Zefaniya 3:4 - Mawu a Mulluku

⁴ Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

Zefaniya 3:4 Iomraidhean Croise

Yesaya 9:15

Attekweene ni oovuwa sika muru nave anamallotella oohuddiha ddawoottha sika mwiilla.

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Yeremiya 34:19

Ayo yavira variyari va ezigawo piillinnddo yaari attekweene a o Yuda ni a o Yerusalemu, oohoollella, allupa mukutho navettho athu a mwiillaponimmo.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Ezekiele 22:26

Allupa mukuthwaaye aatathilla malamulwaaka nave aaripiha ddeko ddaka ddoopatuleya. Khenahiyaniha variyari va ddeko ddoopatuleya ni ddeko shisha. Khenaahuddiha athwaaka ohiyana wa ddeko ddaweella ni ddooripihiwa. Khenapwatha mallapwaaka a Sabata. Sika attheenaayo aakiripiha.

Ezekiele 22:6

“Ngoona mmo enduna ddawo ddinawiiphelliiwa athu voopharihani mutteko masiviiwa.

Ezekiele 44:23

Allupa mukutho yaahuddiheke athu ohiyaniha variyari va ddeko ddoopatuleya ni ddeko shisha navettho variyari va ddaweella ni ddooripihiwa ovelleelliwa mukutho.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

2 Akorinto 11:13

Yaayo tti amurummwa awoottha ayo enoottha dda muttekwiiwa nave eddeelliha weekhiiwa wi yooneyeke wonanko amurummwa awoona a Khrisitu.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Oweeruza 9:4

Yaamuvaha makobiri a Siliva 70 a mu enyumba yoomuvekellamo Baala Beriti ayo Abimeleki ahaalembella ganyu athu oohitthopoowa ni oohipwatha mutteko ayo yamuthwanre.

1 Samuele 2:22

Vano Eli ahuulluvalla wunchichi nave aaniiwa ddittheddene anaaye yaweerelliiwa Aisraele owaaka ddawi yaanararuwa ni atthiyana oowehera vamullakoni va musasa wamutthukumano.