1Ptr. 1:1 - BUKO SIPUNENAN

¹ Sibara kai Petrus, apostel Jesus Kristus, masiailiake taitoi simasasaragai ka Pontus, Galatia, Kapadokia, Asia samba Bitinia,

1Ptr. 1:1 Iomraidhean Croise

Est. 3:8

Iageti kuanangan si Haman ka tubut rimata, “Tuanku, ai sara bangsa simasasaragai samba siooiake ka senen provinsi purimataat nene. Katukelat puririmanuandra bulat mabaggei ka sangamberi bangsa bagei. Sangamberi surukat purimataat ta Rimatatutnake. Oto, Tuanku simaerunia bui' nuobaake ragalai siobat bagadra.

PSALMEN 44:11

Nukau kai tusoksok ka saggakmai, samba sangamberi sirimanua simalaga baga katubumai masiraurau kai.

Jehz. 6:8

Tapoi iletalaga, iate situaarau ka lanjau, Kuobaake le rapurimanua katalagatda tai bangsa, ke iaili teterenia tusaragaiake kam ka sangamberi laggai nenda.

3Mos. 26:33

Kubabarake le geti pasaggangan ka kupkumen laggaimui samba masipasaragai kam ka kupkumen laggai sirimanua. Sangamberi monemui malilimai le geti, samba sangamberi laggaimui tuobaake le ibailiu siragatat.

Mat. 10:2

Oninda tai apostel sipulurua ia te: Siboiki si Simon sipuoni si Petrus samba sarainania si Andreas, si Jakobus samba sarainania si Johannes tatogat Sebedeus;

Mat. 24:22

Ta bai itengai Taikamanua igit gogoinia, beri sara sipuririmanua; tapoi kalulut sia sipili, tengainangan igit gogoinia Taikamanua.

Mat. 4:18

Aimugegejek Jesus ka bebet koat Galilea, itconangan rua sipusasaraina, ia te si Simon sipuoni leu si Petrus samba baginia si Andreas, ai sia mujajarik ka koat, sipasiiba poi sia.

Luk. 18:7

Iangan pa Taikamanua, ta pa isisineseatnake sia sipilinia, sipusosoga ka matania sinago samba sinoibo, iooreake pa iromake sia?

Joh. 11:52

Samba ta sarat uktuk bangsa Jahudi, tapoi bule iruruake leu tatogat Taikamanua sipusasabu bailiu musara.

Joh. 7:35

Kuarangan tai Jahudi pasasambada, “Kaipa pa ieei, ta iooi tasese nia? Ioba pa mei ka tai Jahudi sipusasabu ka talagada tai Grika samba masipangantoman tai Grika?

Pugap. 18:2

Sedda paailirangan sara tai Jahudi sipuoni si Akwila sibara ka Pontus. Simaruei pei le aibara ka Italia ruada sinanalepnia si Priskila, kalulut aiparentaake poi Kaisar Klaudius ratuitui sangamberi tai Jahudi ka Roma. Tagetnakenangan sia si Paulus,

Pugap. 18:23

Piga pa ujunia aikuddu sedda, lepa tui nia minca, gejenginangan sangalio tobbou Galatia samba Prigia masironake paatuatda sipasiului.

Pugap. 19:10

Rua ngarura ujunia aigalai nene, pat sangamberida sikuddu ka Asia tai Jahudi samba tai Grika masiarep tiboiet Tuhan.

Pugap. 6:9

Lepa suru piga pa sibara ka parurukat oniakenenda tai Libertini – ia te tai Jahudi sibara ka Kirene samba Aleksandria – sambada tai Jahudi sibara ka Kilikia samba sibara ka Asia, pajoggoloakerangan Stefanus.

Pugap. 8:4

Oto sia sipusasabu, ei sia masigejengi sangalio laggai pagalu masipaarep Katuareman Simaeru.

1Kor. 16:19

Salam ka kam sibara ka sapaamian ka Asia. Si Akwila, Priska samba paamian ka lalepda masisegeake salam simaigi ka kam ka bagat Tuhan.

2Kor. 1:8

Aipoi koba le kai bule nuagai kam nia sasaraina, pagalaiat pugejaat baga sipuaaili ka tubumai ka Asia. Bulat makope sane, taan aiom tubumai masibairat, pat taan akurepdep kai murimanua.

Gal. 1:2

samba sibara ka sangamberi sasaraina sipaalei aku, masiailiake sapaamian ka Galatia:

EPESUS 2:12

ka teteret nenda sitaipuki – Kristus le kam, ta tuaddeake kam warganegara Israel samba ta mueneu kam ka palelengan sinibalaakenen, si ta anai karonan samba si ta Taikamanua le kam ka polak nene.

EPESUS 2:19

Oto taan sitoi ele siooiake kam, taikalaggaiatdangan le sipunenan samba sikauman Taikamanua,

5Mos. 28:64

Pasaragainangan kam geti si Tuhan ka talagat bangsa-bangsa ka sangalio polak. Sedda te nupanindogi kam taikamanua sigalai sibara ka loina samba ka bukku, taikamanua sitaiagaietmui samba leu sitaiagaietdra taikebbukatmui.

5Mos. 32:26

Ai obaKu masitata'ake sia, bule ta rarepdep sia minca.

5Mos. 4:27

Pasabunangan kam si Tuhan ka talagadra tai bangsa-bangsa bagei samba goisoan le kam muririmanua.

2Tim. 1:15

Anuagaian sia sangamberi sikuddu ka Asia arakaddiuakean aku; ka talagada ia te si Pigelus samba si Hermogenes.

Ibr. 11:13

Sangamberida nene amateian sia ka tonem baga, ta arasilo sinibalaakenen, ka sareunan le araitco nia samba raroroi nia samba raseseake sitoi le sia samba sipueekpak ka polak nene.

Jak. 1:1

Salam sibara kaku Jakobus, pagugulet Taikamanua samba Tuhan Jesus Kristus, masiailiake sipulurua muntogat sikuddu ka puekpangan.

1Ptr. 2:11

Sasaraina kilibet baga, kunganturu kam, kam sitoi sipueekpak, bule nuareuake kam tubumui ka pubotbonan siobat akkula sipasasaggak ka ketsat.

2Ptr. 1:1

Sibara kai Simon Petrus, pagugulet samba apostel Jesus Kristus masiailiake sia siputotonem baga kele laingen tonem bagamai kalulut puroipoat Taikamanua samba Jesus Kristus, Sipaarau sita.

Pamoil. 1:11

sipasikukua, “Apa siitconu, suratnake ka bagat buko, koiniakenungan nia ka sipitu paamian ia te: ka Epesus, Smirna, Pergamus, Tiatira, Sardis, Piladelpia samba Laodikea.”