Zefaniya 1:8 - Mawu a Mulluku

⁸ Apwiya enallota wi, “Va nllapo nenno, nllapo na mukuthwaaka, kineerewaallaka anamwani a mwene ni enduna ddaye ni attheene ookuseya murima ni makhallello eelleto.

Zefaniya 1:8 Iomraidhean Croise

2 Mamwene 10:22

Vano Yehu aamulleella muthu oosunga ddoowara wi, “Owe ni ddoowara ddoopatuleya ddookwakhwanella athu attheene oomullapella Baala.” Muthooyo ahaakusella ddoowarannddo.

Yesaya 10:12

Apwiya yamalliha muttekwiiwa wowaallaka attheene va mwaango wa Ziyoni ni o Yerusalemu, eneeromullakattho mwene a o Asiriya ekaamba ya okota ni wiitukhulla waye.

Yesaya 2:6

Nyu Apwiya, mohaakhoota athwaanyu, edduullu dda Yakobo. Ellapo yooddalla ni athu amasenga a wookhuma nndduwa monga Afilisti nave athu ennathwara makhallello eelleto.

Yesaya 24:21

Nllapo nenno Apwiya eneerewaallaka amasiva ooddullu ni mamwene a va ellapo yavatthi.

Yesaya 39:7

Ddimodda mwa edduullu ddanyu ddineneerophariwa nave ddineerotthattusiwa allupa mutteko oohulliwa* wi yarumeyelleke o enyumba yoomwene o Babiloni.’ ”

Habakuku 1:10

Ennaavevulla mamwene, ennaattheelliha oohoollella. Ennanyaambusa orive mpanda vawi enuukellella ethaya yoowellavo wi yaakhe muzindiiwa.

Deuteronomo 22:5

“Atthiyana ehiwareke ddoowara dda allopwana, emoddamoddavettho allopwana ddoowara dda atthiyana vawi Apwiya Mullukwaanyu ennananariwa ni athu aweera ddenndda.