Yuda 1:20 - Mawu a Mulluku

²⁰ Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Yuda 1:20 Iomraidhean Croise

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Aroma 15:2

Koma hiyaano attheene naahakallalliheke asinnihu ni arokorihu ni oweerella ddaphaama wi nillipihe echikhulupililwiiwa.

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

1 Akorinto 10:23

Athu amodda ennallota wi, “Ninnaakhullelliwa weera erive ello.” Ddawoona koma khe ddeko ddittheddene ddiri ddaphaama. Ninnaakhullelliwa weera erive ello koma khe ddittheddene ddinanillipiha.

1 Akorinto 14:15

Vano kinaphwanella keere tini? Kineerovekella ni munepaaka nave kineerovekellattho ni maganizwaaka. Kineerewiipa ni munepaaka nave kineerewiipattho ni maganizwaaka.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

1 Atesalonika 5:11

Sika mullipihaneke murima ni okaviherana wonanko mmo muneerelleenyu.

1 Timoteo 1:4

Waalleelle wi ehiye miyaha ddoohikhalla ni mutteko ni weerenga ntthopoollo noorekama na manddina a makhollo. Ddenndda sika ddinaambiha okangana nave khaddinakavihera mutteko wa Mulluku oyo onadduwanyeya mu echikhulupililove.

2 Timoteo 1:5

Kinnuupuwella echikhulupililo yoohilleka eyo eri mwa weyaano, eyottho yaambille ophwanyeya mwa amunno Loisi ni amaayo Yunisi. Kinimasimikiza wi naweenettho wookhalla ni echikhulupililo yeella.

Tito 1:1

Ovenyera wa miyaano Paulo, oorumeyella a Mulluku ni murummwa a Yesu Khrisitu. Kaatthoolliwa ni orumihiwa wi kikavihere echikhulupililo ya athu a Mulluku ootthoolliwa ni wi kaahoollelle odduwella yawoona moollikana ni omutitimiha Mulluku,

Yakobo 2:22

Vano wohoona wi echikhulupilwaaye yaheereya nimodda ni mitteko ddaye vawi echikhulupilwaaye yaheeriwa yaphaama ekaamba ya mitteko ddaye.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

1 Yohane 5:4

kaambiiwa ayariwe wa Mulluku annawora ogonjiha ellapo yavatthi. Nave ninnagonjiha ellapo yavatthi ni echikhulupililo.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”