Yowele 2:3 - Mawu a Mulluku

³ Munllo onnallandda muhoollo mwiwa, mutulli mwiwa, munllo onnaviha, owiitthoni wiwa ellapo tti wonanko emata ya Edeni, otulli wiwa tti wonanko echipululu moohikhalla ello, khaavo anaavulluwe.

Yowele 2:3 Iomraidhean Croise

Yesaya 51:3

Mi Apwiya kineeromukhurumusa murima Ziyoni, oyo enakhalla mu matepaaye. Naari ellapwaaye eri echipululu, kineeroyitthattusa wonanko Edeni. Naari ellapwaaye eri nihaka, kineeroyitthattusa wonanko emata ya Apwiya. Wenko athu eneerohakallalla ni ottaphuwa, eneerewiipa machipo ookititimiha ni ookitthamalla.

Genesis 2:8

Sika Apwiya Mulluku yaallima emata mu Edeni wookhuma nndduwa nave muthu yamoopilliiwooyo yaamuhiya mwemmo.

Zekariya 7:14

Kahaapallallesa wonanko namangalle variyari va athu a mitundu ddimodda nnddo yahiddidduwelliiwa. Sika ellapwiiwa yaatthattuwa echipululu ni ntepe mwawi khaavo naari mmodda eetamo.”

Eksodo 10:15

Aahuruwella ellapo ettheene nave ethaya ettheene yaaripa ekaamba ya nazombooyo. Aacha erive ello yoomella muthayani ni ezipaso dda m'miteekhoni ddahoonongiwe ni marallallaalle. Kheyaarivo ello ekitthi yahallille vamuteekhoni apaalle yoomella mu ellapo ettheene ya Iguputo.

Eksodo 10:5

nave ethaya ettheene eneerohuruwelliwa ni nazombooyo wi ethayeeyo ehooneyettho. Aneerocha ddeko ddittheddene nnddo ddahoonongeye ni marallalla. Aneerocha miteekho nnddo ddinaphuwella wiilli.

Amosi 7:4

Nndda sika Apwiya Mulluku yakoonihelliiwa m'masomphenya mamodda. Yaakhozekella waallaka athwiiwa ni munllo. Munllooyo wahummiha maaddi oowallamellesesa nave wahaamba woononga ellapo yavatthi.

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Masalimo 50:3

Mullukwaahu animawa, kheera ellapo tuu. Muhoollo mwaye mookhalla mallumi amunllo, moowaapheella mwaye mutthemwene mookhalla ephevo yamasiva.

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Masalimo 97:3

Munllo onnahoolla, onnaashellelliha adaniiwa oowaapheella orive weko.

Yesaya 9:18

Vawi onanara wa athu onakhara wonanko munllo wawoosa miiwa ddoohiyanahiyana. Onnashellellihattho otthako nave mwiisiiwa onakhalla wonanko murapo wawiitivalla.

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

Yesaya 14:17

Ethiyo khe olle atthattusalle ellapo yavatthi echipululu ni okumulla mizinda nave ahaakhullella wi oophariwa ehokollweelle owaniwa?”

Yesaya 15:6

Maaddi aawelleella o muhinje wa Nimurimu, manasi aanyaalla, ahumma nave khaviri munyepu.

Ezekiele 36:35

Eneerekollota wi ‘Ethaya elle yatthattuwalle ntthalleelle vano yootthattuwa emata wonanko ya Edeni. Vano munnakhalla athu m'mizindani nndde khalle ddaari matepe oohiyiwa ni awoonongeya. Navettho mizindannddo vano ddookhalla ni mipanda ddoollipa.

Yesaya 33:4

Athu ennatthukumaniha ddawaakha ni oddilluphella wonanko aneerella nazombe.

Habakuku 1:6

Kineerewaawelliha odindo Ababiloni, mutundu wawoopiha ni wamasiva, eneerophiya virive veko va ellapo yavatthi wi yaakhe mapuro aaneena.