Zekariya 8:3 - Mawu a Mulluku

³ Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Zekariya 8:3 Iomraidhean Croise

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Eksodo 29:45

Kineerokhalla variyari va Aisraele nave kineerokhalla Mullukwiiwa.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Yesaya 1:26

Kineerewaakeraatthihattho aweeruzaawo ni attekweenaawo wonanko khalle. Attekweenaawottho. Vatulli viwa we oneeroromolliwa muzinda woororomelleya ni woolungama.”

Yesaya 11:9

Khavikhalla erive ello yoovoreya apaalle yawoononga va mwaango woopatuleya wa Apwiya. Vawi ellapo yavatthi ettheene eneeroddalla ni waadduwella Apwiya wonanko enyanja enaddallelliiwa ni maaddi.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yesaya 32:16

Vano orive weko oneerokhalla echilungamo ovenyera o echipululu ophiya o emata dda ethaya yaphaama.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

Yesaya 65:25

Mumbulu ni mwaanaankhosa eneerekochella vamodda nave mukango oneerekocha munyepu wonanko eng'ombe navettho nthupi sika ninaakhalle yoocha ya enowa. Va mwaangwaaka waweella wa Ziyoni khaviwa vikhalla ello yoovoreya apaalle yawoononga.”

Yesaya 66:20

Nave eneerowaana abalaanyu attheene ovenyera wa athu a mitundu ddimodda wi ekhalle emphaso wa miyaano. Eneerowaana o mwaangwaaka waweella o Yerusalemu abalaanywaayo yaawellihalle va akavalo, abulu, ekamira,* magareta ni machira. Eneerowaana wonanko Aisraele yaawaakana ddoovelleella dda yoocha o enyumba ya Mulluku, addikusalle mu embale ddoopatuleya.

Yesaya 8:18

Ngoonani, kiri mva vamodda ni anamwani kavahiweemi ni Mulluku. Niri echizindikiro ni ddoodduwelliha wa Aisraele ddoovenyera wa Apwiya Amasiva Mattheene ayo enakhalla va mwaango wa Ziyoni.

Yeremiya 14:9

Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Yeremiya 33:16

Enthawi yeeyo Yuda aneerovulluwa nave Yerusalemu aneerokhalla vamurendelleni. Sika muzindooyo onaaromolliweke wi, ‘Apwiya sika echilungamwaahu.’

Ezekiele 48:35

Sika waapheella muzinda muttheenooyo onaakhalle mamita 9,000 nave nnddina na muzindooyo wa enthawi yoohimalla ninaakhalle Apwiya eri vaava.”

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Yowele 3:21

Kineerohokollosella ddoonanara ekaamba ya ayo yiiphiwe, oochimwa ngaahiya ddiiddo oohaallaka vawi mi tti Apwiya ookhalla o Ziyoni.”

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Zekariya 1:16

Sika ekaambiiwa kihokollweelleemi o Yerusalemu ni murima weechifundo. Enyumbaaka eneeromakiwattho wenko nave eneerokusattho mukwe woolingella wi emakettho muzinda wa Yerusalemu, Mi Apwiya Amasiva Mattheene koollota.’

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Zekariya 14:10

Ellapo ettheene eneeromwaramwariwa phaama ovenyera o Geba ophiya o Rimoni, omwera wa Yerusalemu. Koma Yerusalemu aneerowellihiwa va nipuro naye ovenyera o mullako wa Benjamini ophiya o nipuro nko waari Mullako Wawaamba, ophiya o mullako wa Ekona navettho ovenyera o nttattha na Hananele ophiya o nipuro noovotella mpesa wa mwene.

Zekariya 8:16

Ddoopaalleya weera tti ddawi arive muthu alloteke ddawoona ni mukhwaaye. Mweeruzeke mwawoona ni mwamurendelle m'mathatoni mwanyu.

Zekariya 8:19

“Ohalla ocha* wa mweeri waneesese, waneetthanu, waneetthanu ni piilli ni waneekhumi onaakhalle ohakallalla ni othapella o nibanja na Yuda. Mukondeke ddawoona ni murendelle.”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Akolose 2:9

Vawi makhallello mattheene a Mulluku enakhalla mwa mwiilli wa Khrisitu,

Yawuupullulla 21:10

Vano kaahoollelliwa ni Munepa Waweella nave mungeloolle aakikusella vaddullu va mwaango woorekama. Aakooniha Yerusalemu, muzinda waweella okitthaka ovenyera oddullu, wa Mulluku,

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.