Zefaniya 1:10 - Mawu a Mulluku

¹⁰ Apwiya enallota wi, “Va nllapo nenno winlla wuullupalli oneerewiiweya o mullako wa Musika Weehomba, ekutho yuullupalli oneerewiiweya o echigawo ya variyari va muzinda wa Yerusalemu, oneerowiiweyattho okhuwa wa okumuwa ovenyera o asimiyaango.

Zefaniya 1:10 Iomraidhean Croise

2 Samuele 5:7

Koma Davide ahaakha mpandiiwa wa Ziyoni awuromolla wi muzinda wa Davide.

2 Samuele 5:9

Nave Davide aanakhalla mumpandanimmo nave waromolliwa wi muzinda wa Davide. Vano aamakattho muzinda waapheella nipuronno ovenyera va mpanda wa Milo ophiyera muwari mwaye.

2 Mamwene 22:14

Sika mullupa mukutho Hilikiya, Ahikamu, Akibori, Shafani ni Asaiya yaaya wa namallotella aamutthiyana nnddina naye Hulida, mwaara Shalumu. Shalumu aari oosunga ddoowara ddoomwene nave aari mwaana a Tikiwa, mwaana a Harihashi. Hulida akhalla o Yerusalemu mu echigawo yanaanweene ya muzindooyo. Sika athwaalle ellotillena,

2 Epilli 3:1

Vano Solomoni ahaamba otthipella musasa wa Apwiya o Yerusalemu va mwaango wa Moriya mvo Apwiya yamooneyelliiwa Davide attiitthinnya, va nipuro nno Davide aatthoollilleeye, nipuro nawuuputhellavo tirigu na Orinani Muyebusi.

2 Epilli 32:22

Apwiya yaamuvullusa Hezekiya ni athu yakhalla mu Yerusalemu m'mattani mwa adaniiwa attheene nave ahaavaha murendelle orive weko.

2 Epilli 33:14

Vatulli viwa aamaka esiri otte wa muzinda wa Davide woovollowa nndduwa wa Gihoni ovenyera o ntapo ophiyera voovollowella o mullako wa Ehomba. Nave aamaka esireeyo waapheella Ofele ayiwelliha muddullu wunchichi. Ahaahiyamottho oohoollella a akhoto o mizinda ddamipanda ddittheddene dda o Yuda.

2 Epilli 34:22

Sika Hilikiya ni oorumeyella a mwene yaaya wa Hulida namallotella navettho mwaariye a Shalumu, mwaana a Tokati, mwaana a Hasira, oosunga ddoowara ddoomwene oyo akhalla mu Yerusalemu mu echigawo yanaanweene amutthopoollella ddeereyillennddo.

Nehemiya 12:39

Nave naweellettho omwaako wa mullako wa Efuremu, va Mullako Wakhalle, va Mullako wa Ehomba, va nttattha na Hananele ni nttattha na Handredi ophiya o Mullako wa Enkhosa nave voomallihellani nahiimella va Mullako wa Alonda.

Nehemiya 3:3

Athu a nibanja na Hasena yaamaka mullako wa Ehomba emakellella maferemu vamodda ni machiwiiwa, ddoowallella ni ddoollipiha ddiwa.

Yesaya 59:11

Attheene ninnathuruma wonanko ezimbalangondo, ninninlla maliro mookhuwa wonanko ekhunda. Ninnaashaasha weeruza koma kheninaphwanya. Ninnatiyera ovullusa koma ori woorekama ni hiyaano.

Yeremiya 39:2

Va muyakha waneekhumi ni mmodda wa omwene wa Zedekiya, mweeri waneesese, nllapo naneetthanu ni sese na mweeri, mpanda wa muzindooyo waaphovolliwa.

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Ezekiele 6:13

Vano muneerodduwella wi mi tti Apwiya vawoonani awiiphiwa eri variyari va mafano, waapheella makuwiiwa, vaddullu va asimiyaango ni miyaango ddittheddene, vatthi va muteekho wa makukhu makitthi ni wa orive muthundu wa makattha manchichi ni o nirive nipuro nko yavelleelliiwa mukutho wawunkhella wa mafanwiiwa mattheene.

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Zefaniya 1:15

Nllapo nenno ninaakhalle nllapo noosha murima, nllapo na ddookatamiha ni na ddoohoosa, nllapo nawoonongeya ni otthollowa, nllapo neepiphi yuullupalli, nllapo namirapo ddoottika,

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.