Zefaniya 2:8 - Mawu a Mulluku

⁸ Apwiya enallota wi, “Kohiiwa ovevulla wa Amowabu ni oruwana wa Aamoni, mmo enaanyaambuselliiwa athwaaka, mmo eniitukhullelliiwa mwiillaponi mwiwa.

Zefaniya 2:8 Iomraidhean Croise

Genesis 19:37

Mwaana muullupallooyo aamuyara mwaana aamullopwana, aamuvaha nnddina nawi Mowabu. Olliyooyo sika nikhollo na Amowabu.

Genesis 19:38

Mwaana mung'onong'onooyo olliyettho aamuyara mwaana aamullopwana, aamuvaha nnddina nawi Benami. Olliyooyo sika nikhollo na Aamoni.

Yesaya 15:1

Nngu sika ollotella wa dda Mowabu. Ekaamba yawi muzinda wa Ari wohoonongiwa mahiiyu mamodda, ellapo ya Mowabu yoomora. Navettho ekaamba yawi muzinda wa Kiri wohoonongiwa mahiiyu mamoddave ellapo ya Mowabu yoomora.

Yesaya 16:6

Athu a o Yuda enallota wi, “Nohiiwa dda wiitukhulla wa Amowabu vawi enniitukhulla wunchichi. Wiinyarulla wiwa, okota wiwa, osimbwa wiwa ni wiiriiha wiwa, ddittheddene khaddinna mutteko.”

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 48:1

Voollotani dda Mowabu, Apwiya Amasiva Mattheene, Mulluku a Israele, eni, “Otulli muzinda wa Nebo, wootthattuwa echipululu. Kiriyataimu oowullihiwa muru, oogonjihiwa, mpandaaye woollipa aawunyaambusa ni aawukumulla,

Yeremiya 49:1

Apwiya enallota dda Amoni wi, “Ethiyo a Israele khenna anamwani aallopwana? Ethiyo khenna awaakhella yoohallana? Kaambiiwa tini vano athu oomullapella Milikomu yaakhilliiwa ellapo ya Gadi nave enakhalla m'mizindani ddaye?

Maliro 3:61

Nyu Apwiya, mwahiiwa okinyaambusa wiwa, navettho yakhozekelliiwa wi ekeerelle.

Ezekiele 21:28

“Vano we mwaana a muthu, llotella wi voollotani dda Aamoni ni okivevulla wiwa, mi Apwiya Mulluku kinallota wi, ‘Nsupada, Nsupada! Noohullulliwa wi noononge, noopukutiwa wi niiphe wi nisherime wonanko ettari.’

Ezekiele 25:1

Mawu a Apwiya yaawa wa miyaano wi,

Ezekiele 35:12

Muneerodduwella wi mi Apwiya kahiiwa mawaanyu oovevulla miyaango dda o Israele. Mwaallota wi, ‘Miyaango dda o Israele ddoohiyiwa, noovahiwa wi niddoononge.’

Ezekiele 36:2

Apwiya Mulluku enallota wi adanaanyu yaallota wi, ‘Vano miyaango ddakhallenndde ddootthattuwa ddaahu.’

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.

Amosi 2:1

Apwiya enallota wi, “Ekaamba ya ddoolakwa ddiraru dda athu a o Mowabu apaalle ddisese ngihiya waallaka, kheyawaavahille olemu makhuva a mwene a o Edomu yaawoosa ophiyera yaatthattuwa ntuura.

Zefaniya 2:10

Nngu onaakhalle ollakiwa kaambiiwa yahiitukhulla, yahaavevulla Apwiya Amasiva Mattheene.

Yoswa 5:9

Vano Apwiya yaamulleella Yoswa wi, “Ollello kohuuvenyiherani ovevulla wa Iguputo.” Sika ekaambiiwa nipuronno yaniromonlliiwa Giligala ophiyera ollello.