Zefaniya 3:6 - Mawu a Mulluku

⁶ Apwiya enallota wi, “Kohoononga mitundu ddittheddene dda athu, mipanda ddiwa dda akhoto kooddikumulla. Misewu ddiwa kooddoononga kheyiivottho ayo enaaweetemo. Mizinda ddiwa ddootthattuwa ntepe, khaavo naari muthu mmodda oyo ahanllemo.

Zefaniya 3:6 Iomraidhean Croise

Yesaya 14:26

Nndda sika kikeraatthihalleemi wi ddeereye va ellapo yavatthi ettheene. Nave koottaphurusa nnatta naka wi killake mitundu ddittheddene dda athu.”

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Yeremiya 9:12

Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Zefaniya 2:5

Otulli nyu okhalla ellapo ya o enyanja, nyu mutundu wa Akeretinu! Nyu athu a o Kanani, ellapo ya Filisti, mawu a Apwiya ennuuhumullullani wi “Kineerowoonongani attheene khavihalla naari muthu mmodda.”

Zekariya 7:14

Kahaapallallesa wonanko namangalle variyari va athu a mitundu ddimodda nnddo yahiddidduwelliiwa. Sika ellapwiiwa yaatthattuwa echipululu ni ntepe mwawi khaavo naari mmodda eetamo.”

Mateyu 23:38

Vano muzindaanyu oneerohiyiwa moohikhalla ello.

1 Akorinto 10:11

Ddeko ddittheddenenndda ddaaweereyella wi ekhalle echisanzo wa alliwaayo nave ddaalembiwa wi ddikhalle ddoonichenjeza hiyaano. Vawi ninakhalla va enthawi yawaatamella emallihello.

1 Akorinto 10:6

Vano ddittheddenenndda tti echisanzo wa hiyaano wi nihikhallelle minkhella ddeko ddoonanara wonanko alliwaayo.

Yoswa 23:4

Ngoonani, koovelleella wa nyuwaano mitundu nnddo muhiddigonjihalleenyu wi ddikhalle yoohallanaanyu ya mallokwaanyu o muhinje wa Yordani, mitundu ddittheddene kaddoonongilleemi ni Enyanja Yuullupalli woovollowa nndduwa.