1Ptr. 1:15 - BUKO SIPUNENAN

¹⁵ Tapoi kele Taikamanua sipasisosogai kam sipunenan le nia, kam leu kau ibailiu kam sipunenan ka bagat sangamberi puparaboananmui,

1Ptr. 1:15 Iomraidhean Croise

Jes. 35:8

Bara le geti sedda enungan sabeu, oniakenen geti Enungan Sipunenan; sirimanua sijo ta raenungi geti enungan nenda, samba sirimanua sitaiagai patuat taan raenungi enungan nenda.

Jes. 6:3

Pusogarangan ka pasasambatda: “Sipunenan, sipunenan, sipunenan le Tuhan Sebaot, sangalio polak sun le pulatsananNia!”

Mat. 5:48

Oto kau ibailiu kam simasun eru, kele Ukkuimui ka sorga simasun eru.”

ROMA 9:24

ia te sita, sinogainia, ta sarat bangsa Jahudi, tapoi sibara ka bangsa bagei leu,

2Kor. 7:1

Oto sasaraina kilibet baga, atabakkatingan poi kineneiget palelengan nene, kauan tapalina kam tubuta ka sangamberi pulolinan tubu samba ketsat, samba ka bagat nene tasutnake pusisipunenanta ka bagat loto ka Taikamanua.

Plp. 1:27

Sarat kau le siripot Katuareman Simaeru sibara ka Kristus puririmanuamui, bule ke moi aku itcokungan nia, ele ta moi aku arepkungan nia pagalaiat ron puririomui ka bagat sara ketsat, samba sisara paatuat masipaukeleake tonem baga sibara ka Katuareman Simaeru,

Plp. 3:14

samba pabalau masiailiake ailiakenen, bule kusilo panguruat, ia te pasogaiat sorga sibara ka Taikamanua ka bagat Kristus Jesus.

Plp. 3:20

Aipoi bakkat laggaita ka sorga le, sibara sedda leu tangena kam Sipaarau sita, Tuhan Jesus Kristus,

1Tes. 2:12

samba kunana kai kam, bule nupurimanua kam simateu ka siobat Taikamanua, sipasisosogai kam ka Purimataat samba pulatsanannia.

1Tim. 4:12

Bui rapaguileake ekeu kasei pa lulut bau tubum. Kau le ibailiu ekeu uluiet ka simatonem baga ka bagat titiboat, ka bagat paraboat, ka bagat nuntut baga, ka bagat tonem baga samba ka bagat linat puririmanua.

2Tim. 1:9

Nia le sipasiaarauake sita samba sipasisosogai sita pasogaiat sipunenan, ta kalulut sigalaita, sibara ka teu baga samba kiliu bagania le, sipanguruatnakenennia ka sita ka bagat Kristus Jesus enan tapei abara tetere,

Tit. 3:14

Samba sia saaleita leu kau ragelai mugalai galajet simaeru, ibara pakeiet ka besiakenen, bui si ta bua rapurimanua.

Tit. 3:8

Karonan te tiboiet nene samba kuoba bule nuronake nia, bule sia simatonem baga ka Taikamanua rapasikeli masigalaiake galajet simaeru. Ia te simaeru samba sibailiu uktuk ka sirimanua.

Ibr. 12:14

Besiake kam paaban ka sangamberi sirimanua, samba leu puririmanua sipunenan, aipoi ke ta kisedda beri sara siooi masiitco si Tuhan.

Ibr. 13:5

Bui numaalau kam baga ka bulagat; kipa teret sibabara iangan te nupusasanangi kam. Aikuangan poi Taikamanua, “Bulat ta kuooreake ekeu samba bulat ta kukakaddiuake ekeu.”

Jak. 3:13

Kasei ka talagamui simasiku paatuat samba simaagai? Kau le ipatoila ka puririmanuania simaeru sangamberi sigalainia ka bagat sikut paatuat sibara ka leppet baga.

1Ptr. 2:12

Kau imaeru paraboatmui ka talagada sipuarat sabulungan, bule kenanen ratiboi kam rakua kam sirimanua sikatai, tapoi kalulut raitco sigalaimui simaeru, umunakerangan Taikamanua ka gogoi kaoijanannia.

1Ptr. 2:9

Kam geti bangsa sipili le, imam rimata, bangsa sipunenan, bangsa bakkat Taikamanua, bule nupaarep kam beunan sigalainia sipasisosogai kam bela ka gepgep tuguru ka patonia kiseiakenen.

1Ptr. 3:16

tapoi ka leppet baga samba loto le nualegi kam nia. Kau imalina paatuatmui, bule sia sipaloloi kam kalulut paraboatmui simaeru ka bagat Kristus, bailiu maila sia kalulut paloloiatda.

1Ptr. 5:10

Tapoi Taikamanua bakkat sangamberi kiliu baga, sipasisosogai kam ka pulatsanannia sitaitatata ka bagat Kristus, nia le masipamumuine kam, masipangetnget, masiparon samba masipatonem kukuddumui, lepa nupasiorik kam goiso.

1Joh. 3:3

Senen sipukakaronan kele nene ka Kristus, masipuneni tubunia, kele Kristus sipunenan.

Pamoil. 3:7

“Samba ka malaikat paamian ka Piladelpia suratnake: Nene le aikua sipuoni Sipunenan samba Pubulanan, siukkaake panguksik David; ke ibuka, ta anai siooi masiluplupmake; ke iluplupmake, ta anai siooi masibuka nia.

Pamoil. 4:8

Epatnia sipuririmanua nenda senenda ai enem kappora, bokko tubuda samba ka isit ka baga sun mata; samba taipuaari le sia sinago samba sinoibo masikua: “Sipunenan, sipunenan, sipunenan le si Tuhan Taikamanua, Sipulugege, siturerere puririmanua, sipuririmanua samba siooi geti.”

Pamoil. 6:10

Pugereirangan sabeu nganga masikua, “Pigamoian le Tuhan Sipulugege, Sipunenan samba sibulatnia, nuukumake sia sikuddu ka polak nene, nulumunake sia lulut mamateiakera kai?”