1Ptr. 1:21 - BUKO SIPUNENAN

²¹ Kalulut nia te anukatonemi kam Taikamanua sisuruake nia ka simamatei samba sipasilalatsatnake nia, bailiu Taikamanuangan le katonemietmui samba karonietmui.

1Ptr. 1:21 Iomraidhean Croise

PSALMEN 42:5

Nenean le kurerepdep, kateteret purereureuku baga kipa ioi kuei kupuenung katalagat sirimanua simigi muenung simakere ka uman Taikamanua ka bagat gorat baga samba urai pusurakat, ka gaugaura sirimanua sipupupunen.

Jer. 17:7

Tusukatnake le' sirimanua sikaroni si Tuhan, sipukakaronan kai Tuhan!

Mat. 28:18

Ia geti rengei Jesus kuanangan ka matada, “Atuakean kaku sangamberi gege ka sorga samba ka polak.

Joh. 12:44

Lepa pusoganangan Jesus, kuanangan, “Sikatonemi aku, ta aku aikatonemi, sipasikokoiniake aku le aikatonemi.

Joh. 14:1

“Bui imasedde bagamui, kau imatonem bagamui ka Taikamanua, samba kau leu imatonem bagamui kaku.

Joh. 14:6

Kuanangan ka matania Jesus, “Aku te enungan samba pubulanan samba purimanuaiat. Ta anai sisesege ka Ukkui ke ta kalulut aku.

Joh. 17:1

Lepa aikua nene Jesus, teilanangan ka manua kuanangan, “Ukkui, aiailingan teterenia, latsatnake Togam, bule ilatsatnake ekeu Togam.

Joh. 17:24

Ukkui, siobaku kaipa le kukuddu, sedda leu rapukuddu sangamberi siakenu kaku, bule raitco pulatsananku siakenu kaku, enan tapei abara polak.

Joh. 17:5

Oto kineneiget, latsatnake aku Ukkui ka bebenu pulatsananku siturerere ka bebenu, enan tapei abara polak.

Joh. 3:34

Aipoi kasei sikoiniakenen Taikamanua, nia te masititiboi tiboiet Taikamanua, aiuruakean poi Ketsatnia Taikamanua ka tubunia ta magulai.

Pugap. 2:24

Tapoi aisuruake le nia Taikamanua, aibelaake nia ka geget kamateiat, aipoi ta momoi ikupkup nia kamateiat.

Pugap. 3:13

Taikamanuan Abraham, Isak samba Jakob, Taikamanuanda taikebbukatta, ailatsatnakean Pakoinietnia ia te Jesus, sinegeakenenmui samba pinakelemui ka matat Pilatus kele aiteuake ibelaake nia.

Pugap. 3:15

Rimatat purimanuaiat anumateiake kam, tapoi aisuruake le nia Taikamanua ka simamatei; ka pagalaiat nene kai te simunengake nia.

Pugap. 4:10

oto kau nuagai kam nia sangamberimui samba sangamberi bangsa Israel, ia te ka onin Jesus Kristus tai Natsaret siniliktengaakenenmui, tapoi sisuruakenen Taikamanua ka simamatei, ka oninia te aipurio sinene aimaron tubu ka matamui.

ROMA 10:9

Aipoi ke numunengake ka ngungum, Jesus ia te Tuhan, samba nukatonemi kapaatuatnu susuruakena nia Taikamanua ka simamatei, maaraunungan.

ROMA 4:24

tapoi samba ka sita leu; aipoi ka sita leu iaddeake Taikamanua, kalulut tonem bagata ka tubunia, sipasisusuruake Jesus, Tuhanta ka simamatei,

2Kor. 6:15

Aponia pakerekat Kristus ka Belial? Ele pakerekatnia rubeiatda simatonem baga ka sitaimatonem baga?

EPESUS 1:15

Ia te lulunia, kele akuarep pagalaiat tonem bagamui kai Tuhan Jesus samba pagalaiat nuntut bagamui ka sangamberi sipunenan,

Kol. 1:27

Ioba Taikamanua ipaagai nia ka tubuda kipa kayo samba latsatnia pakeleat nene ka talagat bangsa bagei, ia te: Kristus aian ka talagamui, karoniet masisilo pulatsanan.

1Tim. 1:1

Sibara kai Paulus, apostel Kristus Jesus siripot patonekat Taikamanua, Sipaarau sita, samba Kristus Jesus, karonanta baga,

1Tim. 3:16

Ta anai kasei pa siooi masisakkala beunannia keleat aratta: Nia sipatoila tubunia ka putubuat sirimanua, atupatoilaan roiponia ka bagat Ketsat, aipaitcoan tubunia ka samalaika, pinaarep ka sipuarat sabulungan, arakatonemingan nia taikapolak, situaakkat ka pulatsanan.

Ibr. 2:9

Tapoi sita masiitco Jesus pinaepe goiso ka samalaika, sikirini pulatsanan samba pubeunanan le lulut pasioorik kamamatei, bule lulut kiliu bagat Taikamanua inanam kamateiat punu tubut sangamberi sirimanua.

Ibr. 6:1

Oto tagalakngakean kam nganturat panandaat pagalaiat Kristus, tariuriuake masiailiake simasun. Buian taoleake minca masigalakngake bongen pasibaugat paatuat ka galajet siboboi, samba bongen putoneman baga ka Taikamanua,

Ibr. 7:25

Ia te lulunia iooi iarauake sipulelelek sangamberi sirimanua siooi ka Taikamanua kalulut nia. Riuriu le poi ipurimanua ibailiu nia sipasititiddouake sia.

1Ptr. 1:11

Ralelekngake kipa samba pigamoi teterenia ipuaili siniboi Ketsat Kristus, sikuddu ka bagada, ia te Ketsat sipasimumunengake pagalaiat paoreat sipuaaili ka tubut Kristus samba pagalaiat pulatsanan pasat nenda.

1Ptr. 1:3

Tuumunake le Taikamanua, Ukkui Tuhanta Jesus Kristus, situtuake sita minca siripot beunan katet bagania, tapukaronan sipuririmanua lulut katususurut Jesus Kristus ka simamatei,

1Ptr. 3:22

situsasakai ka sorga samba mukuddu kai kattoet Taikamanua; sangamberi samalaika samba gege samba ron musum ka tubunia.