Zefaniya 1:18 - Mawu a Mulluku

¹⁸ Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Zefaniya 1:18 Iomraidhean Croise

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

1 Mamwene 14:22

Vano athu a o Yuda yaheera ddoonanara vamiitthoni va Apwiya okhwaranya mmo makhollwiiwa yachimwelliiwa, emushiha murima Mulluku.

Yobu 21:30

Muthu oonanara annahiyiwa va nllapo na otulli, annavullusiwa va nllapo na osha murima.

Yobu 3:15

ddaano kikhallaka nimodda ni mamwene oovuwa ayo yaddallihalle enyumba ddiwa ni golide ni siliva.

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Miyambo 11:4

Eyuuma khenakavihera va nllapo na osha murima koma echilungamo sika enavullusa wuukhwaani.

Miyambo 18:11

Eyuuma ya muthu ootukhuwa tti muzindaaye woollipa nave anaganiza wi tti esiri yoorekama.

Yesaya 1:24

Sika Apwiya Mulluku Amasiva Mattheene, Amasiva a Israele, enallota wi, “We ootulli, oollipana ni miyaano kineerewaatthollosa, adanaaka kineerewaahokollosella ddoonanara.

Yesaya 10:17

Mulluku, Owala wa Israele anaakhalle wonanko munllo. Aweella anaakhalle wonanko mallumi amunllo wooshellelliha miiwa ddoohiyanahiyana va nllapo nimodda.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 7:34

Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Ezekiele 16:38

Kineeroweeruza wonanko aneeruzelliwa mutthiyana ooraruwa ni awiipha. Ekaamba ya ehachaaka kineerewuukhumiha nikhame moosha murima wunchichi.

Ezekiele 23:25

Kineerowakhullella wi eweerelleke ddeekuku kaambiiwa kohuunanariwella. Eneerewuuphadda ephuna ni maaru nave ayo enaahalle mwa weyaano eneerowiipha ni nsupada. Eneerowaakha anaawo aallopwana ni aatthiyana nave ayo enaahalle mwa weyaano eneeroosha ni munllo.

Ezekiele 7:11

Echiwawa yootthattuwa ollaka wa onanara wiwa. Khaavo naari mmodda a alliwa anaahalle. Ddeko ddiwa ddineeromalla, eyuumiiwa ni ntitimiho niwa ddineeromalla.

Ezekiele 7:19

Eneeromutathilla siliviiwa m'misewuni nave eneeromoona onanara golidiiwa. Siliviiwa ni golidiiwa khawora waavullusa va nllapo nno Apwiya enaawoonihiiwa owalliiwa. Eyuumiiwa kheyaakavihera omalliha ettalla apaalle waavoniha vawi tti yeeyo yaahiyalle m'machimoni.”

Ezekiele 7:5

“Mi Apwiya Mulluku kinallota wi, ‘Woonongeya onimawa moothwarana.

Zefaniya 1:11

Nyu ookhalla wookittha, opani ekutho vawi ookulliha malonda attheene aatthollowa, attheene oomukulliha siliva ahoonongeya.

Zefaniya 1:15

Nllapo nenno ninaakhalle nllapo noosha murima, nllapo na ddookatamiha ni na ddoohoosa, nllapo nawoonongeya ni otthollowa, nllapo neepiphi yuullupalli, nllapo namirapo ddoottika,

Zefaniya 2:2

adani ehinuumwareni wonanko mallulla, owalli wawoopiha wa Apwiya ohinuumorelleni, nllapo na osha murima wa Apwiya nihinuuphwanyeni.

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Mateyu 16:26

Muthu anaapindulevo tini aakhella ellapo yavatthi ettheene atathilla okumaaye? Apaalle muthu anaavelleelle tini wi ahokolloselliwe okumaaye?

1 Akorinto 10:22

Apaalle ninapaalla wi niweerihe Apwiya ehache? Nnaganiza wi masivaahu tti ookhwaranya ayiwa?

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.