1Ptr. 1:11 - BUKO SIPUNENAN

¹¹ Ralelekngake kipa samba pigamoi teterenia ipuaili siniboi Ketsat Kristus, sikuddu ka bagada, ia te Ketsat sipasimumunengake pagalaiat paoreat sipuaaili ka tubut Kristus samba pagalaiat pulatsanan pasat nenda.

1Ptr. 1:11 Iomraidhean Croise

1Mos. 3:15

Ekeu samba sinanalep nenda palaga baga le geti kam. Punuteteunia samba punuteteunu pasasaggak le geti. Punuteteunia masipeperak geti utenu samba nusoson le geti bukkutrerenia.”

1Mos. 49:10

Si Jehuda masiukkaake geti tutura purimataat, reddenannia muparenta te geti teret buru-buru. Tai bangsa raambit le geti upeti, samba murappo sialei purereddet katubunia.

Jes. 49:6

“Makopean le tata kekeu, sibailiu paguguletKu, iate masironake sangamberi muntogat Jakob samba masitoiliake sangamberi tai Israel siturerere tupasikeli. Tapoi Kugalaiake le ekeu geti ibailiu pato ka sangamberi bangsa bule puaraugat sibara katubukKu iaili ka tu'tut polak.”

Dan. 2:44

Tapoi kateteret puparentaatda tai rimata nenda, Taikamanua ka manua masirioake geti sara purimataat simatom teret buruburu samba purimataatnia tamomoi raalania laggai bagei; purimataat nenda ipakatai le geti sangamberi purimataat samba isubuake, tapoi purimataat nenda mariuriu le geti teret buruburu.

Zakh. 13:7

Kuanangan si Tuhan Sipulugege, “Ale lanjau suruake ekeu, samba saggangi sipasijago sipugagalai ka tubuKu! Mateiakenia, iageti pusabunangan sangamberi biribiri. Saggangingkungan leu et paamianKu,

Zakh. 14:9

Iageti si Tuhan muparenta leu sibailiu rimata ka sangaliot polak. Senen sirimanua masipanindogiNia sibailiu Taikamanua samba masiagaiNia ka oni simakere.

Mat. 26:24

Togatsirimanua geti kirenangan mamatei nia kele sitususurat pagalaiat tubunia. Tapoi paan te ka sirimanua nenda sipasisesegeake Togatsirimanua. Maeru pei le ka sirimanua nenda ta mututu matania.”

Luk. 24:44

Ia geti kuanangan ka matada Jesus, “Ia te ne tiboiet siniboiku ka matamui enan pei le aku ka bebemui: sangamberi sitususurat ka bukot Mose samba bukoda tai nabi samba buko Psalmen pagalaiat tubuku, buita muaili.”

Joh. 12:41

Ia te aitiboi si Jesaya, aiitcoan poi pulatsanan Jesus samba aitiboian pagalaiat tubunia.

Pugap. 16:7

Kele arasege ka Misia, siborangan mei ka Bitinia, tapoi aikera le sia Ketsat Jesus.

ROMA 8:9

Tapoi kam geti ta sipuririmanua ka bagat akkula, tapoi ka bagat Ketsat le, ke bulatnia bai mukkuddu Ketsat Taikamanua ka bagamui. Tapoi kasei si ta anai Ketsat Kristus, ta bakkat Kristus nia.

Gal. 4:6

Samba tatogangan poi kam, koiniakenangan Taikamanua Ketsat Togania ka paatuatta, sisogaake, “Abba, Ukkuiku!”

2Ptr. 1:21

tapei poi anai sibala sibara ka teu bagat sirimanua, sinubbui Ketsat Sipunenan le arapanibo sikoiniakenen Taikamanua.

Pamoil. 19:10

Purappokungan ka matat malaika masipanindogi nia; tapoi kuanangan ka mataku, “Ba gagalai kise! Aku leu pagugulet le kele ekeu samba sasarainam, sipasisisilo pasimunengan Jesus. Taikamanua le panindogi! Aipoi pasimunengan Jesus ia te ketsat pamoiliananda tai nabi.”