Zekariya 1:4 - Mawu a Mulluku

⁴ Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Zekariya 1:4 Iomraidhean Croise

2 Epilli 30:6

Vano amithenga yaaya o Israele otthewene ni o Yuda ni makalata oovenyera wa mwene ni enduna ddaye. Mwene aalamula wi, “Nyu athu a mu Israele, hokollweellani wa Apwiya Mulluku a Abrahamu, Isaki ni Yakobo wi alliwa ehokollweelle wa athu muhanlle, nyu mwavulluwalle m'mattani mwa mamwene a o Asiriya.

2 Epilli 30:7

Muhikhalle wonanko makhollwaanyu ni abalaanyu ayo yaari oohiroromelleya wa Apwiya Mulluku a makhollwiiwa ayo yaatthattusalle ello yawoopiha monga munoonellaanyummu.

2 Epilli 34:21

“Khaweni mwaakohe Apwiya munipuroni mwaka ni mwa athu oohalla o Israele ni o Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

Ezara 9:7

Waambeella enthawi ya makhollwaahu ophiyera ollello nikhallelle ochimwa wunchichi. Vano ekaamba ya machimwaahwaayo, hiyaano, mamwene a ellapo ddimodda ni allupa mukuthwaahu noovelleelliwa m'mattani mwa mamwene a mwiillaponi wiiphiwa okhotoni, opharelliwa wuukaporoni, waakhiwa ddeko ni owullihiwa muru wonanko mmo ddikhallelliiwa ollello.

Nehemiya 9:16

Koma alliwa ni makhollwaahu yahiitukhulla, yahummiha mirima ddiwa nave kheyaawiiwellelle malamulwaanyu.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Yesaya 31:6

Nyu Aisraele, hokollweellani wa Apwiya ayo mwaawukilalleenyu wunchichi.

Yeremiya 18:11

Khawe vano waalleelle athu a o Yuda ni a o Yerusalemu wi Apwiya enallota wi, ‘Mi kookhozekella wuumorihellani otulli ni wuullakani. Nyu attheene, hokollowani, arive muthu ahiye ettilla ddaye. Nave potokosani makhallellwaanyu ni ddaweera ddanyu.’

Yeremiya 23:22

Yakhanlleke ni miyaano va mutthukumanwaaka, yaaweerollalleya mawaaka wa athwaaka ni waavenyihamo athwaaka mu ettilla ddiwa ddoonanara wi ehiye machimwiiwa.”

Yeremiya 25:8

Sika vano Apwiya Amasiva Mattheene enallota wi, “Ekaamba yawi khamwiiwellenlle mawaaka,

Yeremiya 26:5

mwaahiiwellella mawu a anamallotella, amurummwaaka, ayo kaarumalleemi wa nyuwaano naari muhiwiiwellellaka,

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Yeremiya 3:14

“Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 4:1

Apwiya enallota wi, “Mwapaalla ohokollowa, nyu Aisraele, hokollweellani wa miyaano nave muvenyihevo mafanwaanyu vamiitthoni vaka nave muhiwe muhollowattho.

Yeremiya 44:16

“Hi khaaniiwellella nnddo onilleelleewe mu nnddina na Apwiya.

Ezekiele 14:6

“Sika alleelle Aisraele wi mi Apwiya Mulluku kinallota wi, ‘Rukunuwani murima wi muhiye mafanwaanyu. Mutathille ddoonanara ddanyu ddittheddene.’

Ezekiele 20:18

Kahaachenjeza aniiwa muchipululuni wi ehithware malangizo a makhollwiiwa, ehiiwellelle malamulwiiwa apaalle wiiripiha ni mafanwiiwa.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Ezekiele 33:4

Mmodda iiwa nipallapatanno koma ahinapwathawo nave adani yawa emwiipha, nikhame ninaakhalle va muru vaye.

Daniele 9:6

Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Amosi 5:24

Koma echiweruzwaanyu yeete wonanko maaddi, echilungamwaanyu okhalle wonanko muhinje woohiwelleella.”

Mika 2:6

“Athu enakilleella wi, ‘Muhinillalleyelle, muthu ahinillalleyelle ddenndda vawi khaniwa niwulliwa muru.

Zekariya 1:3

Sika alleelle athu wi Apwiya Amasiva Mattheene eni hokollweellani wa miyaano nave kineerohokollweella wa nyuwaano.

Zekariya 7:7

Alla tti mawu yallotille Apwiya oweella mwa anamallotella akhalle valle Yerusalemu aatilleeye ni athu nave aariiye va murendelle vamodda ni mizinda ddimodda ddawaapheella o ezigawo dda omwera ni o ntapo.

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.