Zefaniya 1:15 - Mawu a Mulluku

¹⁵ Nllapo nenno ninaakhalle nllapo noosha murima, nllapo na ddookatamiha ni na ddoohoosa, nllapo nawoonongeya ni otthollowa, nllapo neepiphi yuullupalli, nllapo namirapo ddoottika,

Zefaniya 1:15 Iomraidhean Croise

Yesaya 13:9

Ddawoona, nllapo na Apwiya ninimawa, nllapo noohikhalla ni ethakaraka, noosha murima ni nawoopiha. Apwiya enimawa wi etthattuse ellapo yavatthi wi ekhalle echipululu ni owoononga athu oochimwa ookhalla mwemmo.

Yesaya 22:5

Nna tti nllapo na ddoohoosa, yoogonjihiwa navettho noovirikana mu ntapo na Masomphenya. Apwiya Mulluku Amasiva Mattheene sika eneerenlle ddenndda. Mipanda ddaakumuwa nave athu yinllella omiyaangoni.

Yesaya 8:22

Koma voowehani ellapo, enoone ddoohoosave ni epiphi yawoopiha ni yookhupanyiha nave eneerovokhelliwa mu epiphi yawoopiha.

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Zefaniya 2:2

adani ehinuumwareni wonanko mallulla, owalli wawoopiha wa Apwiya ohinuumorelleni, nllapo na osha murima wa Apwiya nihinuuphwanyeni.

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Deuteronomo 28:52

Eneerohella ekhoto orive muzinda, mwiillaponi eyo Apwiya Mullukwaanyu enuuvahiiwani. Nave mipanda ddoorekama munaroromelleenyu ddineerokumuwa virive veko. Eneerowaapheellani m'mizindani ddittheddene dda ellapo eyo Apwiya Mullukwaanyu enuuvahiiwani.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

Yawuupullulla 6:17

Nllapo nawoopiha ni noosha murimiiwa noophiya. Ethiyo ttaani anaawiimelle?”