Zefaniya 1:14 - Mawu a Mulluku

¹⁴ Nllapo nuullupalli na Apwiya nohaatamella, niri vakhuviru nave nineerophiya mwawaakuva. Nllapo nenno oneerokhalla okhuwa woovoreya naari akhoto amasiva aneerewinlla mookhuwa.

Zefaniya 1:14 Iomraidhean Croise

Yesaya 15:4

Athu a o Heshiboni ni a Eleyale eniminlla moollipiha sika mawiiwa enniiweya ophiya o Yahazi. Ekaamba ya yeella, akhoto a o Mowabu eniminlla mookhuwa, aatathilla murima.

Yesaya 33:7

Oollipa murima ennakhuwa omusewuni nave amithenga amurendelle eninlla mweethakaraka.

Yesaya 66:6

Ngiiwani winlla woovenyera mu muzinda! Ngiiwani mawu mu enyumba ya Mulluku, mawu a Apwiya vawaahokollosellani ddoonanara adaniiwa.

Yesaya 8:22

Koma voowehani ellapo, enoone ddoohoosave ni epiphi yawoopiha ni yookhupanyiha nave eneerovokhelliwa mu epiphi yawoopiha.

Yeremiya 25:36

Ngiiwaani, abusa eniminlla, oohoollella eniminlla wunchichi vawi Apwiya ennoononga nibusa niwa.

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Yeremiya 46:5

Ethiyo vano kinoona tini? Ahoova, aahokollowa, akhotwiiwa aagonjihiwa, enathawa mwawoova, oohiweha mutulli.

Yeremiya 48:41

Mizinda ddineerophariwa nave mipanda ddineerewaakhiwa. Nllapo nenno mirima ddoollipa o Mowabu ddineerotthukumella wonanko mutthiyana vooyarani.

Ezekiele 12:23

Vano waalleelle athu wi mi Apwiya Mulluku kinallota wi, kineerowumalliha mwambi yoolla, khowa wiiweyattho mu Israele. Koma enthawi eri vakhuviru wi ddittheddene kuupullullalleemi m'masomphenya ddeereye.

Ezekiele 30:3

Nllapo nohaatamella, nllapo na Apwiya niri vakhuviru. Nllapo namirapo, nllapo na ollakiwa wa mitundu dda athu.

Ezekiele 7:12

Enthawi yoophiya, nllapo nohaatamella! Ookulla ahihakallalle, ookulliha ahimoriwe ethakaraka vawi owallaaka wohaamorella attheene moophwanaphwana.

Ezekiele 7:16

Oohalla ayo enaavulluwe, enaakhalleke m'miyaangoni nave aneerekewinlla wonanko ekhunda. Arive muthu eneerekewiipullella ekaamba ya machimwaaye.

Yowele 1:15

Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Yowele 2:1

Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Yowele 3:14

Athu ooheerengeya eri mu ntapo na Echiweruzo, nllapo na Apwiya nohaatamellawo.

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Zefaniya 1:10

Apwiya enallota wi, “Va nllapo nenno winlla wuullupalli oneerewiiweya o mullako wa Musika Weehomba, ekutho yuullupalli oneerewiiweya o echigawo ya variyari va muzinda wa Yerusalemu, oneerowiiweyattho okhuwa wa okumuwa ovenyera o asimiyaango.

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.

Malaki 4:5

“Ngoonani, nllapo nuullupalli ni nawoopiha nihinaphiye, kineerewuurumihellani namallotella Eliya.

Mitteko 2:20

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Afilipi 4:5

Mooniheke omaalleya wanyu wa arive muthu. Apwiya eneeroowa naanweene vaava.

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

Aheberi 12:26

Mulluku allotilleeye vawaamba mawaaye yaatikha ellapo yavatthi ettheene koma vano aalonjeza wi aneerotikha wiilli ellapo yavatthi ni yooddullwiine.

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!