Zekariya 3:2 - Mawu a Mulluku

² Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”

Zekariya 3:2 Iomraidhean Croise

2 Epilli 6:5

‘Ovenyera nllapo nno kaakhumihalleemi Aisraele, athwaaka mu Iguputo, nguutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Nave ngaamutthoollille muthu okhalla mwene owaalamulella Aisraele athwaaka.

2 Epilli 6:6

Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

Masalimo 109:31

Apwiya enniimella onnattanatta na muthu oopaneya, omuvullusa wa athu ookamulla wi wiiphiwe.

Yesaya 7:4

Wamulleelle wi achenjere, akhurumuwe, ahoove nave murimaaye ohifooke ekaamba ya owalli wa osha murima wa Rezini ni ellapwaaye ya Siriya ni wa Peka mwaana a Remaliya. Alliwa tti wonanko mwiisi woothuwa shisha.

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Zekariya 1:17

“Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”

Zekariya 2:12

Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.

Mariko 1:25

Nave Yesu aawusimwella munepa woonanarooyo wi, “Okhurumuwe nave okhumemo mwa muthooyo!”

Mariko 9:25

Yesu oonilleeye wi mulloko wa athooyo onimawa mwawaakuva vamodda momwaatamella, vano aasimwella munepa woonanarooyo wi, “We munepa woohiiwa ni woohillota, kinimuulamula wi khumamo mwa musomboolla ohivollowemottho!”

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Luka 4:35

Nave Yesu aawusimwella munepa woonanarooyo wi, “Okhurumuwe nave okhumemo mwa muthooyo!” Vano munepa woonanarooyo waamukuha vatthi muthooyo vahoollo va athu attheene, okhumamo mwa muthooyo ohimuvoreyille.

Luka 9:42

Nave mwaanooyo aweeye, munepa woonanarooyo waamukuha vatthi omukomolla. Vano Yesu aasimwella munepa woonanarooyo, amuchiriha mwaanooyo nave aamuvelleella wa attiitthinnya.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Aroma 8:33

Ttaani anaawiipe mullatu athu ootthoolliwa a Mulluku? Mulluku mwaneena sika anawoona wi khenna mullatu!

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yuda 1:23

Nave mwaavulluse amodda voowaakihani ovenyera omunlloni nave muweerelleke echifundo amoddattho koma muchenjere nave mwiitaneke ni yoowariiwa yooripihiwa ni machimo.

Yuda 1:9

Koma naari Mikaele, muullupalli a angelo, ahoova omwiipa mullatu Satana voomullotellani epewe. Nave akanganeeye ni Satana voovaanyihana dda mutembo wa Mose wi ttaani aphwanenlle owuukusa koma aallotille wi, “Apwiya yuullake.”

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”