Zefaniya 2:7 - Mawu a Mulluku

⁷ Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Zefaniya 2:7 Iomraidhean Croise

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

Masalimo 80:14

Nyu Mulluku Amasiva Mattheene, nirukunuwelleni, niweheni ovenyera muddullu nave moone, pwathani mpesooyo,

Masalimo 85:1

Nyu Apwiya, mwaayeerella echifundo ellapwaanyu, mwaahokollosella ekari wa nibanja na Yakobo.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Yesaya 11:16

Nave vineerokhalla musewu muullupalli wawi oohalla o Asiriya yeetemo wonanko Aisraele yavenyeriiwa o Iguputo.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Yesaya 32:14

Enyumba yoomwene eneerohiyiwa nave muzinda muttheene khokhalla ni athu. Mipanda ddiwa ni nttattha nene ddineerotthattuwa makhungu ophiyera muhoollo. Ninaakhalle nipuro na embizi ni voochihella enkhosa ophiyera muhoollo.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Yeremiya 33:12

Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Yeremiya 33:7

Athu a o Yuda ni a o Israele kineerewaahiya vaphaama ni waahokollosella mmo yakhallelliiwa vawaamba.

Yeremiya 47:5

A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

Ezekiele 39:25

“Vano mi Apwiya Mulluku kinallota wi, ‘Vano a nlloko na Yakobo kineerewaahokollosella vaphaama. Aisraele attheene kineeroweerella echifundo. Kineeroniteteza nnddina naka naweella.

Hoseya 6:11

Nyuttho Ayuda, muneerohata ollaka. Kaawaahokollosellaka ddaphaama athwaaka.’ ”

Obadiya 1:19

“Athu oovenyera omwera wa Yuda eneerokhalla mu mwaango wa Esau. Oovenyera museresere mwa mwaango wa woovollowa nndduwa eneeromuphara Filistiya. Aisraele eneerohallana ezigawo dda Efuremu ni Samariya, Abenjamini eneeromukusa Giliyadi.

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Zefaniya 3:20

Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”

Hagai 1:12

Vaavo Zerubabele mwaana a Shealatiele, Yoswa mwaana a Yehozadaki muullupalli a allupa mukutho ni athu amodda attheene ayo yahokollowille wuukaporoni yaheera nnddo Apwiya Mullukwiiwa ellotilliiwa. Yiiwalliiwa mawu a namallotella Hagai oyo Apwiya yamurumalliiwa navettho yahoova wunchichi.

Hagai 2:2

oya wa Zerubabele mwaana a Shealatiele, oolamulella a o Yuda navettho wa Yoswa mwaana a Yehozadaki, mullupa mukutho muullupalli ni wa amodda attheene wi,

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Mitteko 8:26

Mungelo a Apwiya aallota wa Filipo wi, “Venya nave oyeelle omwera okuse musewu woovenyera o Yerusalemu oya o Gaza.” (Muttano musewu yoolla khoneetiwa.)

Mitteko 8:40

Filipo oonille wi ari mu muzinda wa Azoto ovenyera wenko aayattho o Kaisareya nave muttilla mutthemwene avireeyemo aanallalleya mu erive etawoni othenga waphaama.

Aroma 11:5

Sika emoddamoddave yeeyo, muttano Mulluku ohaavaha echisomo Aisraele amodda ayo iitthoollelleeye wi ekhalle oomuthwarellellaaye.

Rute 1:6

Vano Naomi ni avokohaaye eellaalle yahaamba okhozekella olendo woohokollweella owaniwa ovenyera mu ellapo ya Mowabu. Vawi ahiiwa wi mu ellapo yoowaniwa Apwiya yahaadalisa athwiiwa ni waavaha ddoocha.