Zekariya 3:1 - Mawu a Mulluku

¹ M'masomphenya mamodda Apwiya yaakooniha mullupa mukutho muullupalli Yoswa iimenlle vamiitthoni va mungelo a Apwiya. Nave vakhuviru ni Yoswa vahiimella Satana, akhozekenlle omuhumullulla.

Zekariya 3:1 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

1 Epilli 21:1

Vano Satana aapaalla waahoosa Aisraele, aamulleka Davide wi aweerenge Aisraele.

2 Epilli 29:11

Anaaka, muhisellihe vawi Apwiya ahuutthoollani wi mwiimelle vamiitthoni viwa mwaarumeyelle wi mukhalle oorumeyelliiwa navettho wi muwooselle lubani.”

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Ezara 2:2

Yawiille nimodda ni oohoollella monga Zerubabele, Yeshuwa, Nehemiya, Seraya, Reelaya, Mordekai, Bilishani, Mishipara, Bigivai, Rehumu ni Baana.) Echiwerengero ya allopwana a Aisraele yaari,

Ezara 5:2

Vano Zerubabele mwaana a Shealatiele ni Yeshuwa mwaana a Yozadaki yahaamba omakattho enyumba ya Mulluku mu Yerusalemu. Nave anamallotella a Mulluku yahaakavihera.

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

Masalimo 109:6

Mutthoolleni muthu oonanara wi amuvaanyihe ookiwukilooyo, mmodda mwa adanaaye amuhumullulle.

Yeremiya 15:19

Sika Apwiya yahaakhulla wi, “Wahokollweella wa mi, kineerowaakhellattho nave oneerokirumeyellattho. Waallotaka ddawoona ohiri ddoohikhalla ni mutteko onaakhalle namallotellaaka. Athu yaalla eneerohokollweella wa weyaano koma we khohokollweella wa alliwa.

Ezekiele 44:11

Eneeremoona okhalla oorumeyellaaka mu nipuro naka naweella. Eneerekowehera millako dda enyumba ya Apwiya ni ophara mitteko ddimodda wenko. Eneerekewiipha enama dda mikutho ddooshellelliha ni mikutho ddimodda dda athu. Sika eneerekowiimellella athwaayo ni waarumeyella.

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Hagai 1:12

Vaavo Zerubabele mwaana a Shealatiele, Yoswa mwaana a Yehozadaki muullupalli a allupa mukutho ni athu amodda attheene ayo yahokollowille wuukaporoni yaheera nnddo Apwiya Mullukwiiwa ellotilliiwa. Yiiwalliiwa mawu a namallotella Hagai oyo Apwiya yamurumalliiwa navettho yahoova wunchichi.

Hagai 2:4

Komave mi Apwiya Amasiva Mattheene kinallota wi, we Zerubabele ohinatathilla murima, weyaano Yoswa mwaana a Yehozadaki, muullupalli a mullupa mukutho ohitathille murima, nyu attheene muhitathille murima. Virellellani ni mutteko vawi kiri ni nyuwaano.

Zekariya 1:13

Apwiya yaamwaakhulla ni mawu ookhurumusa murima mungelo oyo allota ni miyaano.

Zekariya 1:19

Kaamukoha mungelo olle allota ni miyaano wi, “Vano ella tti tini?” Olliye aakaakhulla wi, “Alla tti masiva a vatthimva ayo yaapallallesille athu a o Yuda, a o Israele ni a o Yerusalemu.”

Zekariya 1:9

Sika kaamukoha wi, ‘Apwiya, vano ella tti tini?’ Mungelo olle allota ni miyaano aakaakhulla wi, ‘Kineerewuutthopoollella ottaphullella wiwa.’

Zekariya 2:3

Vano mungelo olle allota ni miyaano aakhuma nave mungelo mmodda aawa aakumanana.

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

Zekariya 6:11

Opange enduwira ovenyera o siliva ni golide onaamwaakheewe. Nave enduwireeyo omakelle omuruni wa mullupa mukutho muullupalli Yoswa mwaana a Yehozadaki.”

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Luka 22:31

“Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

Deuteronomo 10:8

Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

1 Samuele 6:20

Vano athu a o Beteshemeshi yaallota wi, “Ttaani anaawore wiimella vamiitthoni va Apwiya Mulluku Aweella? Nave nibokosi na echipanganonna ninaaye wuuwi wi nivenyewo wuno?”