jesus Kristus, Ukkui sipulukatet baga samba Taikamanua bakkat sangamberi pusuibiat,

Gal. 6:16

Bule aban samba katet baga le ka sia siparaboatnake aturan nene, samba ka Israel Taikamanua.

EPESUS 1:17

kutiddou ka Taikamanuan Tuhanta Jesus Kristus, Ukkui simalatsat, bule iake ka kam Ketsat pusikuat samba pamoilianan masiagai nia simakolou.

EPESUS 1:3

Tuumunake le Taikamanua, Ukkui Tuhanta Jesus Kristus sipanguruatnake ka sita sene ngamata panukanan puketsanan sibara ka sorga ka bagat Kristus.

EPESUS 1:7

Ka bagat Kristus poi kalulut logaunia aibara ka sita panebuiat, ia te katuappekat jo, siripot kayot kiliu bagania,

EPESUS 2:4

Tapoi Taikamanua sipulukatet baga, ka beunan nuntut bagania ipununtuki sita,

EPESUS 3:20

Ka tubunia siooi masigalai sisaliu pei le ka sinindouta ele sipaatuta siripot ron sipugagalai ka bagata,

Kol. 1:23

Kau le numariuriu kam ka bagat tonem baga, nyung le ta ipaguguilak, samba ba oba kam turitsi ka pukakaronan siarepmui ka Katuareman Simaeru, sikakaraakenen ka sangamberi sipuririmanua ka tei polak, samba sibailiu aku nene, Paulus sipasikeli nia.

Kol. 1:27

Ioba Taikamanua ipaagai nia ka tubuda kipa kayo samba latsatnia pakeleat nene ka talagat bangsa bagei, ia te: Kristus aian ka talagamui, karoniet masisilo pulatsanan.

1Tes. 1:3

Aipoi sarat kurepdep le kai galajetmui ka bagat tonem baga, pusaggoatmui ka bagat nuntut baga samba om bagamui masikaroni Tuhanta Jesus Kristus ka matat Taikamanua Ukkuita.

1Tes. 4:13

Ia geti sasaraina, ta koba kai ta nuagai kam nia pagalaiat sia simamatei, bui imareureu bagamui, kele sia sabagei sitaipukakaronan.

2Tes. 2:16

Bule tubut Tuhanta Jesus Kristus samba Taikamanua Ukkuita, sipununtuki sita baga samba siake ka sita pusuibiat simatom samba pukakaronan simaeru, kalulut kiliu bagania,

1Tim. 1:14

Tapoi ia pei aiuruake kiliu bagania Tuhanta ka tubuku, samba tonem baga samba nuntut baga ka bagat Kristus Jesus.

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Ibr. 3:6

Kristus geti matopit nia siripot putotoga masikupkup lalepnia; lalepnia ia te sita, ke mariuriu taukkaake simaron tonem bagata samba pukakaronan atsiakenenta teret kalepakatnia.

Jak. 1:18

Sibara ka teu bagania le aitutuake sita kalulut tiboiet pubulanan, bule ibailiu sita sikebbukat ka sangamberi sibaraakenennia.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

1Ptr. 1:21

Kalulut nia te anukatonemi kam Taikamanua sisuruake nia ka simamatei samba sipasilalatsatnake nia, bailiu Taikamanuangan le katonemietmui samba karonietmui.

1Ptr. 1:23

Atututuakean poi kam minca ta ka karamen simasusuet, sitaimasusuet le, kalulut tiboiet Taikamanua sipuririmanua samba simatom.

1Ptr. 2:2

Kau ibailiu kam kele tatoga sibau mututu mata, simaoggou suat tottot puketsanan simalina, bule nupuurau kam samba nusilo kam puaragat,

1Ptr. 3:15

Tapoi puneni le kam Kristus si Tuhan ka bagat paatuatmui. Samba matarek ka senen tetere masialegi senen sipasinonounou kam pagalaiat karoniet bagamui,

1Ptr. 3:21

Nenda te sibailiu pasikat pasiraukat sipunenan siarauake kam kineneiget; ta pasigolok lolit tubu, tapoi pasitiddou paatuat simaeru le ka Taikamanua kalulut katususurut Jesus Kristus,

1Ptr. 3:5

Kisedda poi tainanalep sipunenan siburu, sipukakaronan ka Taikamanua; rapalainge tubuda ka bagat mureddet ka taimanteura.

1Joh. 2:29

Ke nuagai kam, simaroipo le nia, buita nuagai leu kam, senen sigalai simaroipo, ia te tatogat Taikamanua.

1Joh. 3:3

Senen sipukakaronan kele nene ka Kristus, masipuneni tubunia, kele Kristus sipunenan.

1Joh. 3:9

Senen siputututu mata sibara ka Taikamanua, taan igagalai jo; aipoi galai tubut Taikamanua aian ka tubunia samba ta momoi igalai jo, sinutuakenen Taikamanua poi nia.

1Joh. 4:7

Sasaraina kilibet baga, kau tapanuntu baga pasasambata, aipoi nuntut baga sibara ka Taikamanua le; samba senen sipunununtu baga, siputututu mata sibara ka Ukkui le samba iagai Taikamanua.

1Joh. 5:1

Senen sipasikakatonemi Jesus, ia te Kristus, siputututu mata sibara ka Taikamanua le nia; samba senen sipununtuki Ukkui sipasi tututuake, masipununtuki leu Toga sinuntuakenennia.

1Joh. 5:18

Taagai kam, senen sinuntuakenen sibara ka Taikamanua, ta igagalai jo, aijajago poi nia Togat Taikamanua, samba ta ipagegeugeu nia Sijo.

1Joh. 5:4

aipoi senen siputututu mata sibara ka Taikamanua masikalaake polak; samba kamanangan sikalaake polak ia te tonem bagata.