Zefaniya 1:16 - Mawu a Mulluku

¹⁶ nllapo namapallapata ni okhuwella mizinda dda mipanda ni mattattha a akhoto.”

Zefaniya 1:16 Iomraidhean Croise

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Yesaya 32:14

Enyumba yoomwene eneerohiyiwa nave muzinda muttheene khokhalla ni athu. Mipanda ddiwa ni nttattha nene ddineerotthattuwa makhungu ophiyera muhoollo. Ninaakhalle nipuro na embizi ni voochihella enkhosa ophiyera muhoollo.

Yesaya 59:10

Ninnaapapella esiri wonanko oohoona, wonanko oohikhalla ni miittho. Ninnakwakwatuwa otthaana wonanko misikuwa. Ddawoona, niri akumi komave niri wonanko ookhwa.

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Ezekiele 7:7

Nyu athu ookhalla mwiillaponi woonongeya wanyu woophiya. Enthawi yoophiya, nllapo niri vakhuviru, nllapo noopaneya ohiri neehakallallo omiyaangoni.

Hoseya 5:8

Ipani mapallapata akhoto o Gibea ni o Rama, achenjezeni athu a o Betaveni. Nyu athu a o Benjamini, hoollani!

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Yowele 2:1

Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Deuteronomo 28:52

Eneerohella ekhoto orive muzinda, mwiillaponi eyo Apwiya Mullukwaanyu enuuvahiiwani. Nave mipanda ddoorekama munaroromelleenyu ddineerokumuwa virive veko. Eneerowaapheellani m'mizindani ddittheddene dda ellapo eyo Apwiya Mullukwaanyu enuuvahiiwani.

Yoswa 6:20

Sika allupa mukutho yahiipattho mapallapataalle. Athu yiiwalle, yaakhuwa wunchichi nave esiri ya muzindooyo yaakumuwa. Vano akhoto attheene yaawa evollowa m'muzindanimmo, yaakha muzindooyo.