Zefaniya 3:13 - Mawu a Mulluku

¹³ Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Zefaniya 3:13 Iomraidhean Croise

2 Epilli 20:30

Sika mwaakhalla murendelle mu omwene muttheene wa Yehoshafati vawi Mulluku aamuvaha murendelle virive veko.

Yobu 11:19

Onaakoneke moohirurumuseya, anchichi eneerekewuuveka.

Masalimo 119:3

ayo ehinalakwa, koma eneeta mu ettilla ddiwa.

Masalimo 120:2

Kaallota wi, “Nyu Apwiya, kivulluseni wa athu awoottha ni oolleka.”

Masalimo 120:3

Nyu athu oolleka munaavahiwe tini? Ethiyo munaaweerelliwe tini?

Masalimo 23:2

Ennakikonaatthiha vamunyepuni, ennakihoollella omaaddini oodikha.

Yesaya 17:2

Mizinda dda o Asiriya khaddikhalla ni athu wa enthawi yoohimalla. Ddinaakhalle dda eziweto nnddo ddinaakonekemo mwamurendelle.

Yesaya 35:8

Wenko oneerokhalla musewu muullupalli, onaaromolliweke wi, “Ettilla ya Weella.” Ooripihiwa khewa yeetamo, ookarangeya khevollowamo.

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 63:8

Apwiya enallota wi, “Alliwa tti athwaaka, anaaka ayo ehinaakoottotthe,” sika yahaavullusa.

Yesaya 65:10

Wa athwaaka ookaashaasha, ntapo na Sharoni ninaakhalle woochihella enkhosa nave ntapo na Akori nineerotthattuwa nipuro nawiithuuwellavo mulloko wa eziweto.

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Ezekiele 39:26

Athwaayo eneerokeraattheya mwamurendelle mwiillaponi mwiwa, oohikhallavo owaakatamiha. Eneerotiwalla ddoowulliha muru ddiwa nnddo ddaamorenlle ekaamba ya ohikiroromella.’

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Yowele 3:21

Kineerohokollosella ddoonanara ekaamba ya ayo yiiphiwe, oochimwa ngaahiya ddiiddo oohaallaka vawi mi tti Apwiya ookhalla o Ziyoni.”

Levitiko 26:6

Kineerowaana murendelle mwiillaponaanyu nave muneerekokonaatthi woohikhallavo owoopopihani. Kineerowiikariha enama ddamuhakani ddawoopiha mwiillaponaanyu nave khamuwa mukhalla ekhoto.

Mika 4:4

Arive muthu anaakhalleke mwamurendelle, naari vatthi va muteekhwaaye wa mpesa ni vatthi va muteekhwaaye wanamukuyu, khaavo oyo anaawoopopiheke vawi Apwiya Amasiva Mattheene, aneena, aallota.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Zekariya 8:16

Ddoopaalleya weera tti ddawi arive muthu alloteke ddawoona ni mukhwaaye. Mweeruzeke mwawoona ni mwamurendelle m'mathatoni mwanyu.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Akolose 3:9

Muhilleellaneke ddawoottha vawi moorulla makhallellwaanyu akhalle vamodda ni mitteko ddiwa

1 Petro 3:14

Oodalisiwa tti nyu munahoosiwa ekaamba ya weera ddaphaama! Muhimooveke arive muthu nave muhikhupanyeke.

1 Yohane 5:18

Ninnadduwella wi ooyariwa wa Mulluku khenavirellella ochimwa vawi Mwaana a Mulluku annaateteza nave Oonanarooyo khawora waavoreya.

Yawuupullulla 14:5

Khenootthekevo waambeella khalle, khenna machimo.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”