Yuda 1:17 - Mawu a Mulluku

¹⁷ Koma nyuwaano akhwaaka ookondiwa, muupuwelle ddallotiwe ni amurummwa a Apwiya Yesu Khrisitu.

Yuda 1:17 Iomraidhean Croise

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Aefeso 2:20

Nyuwaano moomakiwattho va matthipello a amurummwa ni a anamallotella, ayo Khrisitu Yesu ariiye nlluku noopalleeya wunchichi.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.