Yuda 1:25 - Mawu a Mulluku

²⁵ wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Yuda 1:25 Iomraidhean Croise

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Masalimo 147:5

Apwiyaahu tti uullupalli, tti amasiva manchichi, ezeru ddiwa khaddinna vookomella.

Masalimo 78:20

Aavadda nlluku, maaddi ephulleya, mihinje ddiddalla. Ethiyo ttuuworattho onivaha hiyaano athwaaye buledi enama?”

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Mateyu 6:13

Muhinikuselle woweesiwa, koma munivulluse wa Oonanarooyo.

Luka 1:47

nave munepaaka wohakallalla ekaamba ya Mulluku, oovullusaaka,

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Aroma 11:36

Vawi ddeko ddittheddene ddaaphatusiwe ni olliyooyo nave oyeella mwa olliyooyo navettho ekaamba ya olliyooyo. Ntitimiho nikhalle wa olliyooyo wa enthawi yoohimalla! Amen.

Aroma 16:27

Oweella mwa Yesu Khrisitu, ntitimiho nikhalle wa Mulluku oyo tti yooyove eezeru enthawi yoohimalla. Amen.

Aefeso 1:8

eyo anivahilleeye mwawaata ddiidda! Mu ezeru ddaye ddittheddene nave wiiwesesa waye,

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Aefeso 3:21

wa olliye okhalle ntitimiho mu mpingo ni mwa Khrisitu Yesu enthawi ddittheddene, ophiyera enthawi ddoohimalla. Amen.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

1 Timoteo 2:3

Vawi ella tti yaphaama nave tti yawaakhelleya vamiitthoni va Mulluku oovullusaahu,

Tito 2:10

apaalle owiiyera. Koma enapaalleya yooniheke wi tti aphaama ni oororomelleya wi yariihe ehuddiho ya Mulluku oovullusaahu mu erive ello.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Tito 3:4

Koma Mulluku Oovullusaahu uupullullalleeye oreera murima ni echikondaaye,

Aheberi 13:8

Yesu Khrisitu tti yooyo oddillo, ollello ni mallapo mattheene.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.