Zefaniya 1:7 - Mawu a Mulluku

⁷ Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.

Zefaniya 1:7 Iomraidhean Croise

Yobu 24:1

Ethiyo Amasiva Mattheene aneeruze enthawi tini? Ethiyo oolungama ehinoonella tini mallapwaayo?

Masalimo 46:10

“Khurumuwani, dduwellani wi miyaano tti Mulluku. Mitundu dda athu ddinnakititimiha, a ellapo yavatthi ennakititimiha.”

Yesaya 13:3

Mi Apwiya kohaalamula athwaaka oopatuleya. Kohaatthukumaniha akhoto amasiva ni ookota wi ekhalle ezida ddaka ddawaallakella ayo kinaashelleemi murima.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yesaya 2:12

Apwiya Amasiva Mattheene aakeraatthiha khalle nllapo nno enaakitthihiiwa attheene ookota, awiitukhulla ni awiinyarulla.

Yesaya 29:2

kineerohella ekhoto muzinda wa Ariyele. Sika onaakhalle winlla ni okhupanya nave muzindooyo onaatthattuwe eng'anjo ya nikuwa na mukutho.

Yesaya 34:5

Apwiya aakhoza nsupada niwa oddullu nave ninimakittha wi naallake Aedomu, athu ayo esimikizalliiwa wi ewoononge.

Yesaya 34:6

Nsupada na Apwiya noovona nikhame nave noomarelliwa makhura. Nikhame nene tti wonanko na anamwani a enkhosa ni a epuri nave makhureene tti wonanko a apellepetu a anankhoro a enkhosa. Vawi Apwiya aakhalla ni mukutho mu muzinda wa Bozira, sika wi wiiphiwa wa athu anchichi mu o Edomu.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yeremiya 46:10

Koma nllaponno tti nllapo na Apwiya Mulluku Amasiva Mattheene, nllapo nowaahokollosella adaniiwa. Nsupada niwa nineerewoononga, nineerovona ni olezela nikhame. Apwiya Amasiva Mattheene ennavelleella mukutho, ompoto, vakhuviru ni muhinje wa Yufurate.

Ezekiele 7:10

“Onani nllapo nootulli ninimawa! Ollakiwa wanyu woophiya! Okota wanyu woophiya voonanara nave wiitukhulla wanyu wohooneyella vaweella.

Ezekiele 7:7

Nyu athu ookhalla mwiillaponi woonongeya wanyu woophiya. Enthawi yoophiya, nllapo niri vakhuviru, nllapo noopaneya ohiri neehakallallo omiyaangoni.

Yowele 1:15

Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Amosi 6:10

Mbalaaye a mmodda a ookhwaayo oophwanella weetiha dda maliro aneerophiya wi akhumihe mutembo mpammo. Vano aneeromukoha mmodda oyo ahanlle mpammo wi, “Ethiyo mwemmo ookhallamottho mmodda ari mukumi?” Olliye aneerewaakhulla wi, “Iyaayi khaamo.” Nave mbalaayooyo aneerollota wi, “Ngamaalleya! Nihaaheye oromolla nnddina na Apwiya.”

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Habakuku 2:20

Koma Apwiya eri mu enyumbiiwa yaweella, ellapo yavatthi ettheene yeere ellapo tuu vamiitthoni viwa.

Zefaniya 1:14

Nllapo nuullupalli na Apwiya nohaatamella, niri vakhuviru nave nineerophiya mwawaakuva. Nllapo nenno oneerokhalla okhuwa woovoreya naari akhoto amasiva aneerewinlla mookhuwa.

Zekariya 14:1

Ngoonani, nllapo na Apwiya ninimawa mvo ddeko nnddo adanaawo yawaakhilliiwa enaaddikawaniiwa weyaano woonaka ni miitthwaawo.

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Mateyu 22:4

Ahaarumattho allupa mutteko amodda ni othenga wawi, ‘Mwaalleelle awiithaniwaayo wi ddoocha ddohiithwa. Eng'ombe ni asaaniiwa ooneneva ddohiiphiwa nave ddittheddene ddohiithwa. Waani o machellello a okwati!’

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Aroma 9:20

Koma nyuwaano ttaani, asinnaka ni arokoraka wi mumuhumullulle Mulluku? Muno khonamukoha muthu oyo awoopille wi, “Kaambiiwa tini wakoopilleewe mwawi ddiidda?”

Afilipi 4:5

Mooniheke omaalleya wanyu wa arive muthu. Apwiya eneeroowa naanweene vaava.

1 Samuele 16:5

Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

1 Samuele 20:26

Koma Saulo khaallotille erive ello nllapo nenno. Aganiza wi, “Yookhallavo eyo emweereyelle Davide apaalle khaphwanelle okhalla ni va ehakallallweella kaambiiwa khari aweella moollikana ni malamulo a Mose.”