Yuda 1:12 - Mawu a Mulluku

¹² Yaalla sika enaripiha machellellwaanyu oohakallallella eyaattano mumpingoni vawi ennikonda weekhiiwa moohiwulliwa muru. Tti wonanko mirapo ddookakhiwa ni ephevo nave ddoohimurupiha murimu. Tti wonanko miteekho ddoohimma ezipaso naari ophiyalle omamallihello wa enthawi yoohata ezipaso. Tti wonanko miteekho ddootulliwa nave ddaakhwa.

Yuda 1:12 Iomraidhean Croise

2 Epilli 7:20

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeroyitthattusa yoottheyiha ni yoonyemulliwa variyari va athu attheene.

Yobu 8:17

Misisi ddaye ddinnarapa mookorowanjellana, ddinummellella vamallukuni.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Masalimo 37:2

vawi mwawaakuva ennanyaalla wonanko munyepu, ennumma wonanko makattha makitthi.

Miyambo 25:14

Athu ayo enalonjeza koma ehinakwakhwaniha tti wonanko mirapo ni ephevo nnddo ddihinamurupiha murimu.

Ezekiele 17:9

“Wallote wi Apwiya Mulluku enakoha wi, ‘Ethiyo mpesa yoolla oneerewunnuwa phaama? Ethiyo mpungoolle khotulla misisi ni okhaddulla enthambi ddiwa wi makattha enyaalle? Khopaalla masiva manchichi apaalle athu anchichi wi otulliwe?

Ezekiele 34:10

Mi Apwiya Mulluku kinallota wi nyu abusa tti adanaaka. Kineerowaakhani enkhosa ddaka, khamuwa muddichihattho. Kineerewuuhiihani mutteko woobusa wi muhiwe mupwathattho dda nyookha. Kineerovullusa enkhosa ddaka muwano mwanyu nave khamuwa muddittakhunattho.”

Ezekiele 34:18

Ethiyo nyuwaano khamunakwakhwanihiwa ni ocha va nipuro naphaama? Vano kaambiiwa tini munanyingallelleenyu nnddo muhinacheenyu? Ethiyo nyuwaano khamunakwakhwanihiwa ni owirya maaddi aphaama? Vano kaambiiwa tini mununttuwanyereenyu maaddi ayo muhinaawiryeenyu.

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?

Ezekiele 34:8

Kinimallupella vamiitthoni vaka, enkhosa ddaka ddaattakhuniwa, ddaatthattuwa yoocha ya enama ddamuhakani kaambiiwa ddaarama mbusa. Abusaaka kheyaaddithwanre enkhosa ddaka, yapwatha ddayiwave.

Hoseya 6:4

Koma Apwiya enallota wi, ‘Nyu Aefuremu, kiweereni tini? Nave nyu Ayuda, kiweereni tini? Echikondaanyu ennathiima wonanko ethapo yoohinase, tti wonanko nikame noohillekella wumma.

Levitiko 14:43

“Enguwinnddo ddamellattho mpammo ekumullallemo khalle mallukwaalle nave eyiwakille navettho eyisiringalle,

Mateyu 13:6

Koma nndduwa nakhumalliiwa ddoomella dding'onong'ononnddo ddaanyaalla ni wumma kaambiiwa misisi ddiwa khaddaayiille vatthi mookwakhwana.

Mateyu 15:13

Yesu ahaakhulla wi, “Afarisaalle tti wonanko ddoomella ddoohaalliwa nave Attiitthaaka ooddullu eneeromutulla arive muthu a yaayo.

Mariko 4:6

Koma nndduwa nakhumalliiwa ddoomella dding'onong'ononnddo ddaanyaalla ni wumma kaambiiwa misisi ddiwa khaddaayiille vatthi mookwakhwana.

Luka 12:45

Koma mullupa muttekooyo allota m'murimani mwaye wi apwinnya emmaselliwawo, aamba owuukutha allupa mutteko akhwaaye, aallopwana ni aatthiyaneene navettho anacha, anawirya ni olezela,

Luka 16:19

“Waakhalla muthu mmodda eeyuuma oyo awara ddoowara ddoowallamella mutengo nave nllapo ni nllapo aanakhoza machellello a ddoocha ddinchichi.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Luka 8:6

Mmodda wamorenlle va ethaya ya malluku koma wamenlliiwa wahumma kaambiiwa ethayeeyo kheyaarina munyezi.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Yakobo 5:5

Mohiichella va ellapo yavatthi ni eyuuma. Mohiineneviha okhozekella nllapo nawiiphiwa.