Zefaniya 1:11 - Mawu a Mulluku

¹¹ Nyu ookhalla wookittha, opani ekutho vawi ookulliha malonda attheene aatthollowa, attheene oomukulliha siliva ahoonongeya.

Zefaniya 1:11 Iomraidhean Croise

Yobu 27:16

Naari atthukumaniheve eyuuma wonanko nthupi, apaalle uukellelleve ddoowara wonanko mihava,

Yobu 27:17

koma oolungama sika enaaddiware, oohichimwa eneerokawana eyuumaaye.

Yeremiya 25:34

Nyu abusa, inllani wunchichi ni okhuwa mwamasiva. Nyu oohoollella a athwaaka, ihelleni ntuura. Enthawaanyu yawiiphiwa yoophiya nave muneeropwesiwa ni omwaramwariwa wonanko epalli yoowallamella mutengo.

Yeremiya 4:8

Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Ezekiele 21:12

Winlle nave okhuwe vawi ddittheddenenndda ddineerewaamorella athwaaka, ddineerewaamorellattho oohoollella a Aisraele, eneerewiiphiwa ni nsupada vamodda ni athwaaka. Ekaamba ya yeella odduukuthe vathirimani moomoriwa ethakaraka.

Hoseya 9:6

Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:5

Nyu oolezela, venyani mwinlle, nyu attheene oomuwirya vinyo, mwinlle mookhupanya ekaamba yawi vinyo oonang'aneya, oohiihiwa vayanoni vanyu.

Zefaniya 2:5

Otulli nyu okhalla ellapo ya o enyanja, nyu mutundu wa Akeretinu! Nyu athu a o Kanani, ellapo ya Filisti, mawu a Apwiya ennuuhumullullani wi “Kineerowoonongani attheene khavihalla naari muthu mmodda.”

Zekariya 14:21

Erive epalli ya o Yerusalemu ni o Yuda eneeropatulelliwa wa Apwiya Amasiva Mattheene. Attheene oovelleella mukutho o Yerusalemu eneerophariha mutteko epallinnddo vawaapeyani enama dda mukutho. Nllapo nenno khavooneyattho arive amalonda mu enyumba ya Apwiya Amasiva Mattheene.

Yohane 2:16

Ahaalamulella ookulliha ekhunda wi, “Khumihanimoni nndda! Muhitthattuse enyumba ya Attiitthaaka wi ekhalle musika!”

Yakobo 5:1

Vano nyu, athu eeyuuma, ngakiiwellelleni. Inllani moomoriha miitthori ekaamba ya ddoohoosa ddinaawe wa nyuwaano!