Zefaniya 1:3 - Mawu a Mulluku

³ Kineerowoononga athu ni enama ddene, kineerowoononga epallame ddamuddullu ni ehomba ddamunyanja, kineerewaatthollosa athu oochimwa, kineerowoononga athu attheene waavenyiha va ellapo yavatthi,” Mi Apwiya koollota

Zefaniya 1:3 Iomraidhean Croise

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Yesaya 27:9

Sika machimo a Israele eneerokhululukelliwa nave eneerewooniha olapa wawoona vookumullani malluku mattheene a makuwa eelleto ni waatthattusa nthupi nave vano khavikhallattho makuwa eelleto a lubani* ni mafano a Asherimu.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Yesaya 6:12

Kineerewaatthaamihella athu woorekama nave matepe eneerewaata mwiillaponi.

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Yeremiya 50:3

“Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Ezekiele 44:12

Alliwa yaanaarumeyella athu voollapellani mafano nave yaanaahollosa Aisraele vaweerani ddiiddo. Ekaamba ya yeella mi Apwiya Mulluku kinimallupella wi yaalla enaphwanella ollakiwa ekaamba ya machimwiiwa.

Ezekiele 7:19

Eneeromutathilla siliviiwa m'misewuni nave eneeromoona onanara golidiiwa. Siliviiwa ni golidiiwa khawora waavullusa va nllapo nno Apwiya enaawoonihiiwa owalliiwa. Eyuumiiwa kheyaakavihera omalliha ettalla apaalle waavoniha vawi tti yeeyo yaahiyalle m'machimoni.”

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Hoseya 14:8

Ethiyo Aefuremu enaaweerena tini mafano? Tti miyaano kiniiwa ovekella wiwa ni waapwatha. Kiri wonanko mukunguza woophuwa enthawi ettheene tti miyaano kinaavaha ezipaso.”

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Mateyu 23:39

Kinimuulleellani wi waambeella vano ophiyera muhoollo khamuwa mukoonattho, ophiyera muneerollota wi, ‘Oodalisiwa tti oyo anawa mu nnddina na Apwiya.’ ”

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.