Zefaniya 1:5 - Mawu a Mulluku

⁵ Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Zefaniya 1:5 Iomraidhean Croise

1 Mamwene 11:33

Kineereweera yeella kaambiiwa Solomoni ookikhoota miyaano, anamullapella Ashitoreti mulluku aamutthiyana a Asidoni, Kemoshi mulluku a Amowabu ni Milikomu mulluku a Aamoni. Sika khaawiiwellelle, khaaweerille nnddo kapaalleemi nave khaasungalle malamulwaaka ni malangizwaaka monga mmo eerella Davide attiitthinnya.

1 Mamwene 11:5

Solomoni aanallapella Ashitoreti, mulluku a Asidoni ni Milikomu mulluku oonanaresesa a Aamoni.

1 Mamwene 18:21

Eliya ahaatamella vakhuviru ni athu attheenaayo aakoha wi, “Ethiyo munaakayikeke ophiyera niini? Apwiya yaarimi eri Mulluku, athwareni. Koma Baala aarimi ari Mulluku, muthwareni olliye.” Athwaayo kheyaamwaakhunlle naari vang'ono.

2 Mamwene 17:32

Athu yaayo yaanaallapellattho Apwiya. Komattho yahaatthoolla athu shisha variyari viwa wi ekhalle allupa mukutho oorumeyella mapuro oollapellamo ni oheraatthi mikutho.

2 Mamwene 17:33

Sika yaanaallapella Apwiya erumeyellakattho milluku ddiwa voothwarani mutetho wa mitundu dda athu a nko yaaphanriiwa.

2 Mamwene 17:41

Sika mitundu ddenndda dda athu ddaanawoova Apwiya koma ellapellaka milluku ddiwa. Aniiwa ni edduullu ddiwa ddinneera ddimoddamoddave nnddo yeera makhollwiiwa ophiyera ollello.

2 Mamwene 23:12

Vatulli viwa mwene aakumulla makuwa a vaddullu va echipinda yavaddullu ya Ahazi ayo yamakiwe ni mamwene a o Yuda navettho makuwa ayo Manase aamakilleeye va mathato meelli a enyumba ya Apwiya. Nave aatathilla nthupi niwa m'muhinjeni wa Kidroni.

Yesaya 22:1

Nngu sika ollotella wa dda ntapo na Masomphenya. Ethiyo yeereyille tti tini wi attheene muwelle vaddullu va enyumba?

Yesaya 44:5

Mmodda aneerollota wi, ‘Miyaano kiri a Apwiya,’ mmoddattho aneeroddeesa a athu a Yakobo, mmoddattho aneerolemba va nnatta naye wi, ‘A Apwiya,’ aneerewiiromolla a athu a Israele.”

Yesaya 45:23

Killupenlle mu nnddina naakave, eyanwaaka ellotille ddawoona, mawu oohisintheya awi, ‘Nirive nikuttha nineerokikokhorella, athu attheene eneerollupella vooromollani nnddina naka.’

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yeremiya 49:1

Apwiya enallota dda Amoni wi, “Ethiyo a Israele khenna anamwani aallopwana? Ethiyo khenna awaakhella yoohallana? Kaambiiwa tini vano athu oomullapella Milikomu yaakhilliiwa ellapo ya Gadi nave enakhalla m'mizindani ddaye?

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Yeremiya 7:10

Vatulli viwa munniimella vamiitthoni vaka mu enyumba eyo enadduwanyeya ni nnddina naka. Munallota wi, ‘Noovulluwa,’ koma munnavirellella weera ddoonanara ddittheddenenndda.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Hoseya 10:2

Murimiiwa tti wawoottha sika eneerollakiwa ekaamba ya machimwiiwa. Apwiya eneerokumulla makuwiiwa nave eneerowinttaka apoto oopatuleya.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Amosi 5:26

Nave muneeromutukhulla Sakuti, mwene a milluku ddanyu, Kaiwani, mullukwaanyu eetheneeri, mafano ayo mwiisemenlleenyu.

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

Mitteko 10:9

Osaka wene eri voolendoniiwoolla nave yaatamelliiwa o Yopa, enthawi ya 12 koloko otthaana Petro aawella vaddullu va enyumba wi avekelle.

Aroma 14:11

Mawu a Mulluku enallota wi, “Apwiya enallota wi, ndithu kinimallupella wi, Nirive nikuttha nineerokikokhorella, arive muthu aneerewaakhullella wi miyaano tti Mulluku.”

Deuteronomo 10:20

Muwooveke Apwiya Mullukwaanyu ni waallapella yaayove ni owummellella nave mullupelleke mu nnddina niwave. Mukhalleke oororomelleya vamiitthoni viwa nave mullupelleke mu nnddina niwave.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.