Zefaniya 2:9 - Mawu a Mulluku

⁹ Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Zefaniya 2:9 Iomraidhean Croise

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Yesaya 25:10

Apwiya eneeroteteza mwaangwiiwa ni nnatta niwa koma Amowabu eneeronyingallelliwa wonanko manyowa munllitini.

Yesaya 49:18

Owehe vawaapheellani, woone nnddo ddineereya. Athwaawo attheene enimatthukumana, enawa wa weyaano. Kinimallupella vamiitthoni vaka, athwaawo enaakhalle ello yawuureeriha oneerewaakotella wonanko mutthiyana ootthelliwa.

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.

Yeremiya 48:1

Voollotani dda Mowabu, Apwiya Amasiva Mattheene, Mulluku a Israele, eni, “Otulli muzinda wa Nebo, wootthattuwa echipululu. Kiriyataimu oowullihiwa muru, oogonjihiwa, mpandaaye woollipa aawunyaambusa ni aawukumulla,

Yeremiya 49:1

Apwiya enallota dda Amoni wi, “Ethiyo a Israele khenna anamwani aallopwana? Ethiyo khenna awaakhella yoohallana? Kaambiiwa tini vano athu oomullapella Milikomu yaakhilliiwa ellapo ya Gadi nave enakhalla m'mizindani ddaye?

Yeremiya 49:18

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Yeremiya 49:33

Hazori aneerotthattuwa ntepe, nipuro na akhatwe wa enthawi yoohimalla. Khamuwamukhallattho arive muthu mwemmo. Mi Apwiya koollota.”

Yeremiya 50:40

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.

Amosi 2:1

Apwiya enallota wi, “Ekaamba ya ddoolakwa ddiraru dda athu a o Mowabu apaalle ddisese ngihiya waallaka, kheyawaavahille olemu makhuva a mwene a o Edomu yaawoosa ophiyera yaatthattuwa ntuura.

Zefaniya 2:14

Sika vano eziweto ddinaakoneke wenko navettho enama ddittheddene ddamuhakani. Ephangwi ni eddiiddi ddineerekokona mu miru dda apotwiiwa, ddineerekonyakulla m'mawindoni, anakhuku eneerekokhalla va nthato niwa, matabwiiwa amikunguza eneerovenyihiwavo.

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Numeri 14:21

Koma ddawoona kinimallupella vamiitthoni vaka navettho va ntitimiho naka niddanlle ellapo yavatthi,

Aroma 14:11

Mawu a Mulluku enallota wi, “Apwiya enallota wi, ndithu kinimallupella wi, Nirive nikuttha nineerokikokhorella, arive muthu aneerewaakhullella wi miyaano tti Mulluku.”

Deuteronomo 29:22

“Athu a mibado ddanyu ddamuhoollo, edduullu ddanyu ni alleto oovenyera woorekama, eneerewoona millillinnddo ni ddoohoosa nnddo Apwiya enaamorihelliiwa va ellapwaanyu.

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.