Yuda 1:4 - Mawu a Mulluku

⁴ Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Yuda 1:4 Iomraidhean Croise

2 Samuele 22:5

“Mikwe dda okhwa ddookihuruwella, mihinje ddawoononga ddaakisefukella.

Masalimo 1:1

Oodalisiwa tti muthu oyo ahineeta ni athu oonanara, ahiniimella ni athu oochimwa, ahinakeraatthi ni athu oomuvevulla Mulluku.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Mateyu 13:25

Koma mahiiyu amodda arive muthu akonaka mudanaaye aaya m'matani mulle, ammidda nansongole variyari va tirigooyo nave aathawa.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 15:24

Nohiiwa wi athu amodda oovenyera mu mullokwaahu ahuuhoosani ni owaapheellihani muru ni mawu yallotilliiwa. Yaayo kheyaarumiwe ni hiyaano.

Agalatiya 2:4

Athu amodda yaapaalla yeeyo koma yaari ookhulupilila awoottha ayo yaavollowille mumpingoni mwahu wi etoteke miyaha mwawiipitthella wi yoone ottaphuwa ori ni hiyaano mwa Khrisitu Yesu. Yaapaalla oneera akaporo a malamulwiiwa.

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

1 Timoteo 5:8

Nave mmodda aahaakaviheraka abalaaye, makamaka a munibanjani naye, olliye ookhoota echikhulupililo nave tti oonanara ohiyana ni oohikhulupilila.

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

2 Timoteo 3:6

Amodda a yaayo ennaphiya m'millakoni dda athu vawaallekani atthiyana ookarangeya ayo eri ooddalla ni machimo, oohoollelliwa ni minkhella ddoohiyanahiyana.

1 Petro 2:16

Mukhalleke athu oottaphulliwa, muhiphariheke ottaphuwa wonngu wi mukhuwekena erive yoonanara nave mukhalleke wonanko akaporo a Mulluku.

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

1 Petro 4:18

Moollikana ni mawu a Mulluku awi, “Tti wookatamiha wi athu oolungama evullusiwe. Ethiyo ddinaakhalle mwawiidde wa athu oochimwa oohimwiiwellella Mulluku?”

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

2 Petro 2:7

Koma aamuvullusa Loti, muthu oolungama, oyo ahoosiwe m'murimani ni makhallello oonanara a athu oohithwara malamulo.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

1 Yohane 2:22

Vano awoottha ttaani? Tti ayo enallota wi Yesu khe Mesiya.* Athu yaayo tti adani a Khrisitu, enaakhoota Attiitthinnya ni Mwaaneene.

Yuda 1:15

Eneeroowa wi eweeruze athu attheene nave eneerokamulla wi attheene oohaakhulupilila alliwa tti oochimwa ekaamba ya mitteko ddiwa ddoonanara eneeriiwa yaachimwaka navettho ekaamba yawi yaamullotella epewe olliye.”

Yuda 1:18

Yahuulleellani wi, “Va mallapo oomallihella vineerokhalla athu oovevulla, owiitukhulla voothwarani minkhella ddiwa ddoonanara.”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”