Zekariya 10:3 - Mawu a Mulluku

³ Kohaashella murima abusa nave kineerewaallaka oohoollella a mwiillaponimmo. Koma mi Apwiya Amasiva Mattheene kineerohoollella enkhosa ddaka, nibanja na Yuda nave kineerodditthattusa wonanko akavalo akhoto amasiva.

Zekariya 10:3 Iomraidhean Croise

Yobu 39:25

Nipallapata ninlla anneera “ii!” Annunkherera ekhoto ari voorekama, othuruma ni okhuwa wa oohoollella.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Miyambo 21:31

Kavalo annakhozekelliwa nllapo noowana ekhoto koma Apwiya sika enamupambaniha.

Nchipo na Solomoni 1:9

We ookondiwaaka, kinuuphwanaphwanihella ni kavalo a magareta a Farao.

Yesaya 10:12

Apwiya yamalliha muttekwiiwa wowaallaka attheene va mwaango wa Ziyoni ni o Yerusalemu, eneeromullakattho mwene a o Asiriya ekaamba ya okota ni wiitukhulla waye.

Yesaya 24:21

Nllapo nenno Apwiya eneerewaallaka amasiva ooddullu ni mamwene a va ellapo yavatthi.

Yeremiya 10:21

Kahaakhulla wi “Vawi abusaahu tti ookarangeya, khenaveka ezeru wa Apwiya. Ekaamba ya yeella ddeko kheddinaweetella phaama, enkhosa ddiwa ddaapallalleya.

Yeremiya 11:22

Sika Apwiya Amasiva Mattheene enallota wi, “Kineerewaallaka! Asombwiiwa eneerewiiphiwa okhotoni nave aniiwa aallopwana ni aatthiyana eneerokhwa ni ettalla.

Yeremiya 25:12

Miyakha 70 ddamalla, kineeromullaka mwene a o Babiloni ni athwaaye ekaamba ya ddoonanara ddiwa nave ellapwiiwa kineeroyitthattusa ntepe wa enthawi yoohimalla.

Yeremiya 25:34

Nyu abusa, inllani wunchichi ni okhuwa mwamasiva. Nyu oohoollella a athwaaka, ihelleni ntuura. Enthawaanyu yawiiphiwa yoophiya nave muneeropwesiwa ni omwaramwariwa wonanko epalli yoowallamella mutengo.

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Ezekiele 34:11

Mi Apwiya Mulluku kinallota wi, “Vano enkhosa ddakannddo kineeroddaashaasha mwaneenaaka nave kineeroddipwatha.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?

Daniele 11:32

Mwenooyo aneerewaalleka ni waakopa athu oovevulla echipangano yaweella. Koma athu oomudduwella Mullukwiiwa eneerollipihella nave eneeromukhoota olliye.

Zefaniya 1:8

Apwiya enallota wi, “Va nllapo nenno, nllapo na mukuthwaaka, kineerewaallaka anamwani a mwene ni enduna ddaye ni attheene ookuseya murima ni makhallello eelleto.

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Zekariya 11:17

“Otulli okhalle ni mbusa oohikhalla ni mutteko oyo anahiya enkhosa! Emukakathe ni nsupada va muwono ni va niittho naye na onnattanatta. Muwonwaaye onyaalle wunchichi nave niittho nayenno nikhalle noohoona wa enthawi yoohimalla.”

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Rute 1:6

Vano Naomi ni avokohaaye eellaalle yahaamba okhozekella olendo woohokollweella owaniwa ovenyera mu ellapo ya Mowabu. Vawi ahiiwa wi mu ellapo yoowaniwa Apwiya yahaadalisa athwiiwa ni waavaha ddoocha.